Adran 85 – Cyfraniadau tuag at gynhaliaeth plant sy’n derbyn gofal
265.Mae adran 85 yn cyflwyno Atodlen 1 sy’n gwneud darpariaeth sy’n nodi’r amgylchiadau pan gaiff yr awdurdod lleol ofyn am gyfraniadau oddi wrth oedolion tuag at gynhaliaeth plentyn sy’n derbyn gofal. Mae’r ddarpariaeth yn Atodlen 1, ar y cyfan, yn ailddatgan y ddarpariaeth yn Rhan 3 o Atodlen 2 i Ddeddf Plant 1989; fodd bynnag, mae paragraff 1 o Atodlen 1 yn atal gofyn am unrhyw gyfraniad oddi wrth berson sydd o dan 18 oed (p’un ai’r plentyn sy’n derbyn gofal neu’r rhiant neu’r person sydd â chyfrifoldeb rhiant dros blentyn o’r fath yw’r person hwnnw).