- Y Diweddaraf sydd Ar Gael (Diwygiedig) - Saesneg
- Y Diweddaraf sydd Ar Gael (Diwygiedig) - Cymraeg
- Gwreiddiol (Fel y'i Gwnaed) - Saesneg
- Gwreiddiol (Fel y'i Gwnaed) - Cymraeg
Dyma’r fersiwn wreiddiol (fel y’i gwnaed yn wreiddiol). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn diwygio Rheoliadau’r Gwasanaeth Iechyd Gwladol (Contractau Gwasanaethau Meddygol Cyffredinol) (Cymru) 2004 (O.S 2004/478, fel y’u diwygiwyd) (“Rheoliadau Contractau GMS”), Rheoliadau’r Gwasanaeth Iechyd Gwladol (Contractau Gwasanaethau Meddygol Cyffredinol) (Rhagnodi Cyffuriau Etc.) (Cymru) 2004 (O.S 2004/1002, fel y’u diwygiwyd (“Rheoliadau Rhagnodi Cyffuriau GMS”), Rheoliadau’r Gwasanaeth Iechyd Gwladol (Contractau Gwasanaethau Deintyddol Cyffredinol) (Cymru) 2006 (O.S. 2006/490, fel y’u diwygiwyd) (“Rheoliadau GDS”), a Rheoliadau’r Gwasanaeth Iechyd Gwladol (Cytundebau Gwasanaethau Deintyddol Personol) (Cymru) 2006 (O.S. 2006/489, fel y’u diwygiwyd) (“Rheoliadau PDS”).
Caiff darparwyr gwasanaethau o dan y contractau neu’r cytundebau y gwneir darpariaeth mewn cysylltiad â hwy gan Reoliadau Contractau GMS, Rheoliadau GDS a Rheoliadau PDS ddewis bod yn “corff gwasanaeth iechyd” ac felly i’w contract fod yn gontract GIG. Caiff darparwyr sy’n dewis bod yn gorff gwasanaeth iechyd hefyd ddewis peidio â bod yn gorff o’r fath mwyach ac i’w contract beidio â bod yn gontract GIG mwyach. Pan fo contractwr yn dewis peidio â bod yn gorff gwasanaeth iechyd mwyach, mae’r diwygiadau a wneir gan reoliadau 4, 8, 10, 12, 14 ac 16 yn cael yr effaith o ddarparu yr ymdrinnir â’r holl anghydfodau sy’n ymwneud â’r cyfnod pan oedd y contract yn gontract GIG o dan weithdrefn datrys anghydfodau’r GIG. Gwneir darpariaeth drosiannol yn rheoliad 18 sy’n darparu os yw anghydfod eisoes yn destun achos cyfreithiol cyn i’r rheoliadau hyn ddod i rym, fod yr anghydfod hwnnw i gael ei benderfynu yn unol â’r ddeddfwriaeth berthnasol fel yr oedd yn gymwys bryd hynny.
Mae rheoliad 5 yn mewnosod paragraff newydd 15A yn Atodlen 6 i Reoliadau Contractau GMS. Mae hyn yn galluogi contractwr i dderbyn aelod o luoedd arfog Ei Mawrhydi fel claf am gyfnod o ddwy flynedd ar y mwyaf os yw’r person hwnnw wedi cael awdurdodiad ysgrifenedig gan y Gwasanaethau Meddygol Amddiffyn i gael gwasanaethau meddygol o dan y contract ym mhractis y contractwr a bod y contractwr wedi ei fodloni bod y person yn byw neu’n gweithio o fewn ardal practis y contractwr.
Mae rheoliad 3 yn mewnosod diffiniad o “armed forces of the Crown” yn rheoliad 2(1) o Reoliadau Contractau GMS.
Mae rheoliadau 6 a 7 yn gwneud diwygiadau i baragraff 25 a 67 o Atodlen 6 i Reoliadau Contractau GMS sy’n ganlyniadol i’r diwygiadau a wneir gan reoliadau 3 a 5.
Mae rheoliad 9 yn diwygio Atodlen 2 i Reoliadau Rhagnodi Cyffuriau GMS. Mae rheoliad 9 yn gwneud diwygiadau i’r tabl yn Atodlen 2 sy’n cyfyngu ar yr amgylchiadau pan ganiateir archebu cyffuriau neu feddyginiaethau penodol ar gyfer categorïau penodedig o gleifion at ddibenion penodedig. Mae’r cofnod yn y tabl sy’n ymwneud â’r cyffuriau penodol na chaniateir eu harchebu ar gyfer trin camweithredu ymgodol ond mewn amgylchiadau cyfyngedig wedi ei ddiwygio er mwyn dileu Apomorphine Hydrochloride, Moxisylyte Hydrochloride, a Thymoxamine Hydrochloride ac er mwyn cynnwys Avanafil. Mae’r cofnod yn y tabl sy’n ymwneud â’r cyffur Oseltamivir (Tamiflu) ar gyfer trin y ffliw wedi ei ddiwygio er mwyn dileu’r cyfyngiad ar ragnodi’r cyffur i fabanod sydd o dan 1 oed. Mae rheoliad 9 hefyd yn diwygio’r diffiniad o ystyr “at-risk” yn Atodlen 2.
Mae rheoliadau 11, 13, 15 a 17 yn diwygio Atodlen 3 i Reoliadau GDS ac Atodlen 3 i Reoliadau PDS mewn perthynas â thermau contractiol eraill y mae rhaid i gontract GDS a chytundeb PDS eu cynnwys. Mae rheoliadau 11 a 15 yn mewnosod darpariaeth newydd mewn cysylltiad â’r defnydd o rifau ffôn penodol sy’n codi mwy o dâl ar gleifion na chost gyfatebol ffonio rhif ffôn daearyddol. Mae rheoliadau 13 a 17 yn gwneud diwygiadau mewn cysylltiad â’r termau contractiol mewn perthynas â therfynu contract deintyddol pan fo ymarferydd unigol yn marw. Effaith y diwygiadau yw estyn y cyfnod y mae rhaid i ystad deiliad contract gadarnhau i’r bwrdd iechyd ynddo ei fod yn dymuno parhau i fod yn ddeiliaid y contract ar ôl marwolaeth deiliad y contract i 28 o ddiwrnodau. Mae’r cyfnod amser sydd gan yr ystâd wedyn i wneud trefniadau i barhau i ddarparu’r gwasanaethau hefyd wedi ei estyn i chwe mis.
Y Diweddaraf sydd Ar Gael (diwygiedig):Y fersiwn ddiweddaraf sydd ar gael o’r ddeddfwriaeth yn cynnwys newidiadau a wnaed gan ddeddfwriaeth ddilynol ac wedi eu gweithredu gan ein tîm golygyddol. Gellir gweld y newidiadau nad ydym wedi eu gweithredu i’r testun eto yn yr ardal ‘Newidiadau i Ddeddfwriaeth’. Dim ond yn Saesneg y mae’r fersiwn ddiwygiedig ar gael ar hyn o bryd.
Gwreiddiol (Fel y’i Deddfwyd neu y’i Gwnaed) - Saesneg: Mae'r wreiddiol Saesneg fersiwn y ddeddfwriaeth fel ag yr oedd pan gafodd ei deddfu neu eu gwneud. Ni wnaed unrhyw newidiadau i’r testun.
Gwreiddiol (Fel y’i Deddfwyd neu y’i Gwnaed)-Cymraeg:Y fersiwn Gymraeg wreiddiol o’r ddeddfwriaeth fel yr oedd yn sefyll pan gafodd ei deddfu neu ei gwneud. Ni wnaed unrhyw newidiadau i’r testun.
Gallwch wneud defnydd o ddogfennau atodol hanfodol a gwybodaeth ar gyfer yr eitem ddeddfwriaeth o’r tab hwn. Yn ddibynnol ar yr eitem ddeddfwriaeth sydd i’w gweld, gallai hyn gynnwys:
Defnyddiwch y ddewislen hon i agor dogfennau hanfodol sy’n cyd-fynd â’r ddeddfwriaeth a gwybodaeth am yr eitem hon o ddeddfwriaeth. Gan ddibynnu ar yr eitem o ddeddfwriaeth sy’n cael ei gweld gall hyn gynnwys:
liciwch ‘Gweld Mwy’ neu ddewis ‘Rhagor o Adnoddau’ am wybodaeth ychwanegol gan gynnwys