Adran 173 – Hysbysiad y landlord ac Adran 174 - Y cyfnod hysbysu byrraf a ganiateir
402.Mae adran 173 yn darparu y caiff y landlord o dan gontract safonol cyfnodol derfynu’r contract hwnnw drwy roi hysbysiad i ddeiliad y contract bod rhaid iddo ildio meddiant o’r annedd ar ddyddiad a bennir yn yr hysbysiad. Os nad yw’r adran hon wedi ei hymgorffori mewn contract meddiannaeth, ni fydd y darpariaethau cysylltiedig yn adrannau 125(1)(b) a 126 ynghylch amrywio’r contract gan y landlord drwy roi hysbysiad, yn gymwys (gan fod yr adrannau hynny’n ymwneud â phŵer y landlord i amrywio’r contract yn unochrog, a thrin hysbysiad amrywio fel hysbysiad ceisio meddiant a roddir o dan y teler o’r contract sy’n ymgorffori adran 173, os nad yw deiliad y contract yn derbyn yr amrywiad).
403.Mae adran 174 yn nodi’r cyfnod hysbysu byrraf a ganiateir. Ni chaiff y landlord bennu ar ba ddyddiad y mae’n rhaid i berson ildio meddiant, os yw’r dyddiad hwnnw lai na dau fis o’r dyddiad y rhoddir yr hysbysiad.
