Deddf Iechyd a Gofal Cymdeithasol (Cymru) 2025

7 Darparwyr gwasanaethau plant o dan gyfyngiad: yr wybodaeth a gynhwysir mewn datganiad blynyddol

Yn Neddf 2016, yn adran 10—

(a) yn is-adran (2)(a), ar ôl paragraff (viii) mewnosoder—

“(viiia) unrhyw wybodaeth a ragnodir am dystiolaeth sy’n berthnasol i’r prawf person addas a phriodol;”;

(b) ar ôl is-adran (2) mewnosoder—

“(2A) Yn achos darparwr gwasanaeth, ac eithrio awdurdod lleol, sy’n darparu gwasanaeth plant o dan gyfyngiad, rhaid i ddatganiad hefyd gynnwys unrhyw wybodaeth a ragnodir er mwyn bodloni Gweinidogion Cymru bod y darparwr yn bodloni’r gofyniad yn adran 6A(1).

(2B) Ond nid yw is-adran (2A) yn gymwys mewn cysylltiad â darparwr nad yw adran 6A yn gymwys iddo yn rhinwedd paragraff 2(4) o Atodlen 1A.”;

(c) yn is-adran (6)—

(i) ym mharagraff (b), ar y diwedd hepgorer “neu”;

(ii) ar ôl paragraff (b) mewnosoder—

“(ba) y rheoliadau cyntaf a wneir o dan is-adran (2)(a)(viiia),”;

(iii) ym mharagraff (c), ar y diwedd mewnosoder “neu”;

(iv) ar ôl paragraff (c) mewnosoder—

“(d) y rheoliadau cyntaf a wneir o dan is-adran (2A),”.