Gorchymyn Deddf Anghenion Addysgol Arbennig ac Anabledd 2001 (Cychwyn) (Cymru) 2002

Offerynnau Statudol Cymru

2002 Rhif 74 (Cy.8) (C.1)

ADDYSG, CYMRU

Gorchymyn Deddf Anghenion Addysgol Arbennig ac Anabledd 2001 (Cychwyn) (Cymru) 2002

Wedi'i wneud

17 Ionawr 2002

Mae Cynulliad Cenedlaethol Cymru, drwy arfer y pwer a roddwyd iddo gan adran gan adran 43(6) a (7) o Ddeddf Anghenion Addysgol Arbennig ac Anabledd 2001(1), drwy hyn yn gwneud y Gorchymyn canlynol:

Enwi, Cymhwyso a Dehongli

1.   Enw'r Gorchymyn hwn yw Gorchymyn Deddf Anghenion Addysgol Arbennig ac Anabledd 2001 (Cychwyn) (Cymru) 2002.

2.   Mae'r Gorchymyn hwn yn gymwys mewn perthynas â Chymru yn unig.

3.   Yn y Gorchymyn hwn, onid yw'n dweud fel arall, mae cyfeiriadau at adrannau ac Atodlenni yn gyfeiriadau at adrannau o Ddeddf Anghenion Addysgol Arbennig ac Anabledd 2001 ac Atodlenni iddi.

Y diwrnodau penodedig

4.   Y diwrnod penodedig i'r darpariaethau a bennwyd yn Rhan I o'r Atodlen i'r Gorchymyn hwn ddod i rym yw 21 Ionawr 2002.

5.   Y diwrnod penodedig i'r darpariaethau a bennwyd yn Rhan II o'r Atodlen i'r Gorchymyn hwn ddod i rym yw 1 Ebrill 2002.

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(2)

John Marek

Dirprwy Lywydd y Cynulliad Cenedlaethol

17 Ionawr 2002

Erthyglau 4 a 5

YR ATODLEN

RHAN I Y DARPARIAETHAU SY'N DOD I RYM AR 21 IONAWR 2002

Y DDARPARIAETH	Y PWNC
Adran 1 (i'r graddau y mae ei hangen er mwyn gwneud unrhyw reoliadau y mae'n darparu ar eu cyfer)	Addysgu plant ag anghenion addysgol arbennig yn ysgolion y brif ffrwd
Adran 8 (i'r graddau y mae ei hangen er mwyn gwneud unrhyw reoliadau y mae'n darparu ar eu cyfer)	Adolygiad neu asesiad o anghenion addysgol arbennig ar gais corff cyfrifol
Adran 42(1) (i'r graddau y mae'n berthnasol i ddarpariaethau Atodlen 8 a nodir yn y tabl hwn)	Mân ddiwygiadau a diwygiadau canlyniadol
Paragraffau 17 a 18 o Atodlen 8 (i'r graddau y mae eu hangen er mwyn gwneud unrhyw reoliadau y mae'n darparu ar eu cyfer)	Deddf Personau Anabl (Gwasanaethau, Ymgynghori a Chynrychioli) 1986

RHAN II Y DARPARIAETHAU SY'N DOD I RYM AR 1 EBRILL 2002

Y DDARPARIAETH	Y PWNC
Adran 1 (i'r graddau nad yw eisoes mewn grym)	Addysgu plant ag anghenion addysgol arbennig yn ysgolion y brif ffrwd
Adran 2	Cyngor a gwybodaeth i rieni
Adran 3	Datrys anghydfodau
Adran 7	Dyletswydd i roi gwybod i riant pan wneir darpariaeth addysgol arbennig
Adran 8 (i'r graddau nad yw eisoes mewn grym)	Adolygiad neu asesiad o anghenion addysgol arbennig ar gais corff cyfrifol
Adran 9	Dyletswydd i bennu ysgol a enwir
Adran 42(1) (i'r graddau nad yw eisoes mewn grym) i'r graddau y mae'n berthnasol i ddarpariaethau Atodlen 8 a bennir isod. Adran 42(6) i'r graddau y mae'n berthnasol i ddarpariaethau Atodlen 9 a bennir isod.	Mân ddiwygiadau a diddymiadau
Yn Atodlen 8, paragraffau 1, 5 i 12, 14, 16 i 18 (i'r graddau nad ydynt eisoes mewn grym)	Mân ddiwygiadau a diwygiadau canlyniadol
Yn Atodlen 9 y diddymiadau canlynol i'r graddau y maent yn berthnasol i Gymru— yn Neddf Personau Anabl (Gwasanaethau, Ymgynghori a Chynrychioli) 1986, adran 5(1)(3); yn Neddf Addysg 1996(4)— yn adran 325(1), y geiriau “, and of the effect of subsection (2) below”; yn Atodlen 27, paragraff 3(4), paragraff 8(1)(b)(iii), ym mharagraff 9(1) y geiriau “amend, or” a “10 or”, a pharagraff 10.

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn darparu ar gyfer dwyn i rym ddarpariaethau penodol o Ddeddf Anghenion Addysgol Arbennig ac Anabledd 2001 yng Nghymru ar 21 Ionawr 2002 er mwyn caniatáu i reoliadau sy'n ymwneud ag anghenion addysgol arbennig (AAA) gael eu gwneud cyn cychwyn gweddill darpariaethau'r Ddeddf sy'n ymwneud ag AAA.

Mae hefyd yn darparu ar gyfer dwyn i rym yng Nghymru ar 1 Ebrill 2002 y darpariaethau eraill yn y Ddeddf sy'n ymwneud ag AAA, gan gynnwys darpariaethau sy'n ymwneud ag addysgu plant ag AAA yn ysgolion y brif ffrwd, darparu cyngor a gwybodaeth i rieni plant ag AAA, a threfniadau ar gyfer datrys anghydfodau ynghylch materion sy'n ymwneud ag AAA, adnabod ac asesu anghenion addysgol arbennig a diwygio datganiadau AAA.

(1)

2001 c. 10.

(2)

1998 p.38.

(3)

1986 p.33.

(4)

1996 p.56.