Deddf Gwasanaethau Cymdeithasol a Llesiant (Cymru) 2014

Adran 93 – Rheoliadau sy’n darparu ar gyfer cymeradwyo rhieni maeth awdurdod lleol

274. Mae adran 93 yn cynnwys enghraifft o’r ffordd y gellid defnyddio’r pŵer i wneud rheoliadau yn adran 87 i wneud darpariaeth ynghylch cymeradwyo rhieni maeth gan yr awdurdod lleol. Caiff rheoliadau o’r fath, er enghraifft:

a)

cynnwys darpariaeth sy’n pennu na chaniateir i blentyn gael ei leoli gyda rhieni maeth hyd nes bo’r awdurdod lleol wedi cymeradwyo eu penodiad fel rhieni maeth;

b)

cynnwys darpariaeth ynghylch sefydlu gweithdrefn annibynnol i adolygu’r broses o gymeradwyo rhieni maeth, gan gynnwys sefydlu panel a gynullir gan Weinidogion Cymru;

c)

gwneud darpariaeth ynghylch dyletswyddau a phwerau panel o’r fath;

d)

gwneud darpariaeth ynghylch penodi aelodau o’r panel a’r modd y cânt eu talu a’r trefniadau ar gyfer adolygu penderfyniad y panel a’r gweithdrefnau ar gyfer monitro adolygiadau o’r fath; ac

e)

gwneud darpariaeth sy’n galluogi Gweinidogion Cymru i gontractio gyda sefydliad arall i arfer adolygiad annibynnol o benderfyniadau o’r fath.