Rheoliadau Defnyddiau ac Eitemau Plastig mewn Cyffyrddiad â Bwyd (Gasgedi mewn Caeadau) (Cymru) 2008
1Enwi, cymhwyso a chychwyn
2Dehongli
3Gorfodi
4Tramgwyddau a chosbau
5Tramgwyddau gan gyrff corfforaethol neu bartneriaethau Albanaidd
6Tramgwyddau o ganlyniad i weithred neu ddiffyg gweithred gan drydydd person
7Y terfyn amser ar gyfer erlyniadau
8Amddiffyniad o ddiwydrwydd dyladwy
9Y weithdrefn i'w dilyn pan fydd sampl i'w dadansoddi
10Dadansoddi eilaidd gan Gemegydd y Llywodraeth
11Cymhwyso gwahanol adrannau o Ddeddf Diogelwch Bwyd 1990
12Diwygio Rheoliadau Diogelwch Bwyd (Samplu a Chymwysterau) 1990

2008 Rhif 56 (Cy.11)

BWYD, CYMRU

Rheoliadau Defnyddiau ac Eitemau Plastig mewn Cyffyrddiad â Bwyd (Gasgedi mewn Caeadau) (Cymru) 2008

Gwnaed

Gosodwyd gerbron Cynulliad Cenedlaethol Cymru

Yn dod i rym

Mae Gweinidogion Cymru yn gwneud y Rheoliadau canlynol drwy arfer y pwerau a roddwyd gan adrannau 16(2)(c), 17(2), 26(1)(a) a (3) a 48(1) o Ddeddf Diogelwch Bwyd 19901 ac a freiniwyd bellach ynddynt hwy2.

Yn unol ag adran 48(4A) o'r Ddeddf honno, maent wedi rhoi sylw i gyngor perthnasol a roddwyd iddynt gan yr Asiantaeth Safonau Bwyd.

Fel sy'n ofynnol gan Erthygl 9 o Reoliad (EC) Rhif 178/2002 Senedd Ewrop a'r Cyngor, sy'n pennu egwyddorion cyffredinol a gofynion cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd3, cafwyd ymgynghoriad cyhoeddus agored a thryloyw wrth lunio a gwerthuso'r Rheoliadau hyn.