Rheoliadau Ychwanegion Bwyd a Bwydydd Newydd (Awdurdodiadau a Diwygiadau Amrywiol) a Chyflasynnau Bwyd (Dileu Awdurdodiadau) (Cymru) 2024

Offerynnau Statudol Cymru

2024 Rhif 741 (Cy. 102)

Bwyd, Cymru

Rheoliadau Ychwanegion Bwyd a Bwydydd Newydd (Awdurdodiadau a Diwygiadau Amrywiol) a Chyflasynnau Bwyd (Dileu Awdurdodiadau) (Cymru) 2024

Gwnaed

5 Mehefin 2024

Gosodwyd gerbron Senedd Cymru

7 Mehefin 2024

Yn dod i rym

28 Mehefin 2024

Mae Gweinidogion Cymru yn gwneud y Rheoliadau hyn drwy arfer y pwerau a roddir gan—

• Erthyglau 7(4) a (5) a 14A(2)(b) o Reoliad (EC) Rhif 1331/2008 Senedd Ewrop a’r Cyngor sy’n sefydlu gweithdrefn awdurdodi gyffredin ar gyfer ychwanegion bwyd, ensymau bwyd a chyflasynnau bwyd(1);

• Erthyglau 12(1) a 32A(3)(b) o Reoliad (EU) 2015/2283 Senedd Ewrop a’r Cyngor ar fwydydd newydd(2).

Mae Gweinidogion Cymru wedi ceisio cyngor gan yr Asiantaeth Safonau Bwyd ac wedi rhoi sylw i’r cyngor hwnnw, fel sy’n ofynnol gan Erthygl 7(4) a (5) o Reoliad (EC) Rhif 1331/2008 (mewn perthynas â Rhannau 2 a 3 o’r Rheoliadau hyn)(3).

Ymgynghorwyd fel sy’n ofynnol gan Erthygl 9 o Reoliad (EC) Rhif 178/2002 Senedd Ewrop a’r Cyngor sy’n gosod egwyddorion a gofynion cyffredinol cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd(4).

(1)

EUR 2008/1331, a ddiwygiwyd gan O.S. 2019/860, 2022/1351. Diwygiwyd O.S. 2019/860 gan O.S. 2020/1504. Diffinnir y termau “domestic list”, “prescribe” ac “appropriate authority” yn Erthygl 2 o EUR 2008/1331. Diffinnir y term “sectoral food law” yn Erthygl 1(2) o EUR 2008/1331. Mewn perthynas â Rhan 2 o’r Rheoliadau hyn, mae Erthygl 7(5) o EUR 2008/1331 yn gymwys yn unol ag Erthyglau 10(3), 14 a 30(4) o Reoliad (EC) Rhif 1333/2008 Senedd Ewrop a’r Cyngor ar ychwanegion bwyd (EUR 2008/1333). Mewn perthynas â Rhan 3 o’r Rheoliadau hyn, mae Erthygl 7(4) o EUR 2008/1331 yn gymwys yn unol ag Erthygl 11(3) o Reoliad (EC) Rhif 1334/2008 Senedd Ewrop a’r Cyngor ar gyflasynnau a chynhwysion bwyd penodol â phriodoleddau cyflasu sydd i’w defnyddio mewn bwydydd ac ar fwydydd (EUR 2008/1334).

(2)

EUR 2015/2283, a ddiwygiwyd gan O.S. 2019/702; mae offerynnau diwygio eraill ond nid yw’r un ohonynt yn berthnasol. Diwygiwyd O.S. 2019/702 gan O.S. 2020/1504. Diffinnir y termau “prescribe”, “appropriate authority” a “list” yn Erthygl 3 o EUR 2015/2283. Mae Erthygl 12(1) o EUR 2015/2283 yn gymwys yn unol ag Erthyglau 9 a 27(1) o’r Rheoliad hwnnw.

(3)

Diffinnir y term “Authority” yn Erthygl 2(3) o EUR 2008/1331.

(4)

EUR 2002/178, a ddiwygiwyd gan O.S. 2019/641; mae offerynnau diwygio eraill ond nid yw’r un ohonynt yn berthnasol.