Gorchymyn Deddf Iechyd a Gofal Cymdeithasol (Cymru) 2025 (Cychwyn Rhif 1 a Darpariaethau Trosiannol a Darpariaethau Arbed) 2025

Darpariaethau amrywiol sy’n ymwneud â gwasanaethau gofal cymdeithasol, gweithwyr gofal cymdeithasol a swyddogaethau gofal cymdeithasol awdurdodau lleol

3.—( 1) Daw’r darpariaethau a ganlyn o’r Ddeddf i rym ar 1 Ionawr 2026—

(a) adran 14(2)(c) (dyletswydd i gyflwyno a chyhoeddi datganiad blynyddol),

(b) adran 15 (cais i ganslo cofrestriad darparwr gwasanaeth: yr wybodaeth sydd i’w darparu),

(c) is-baragraffau (2) a (5) i (8) o baragraff 7 o Atodlen 1, ac adran 22 (gofal cymdeithasol: mân ddiwygiadau a diwygiadau canlyniadol) i’r graddau y mae’n ymwneud â’r is-baragraffau hynny,

(d) adran 20 (taliadau uniongyrchol ym maes gofal cymdeithasol)—

(i) is-adran (1);

(ii) is-adran (2)(a);

(iii) is-adran (2)(c) a (d), ond dim ond i’r graddau y mae’n cychwyn paragraffau 1, 2 a 6 i 8 o Atodlen A1 i Ddeddf 2014, ac

(e) paragraff 5(3)(d) o Atodlen 1.

(2) Daw’r darpariaethau a ganlyn o’r Ddeddf i rym ar 1 Ebrill 2026—

(a) adran 14 i’r graddau nad yw eisoes mewn grym,

(b) adran 17 (gwybodaeth, arolygiadau ac ymchwiliadau), ac eithrio is-adran (3),

(c) adran 19 (achosion addasrwydd i ymarfer: pwerau i estyn gorchmynion interim),

(d) is-baragraffau (9) i (13) o baragraff 7 o Atodlen 1, ac adran 22 i’r graddau y mae’n ymwneud â’r is-baragraffau hynny,

(e) adran 20 i’r graddau nad yw eisoes mewn grym, ac

(f) paragraffau 3, 4(1) a (3), 5 a 6 o Atodlen 1, ac adran 22 i’r graddau y mae’n ymwneud â’r paragraffau hynny, i’r graddau nad ydynt eisoes mewn grym.