Rheoliadau Addysg (Cymorth i Fyfyrwyr) (Cymru) 2018

[F1 Categori 2ZC – Gwladolion Wcreinaidd a ddiogelir LL+C

2ZC.— (1) Person—

(a) sy’n wladolyn Wcreinaidd a ddiogelir,

(b) sydd wedi bod yn preswylio fel arfer yn y Deyrnas Unedig a’r Ynysoedd drwy gydol y cyfnod ers dod yn wladolyn Wcreinaidd a ddiogelir, ac

(c) sy’n preswylio fel arfer yng Nghymru ar ddiwrnod cyntaf blwyddyn academaidd gyntaf y cwrs.

[F2 (1A) Person—

(a) sy’n briod neu’n bartner sifil i wladolyn Wcreinaidd a ddiogelir,

(b) a oedd, ar ddyddiad y cais i gael caniatâd i ddod i mewn neu i aros, yn briod neu’n bartner sifil i’r person hwnnw,

(c) sy’n preswylio fel arfer yn y Deyrnas Unedig a’r Ynysoedd ac nad yw wedi peidio â phreswylio felly er pan roddwyd caniatâd iddo i ddod i mewn i’r Deyrnas Unedig neu i aros ynddi, a

(d) sy’n preswylio fel arfer yng Nghymru ar ddiwrnod cyntaf blwyddyn academaidd gyntaf y cwrs.

(1B) Person—

(a) sydd—

(i) yn blentyn i wladolyn Wcreinaidd a ddiogelir, neu

(ii) yn blentyn i briod neu bartner sifil gwladolyn Wcreinaidd a ddiogelir,

(b) a oedd, ar ddyddiad y cais i gael caniatâd i ddod i mewn neu i aros—

(i) o dan 18 oed, a

(ii) yn blentyn i wladolyn Wcreinaidd a ddiogelir neu, yn ôl y digwydd, yn blentyn i berson a oedd yn briod neu’n bartner sifil i wladolyn Wcreinaidd a ddiogelir,

(c) sy’n preswylio fel arfer yn y Deyrnas Unedig a’r Ynysoedd ac nad yw wedi peidio â phreswylio felly er pan roddwyd caniatâd iddo i ddod i mewn i’r Deyrnas Unedig neu i aros ynddi, a

(d) sy’n preswylio fel arfer yng Nghymru ar ddiwrnod cyntaf blwyddyn academaidd gyntaf y cwrs.]

(2) Yn y paragraff hwn, ystyr “gwladolyn Wcreinaidd a ddiogelir” yw person [F3 y mae ganddo ganiatâd cyfredol] i ddod i mewn i’r Deyrnas Unedig neu i aros ynddi [F4 a roddwyd]—

(a) [F5 o dan Atodiad Cynllun Wcráin i’r rheolau mewnfudo, yn rhinwedd unrhyw un neu ragor o’r cynlluniau a ganlyn—

(i) y Cynllun Teuluoedd o Wcráin;

(ii) y Cynllun Noddi Cartrefi i Wcráin;

(iii) y Cynllun Estyn Cyfnod Gwladolion o Wcráin;

(iv) Cynllun Estyn Caniatâd Wcráin,] neu

(b) y tu allan i’r rheolau mewnfudo—

(i) pan oedd y person yn preswylio yn Wcráin yn union cyn 1 Ionawr 2022; a

(ii) pan adawodd y person Wcráin mewn cysylltiad â’r ymosodiad gan Rwsia a ddigwyddodd ar 24 Chwefror 2022.]

[F6 (3) Yn y paragraff hwn, ystyr “dyddiad y cais i gael caniatâd i ddod i mewn neu i aros” yw’r dyddiad y gwnaeth person (“P”) gais am ganiatâd i ddod i mewn i’r Deyrnas Unedig neu i aros ynddi sy’n arwain at P yn dod yn berson y rhoddwyd caniatâd iddo i ddod i mewn neu i aros fel gwladolyn Wcreinaidd a ddiogelir.]

Diwygiadau Testunol

F1 Atod. 2 para. 2ZC wedi ei fewnosod (gyda chymhwysiad yn unol â rhl. 3 o'r O.S. sy'n diwigio) gan Rheoliadau Addysg (Cyllid Myfyrwyr) (Gwladolion Wcreinaidd ac Aelodau o’u Teuluoedd) (Diwygiadau Amrywiol) (Cymru) 2022 (O.S. 2022/764), rhlau. 2, 43

F2 Atod. 2 para. 2ZC(1A)(1B) wedi ei fewnosod (4.1.2024) gan Rheoliadau Addysg (Cyllid Myfyrwyr) (Diwygiadau Amrywiol) (Rhif 3) (Cymru) 2023 (O.S. 2023/1349), rhlau. 1(2), 40(a) (ynghyd â rhl. 2)

F3 Geiriau yn Atod. 2 para. 2ZC(2) wedi eu hamnewid (17.7.2025) gan Rheoliadau Addysg (Cyllid Myfyrwyr) (Diwygiadau Amrywiol) (Rhif 2) (Cymru) 2025 (O.S. 2025/728), rhlau. 1(2), 8(a) (ynghyd â rhl. 2)

F4 Gair yn Atod. 2 para. 2ZC(2) wedi ei fewnosod (17.7.2025) gan Rheoliadau Addysg (Cyllid Myfyrwyr) (Diwygiadau Amrywiol) (Rhif 2) (Cymru) 2025 (O.S. 2025/728), rhlau. 1(2), 8(b) (ynghyd â rhl. 2)

F5 Atod. 2 para. 2ZC(2)(a) wedi ei amnewid (3.2.2025) gan Rheoliadau Addysg (Cyllid Myfyrwyr) (Diwygiadau Amrywiol) (Cymru) 2025 (O.S. 2025/16), rhlau. 1(2), 23

F6 Atod. 2 para. 2ZC(3) wedi ei fewnosod (4.1.2024) gan Rheoliadau Addysg (Cyllid Myfyrwyr) (Diwygiadau Amrywiol) (Rhif 3) (Cymru) 2023 (O.S. 2023/1349), rhlau. 1(2), 40(b) (ynghyd â rhl. 2)