Adran 191 – Rhoi hysbysiadau a dogfennau eraill i ACC
230.Mae’r adran hon yn gymwys pan fo darpariaeth o’r Ddeddf neu unrhyw reoliadau a wneir oddi tani, yn ei gwneud yn ofynnol neu’n caniatáu i berson roi hysbysiad neu ddogfennau eraill i ACC. Rhaid i unrhyw ddogfen fod ar y ffurf honno, gynnwys yr wybodaeth honno a chael ei rhoi yn y dull hwnnw a bennir gan ACC, ond yn ddarostyngedig i unrhyw ddarpariaethau gwahanol a wneir o dan y Ddeddf. Mae’r adran hefyd yn nodi’r amgylchiadau pan na fo’n gymwys.
