Nodiadau Esboniadol i

Adran 4: Ystyr “manwerthwr alcohol”

23. Mae’r adran hon yn diffinio manwerthwr alcohol mewn perthynas â phob un o’r mathau gwahanol o fangreoedd cymhwysol.

24. Pan fo alcohol yn cael ei gyflenwi o fangre y mae trwydded wedi ei rhoi mewn cysylltiad â hi o dan Ran 3 o Ddeddf Trwyddedu 2003 (er enghraifft, tafarn neu archfarchnad), mae pob un o’r canlynol yn fanwerthwr alcohol at ddiben y Ddeddf:

(a)

deiliad trwydded bersonol o dan Ran 6 o Ddeddf Trwyddedu 2003;

(b)

goruchwyliwr dynodedig y fangre o dan Ddeddf Trwyddedu 2003.

25. Mewn perthynas â chlybiau, y manwerthwr alcohol yw deiliad y dystysgrif mangre clwb (er enghraifft, y clwb).

26. Mewn perthynas â gweithgareddau dros dro, y manwerthwr alcohol yw defnyddiwr y fangre at ddiben Rhan 5 o Ddeddf Trwyddedu 2003. Er enghraifft, y person sydd wedi trefnu’r ffair stryd, os rhoddodd yr hysbysiad am weithgaredd dros dro o dan Ran 5.