Gorchymyn Deddf Addysg Drydyddol ac Ymchwil (Cymru) 2022 (Cychwyn Rhif 7, Darpariaethau Darfodol a Throsiannol a Darpariaethau Arbed) 2026

21.—( 1) Yn Atodlen 4 i’r Ddeddf—

(a) daw paragraff 13(2)(a) i rym ar 31 Gorffennaf 2026 yn ddarostyngedig i’r addasiad ym mharagraff (3);

(b) daw paragraff 19(2)(b) i rym ar 31 Gorffennaf 2026 yn ddarostyngedig i’r addasiad ym mharagraff (4);

(c) daw paragraff 19(3) i rym ar 31 Gorffennaf 2026 yn ddarostyngedig i’r addasiad ym mharagraff (5).

(2) Mae’r addasiadau ym mharagraffau (3) i (5) yn gymwys yn ystod y cyfnod sy’n dechrau â 31 Gorffennaf 2026 ac sy’n dod i ben yn union cyn i baragraff 6(3)(c) o Atodlen 4 i’r Ddeddf ddod i rym yn llawn.

(3) Mae Atodlen 2A (personau sy’n ddarostyngedig i adolygiad gan y Comisiynydd o dan adran 72B) i Ddeddf Safonau Gofal 2000(1) yn cael effaith fel pe bai’r canlynol wedi ei fewnosod ar ôl paragraff 7—

“7A Any university receiving financial support under section 65 of the Further and Higher Education Act 1992 (other than a university falling within another paragraph in this Schedule).”

(4) Mae Atodlen 2 (personau y mae eu swyddogaethau yn ddarostyngedig i’w hadolygu o dan adran 3) i Ddeddf Comisiynydd Pobl Hŷn (Cymru) 2006(2) yn cael effaith fel pe bai’r canlynol wedi ei fewnosod ar ôl y cofnod ar gyfer “Qualifications Wales”—

“A university receiving financial support under section 65 of the Further and Higher Education Act 1992 (other than a university falling within another entry in this Schedule).”

(5) Mae Atodlen 3 (personau y mae eu trefniadau yn ddarostyngedig i’w hadolygu o dan adran 5) i Ddeddf Comisiynydd Pobl Hŷn (Cymru) 2006 yn cael effaith fel pe bai’r canlynol wedi ei fewnosod ar ôl y cofnod ar gyfer “The governing body of a maintained school in Wales at which further education is provided”—

“A university receiving financial support under section 65 of the Further and Higher Education Act 1992 (other than a university falling within another entry in this Schedule).”

(1)

2000 p. 14.

(2)

2006 p. 30.