Cyflwyniad
1.Mae’r Nodiadau Esboniadol hyn ar gyfer Deddf Archwilio Cyhoeddus (Cymru) 2013 a basiwyd gan Gynulliad Cenedlaethol Cymru ar 5 Mawrth 2013 ac a gafodd y Cydsyniad Brenhinol ar 29 Ebrill 2013. Fe'u lluniwyd gan Adran Llywodraeth Leol a Chymunedau Llywodraeth Cymru er mwyn cynorthwyo'r sawl sy'n darllen y Ddeddf. Dylid darllen y Nodiadau Esboniadol ar y cyd â'r Ddeddf ond nid ydynt yn rhan ohoni.
2.Mae’r pwerau i wneud y Ddeddf wedi eu cynnwys yn Rhan 4 o Ddeddf Llywodraeth Cymru 2006 ac Atodlen 7 ir Ddeddf honno. Mae gan Gynulliad Cenedlaethol Cymru y cymhwysedd i wneud darpariaeth ar gyfer Deddf Archwilio Cyhoeddus (Cymru) 2013, ac mewn cysylltiad â hi, yn rhinwedd Atodlen 7, pwnc 15 (Gweinyddiaeth Gyhoeddus).
3.Defnyddir y termau a'r byrfoddau canlynol yn y Nodiadau Esboniadol:
Y Cynulliad – Cynulliad Cenedlaethol Cymru
Comisiwn y Cynulliad – Comisiwn Cynulliad Cenedlaethol Cymru
ACC – Archwilydd Cyffredinol Cymru
SAC – Swyddfa Archwilio Cymru
CGC – Cronfa Gyfunol Cymru
