Gorchymyn Deddf Iechyd a Gofal Cymdeithasol (Ansawdd ac Ymgysylltu) (Cymru) 2020 (Cychwyn Rhif 4) 2023

NODYN ESBONIADOL

(Nid yw’r nodyn hwn yn rhan o’r Gorchymyn)

Mae’r Gorchymyn hwn a wneir gan Weinidogion Cymru yn dwyn i rym ddarpariaethau penodol yn Neddf Iechyd a Gofal Cymdeithasol (Ansawdd ac Ymgysylltu) (Cymru) 2020 (“y Ddeddf”).

Mae erthygl 2 o’r Gorchymyn hwn yn dwyn i rym y darpariaethau a ganlyn o’r Ddeddf ar 29 Mawrth 2023—

(a) adran 23(3) (dileu Cynghorau Iechyd Cymuned, a materion cysylltiedig);

(b) Atodlen 2 (trosglwyddo eiddo, hawliau a rhwymedigaethau).

Mae erthygl 3(1) o’r Gorchymyn hwn yn dwyn i rym y darpariaethau a ganlyn o’r Ddeddf ar 1 Ebrill 2023—

(a) adran 1 (trosolwg o’r Ddeddf hon);

(b) adran 2 (ansawdd wrth ddarparu gwasanaethau iechyd);

(c) adran 3 (pryd y mae’r ddyletswydd gonestrwydd yn gymwys);

(d) adran 5 (darparwyr gofal sylfaenol: dyletswydd i lunio adroddiad);

(e) adran 6 (cyflenwi a chrynhoi adroddiad o dan adran 5);

(f) adran 7 (Bwrdd Iechyd Lleol, ymddiriedolaeth GIG ac Awdurdod Iechyd Arbennig: gofynion adrodd);

(g) adran 8 (cyhoeddi crynodeb adran 6 ac adroddiad adran 7);

(h) adran 9 (cyfrinachedd);

(i) adran 10 (canllawiau a roddir gan Weinidogion Cymru);

(j) adran 13 (amcan cyffredinol);

(k) adran 14 (ymwybyddiaeth y cyhoedd a datganiad polisi);

(l) adran 15 (sylwadau i gyrff cyhoeddus);

(m) adran 16 (gwasanaethau eirioli etc. mewn cysylltiad â chwynion am wasanaethau);

(n) adran 17 (dyletswydd i hybu ymwybyddiaeth o weithgareddau Corff Llais y Dinesydd);

(o) adran 18 (dyletswydd i gyflenwi gwybodaeth i Gorff Llais y Dinesydd);

(p) adran 20 (cydweithredu rhwng y Corff, awdurdodau lleol a chyrff y GIG);

(q) adran 23(1) a (2) (dileu Cynghorau Iechyd Cymuned, a materion cysylltiedig);

(r) adran 27 (mân ddiwygiadau a diwygiadau canlyniadol);

(s) paragraffau 6 (penodi’r aelod cyswllt), 7 (telerau aelodaeth gyswllt etc.) ac 8 (anghymhwyso rhag penodiad fel aelod anweithredol) o Atodlen 1 (Corff Llais y Dinesydd ar gyfer Iechyd a Gofal Cymdeithasol, Cymru);

(t) Atodlen 3 (mân ddiwygiadau a diwygiadau canlyniadol).

Mae erthygl 3(2) o’r Gorchymyn hwn yn dwyn i rym y darpariaethau a ganlyn o’r Ddeddf ar 1 Ebrill 2023, i’r graddau nad yw’r darpariaethau hynny eisoes wedi eu cychwyn—

(a) adran 4 (gweithdrefn dyletswydd gonestrwydd);

(b) adran 11 (dehongli “gofal iechyd” a thermau eraill).