Adrannau 37 a 38 – Gofynion gwybodaeth
75.Mae adran 37 yn galluogi Gweinidogion Cymru i’w gwneud yn ofynnol i awdurdodau sy’n uno ddarparu unrhyw wybodaeth iddynt sy’n briodol ym marn Gweinidogion Cymru er mwyn rhoi effaith i drosglwyddo swyddogaethau’r awdurdodau sy’n uno i’r prif awdurdod lleol newydd. Mae adran 38 yn caniatáu, at yr un diben, i Weinidogion Cymru ei gwneud yn ofynnol i awdurdod sy’n uno rannu gwybodaeth gyda chyrff perthnasol eraill – yr awdurdodau eraill sy’n rhan o’r uno, y pwyllgor pontio priodol a’r awdurdod cysgodol priodol.
