Offerynnau Statudol Cymru

2024 Rhif 28 (Cy. 11)

Addysg, Cymru

Rheoliadau Ysgolion Annibynnol (Gwaharddiad ar Gymryd Rhan mewn Rheoli) (Cymru) 2024

Gwnaed

11 Ionawr 2024

Gosodwyd gerbron Senedd Cymru

15 Ionawr 2024

Yn dod i rym

14 Chwefror 2024

Mae Gweinidogion Cymru yn gwneud y Rheoliadau a ganlyn drwy arfer y pwerau a roddir gan adrannau 167A, 167B(2) a 210(7) o Ddeddf Addysg 2002(1) ac adrannau 171(1) a (2) a 181(2) o Ddeddf Addysg ac Arolygiadau 2006(2).

(1)

2002 p. 32. Mewnosodwyd adrannau 167A a 167B yn Neddf Addysg 2002 gan adran 169 o Ddeddf Addysg ac Arolygiadau 2006. Diwygiwyd adran 167A gan baragraffau 13, 22(a) a (b) o Atodlen 1(1) i Ddeddf Addysg a Sgiliau 2008 (p. 25) a chan Atodlen 2 iddi. Diwygiwyd adran 167B gan baragraffau 192 a 196 o Atodlen 3 i Orchymyn Trosglwyddo Swyddogaethau Tribiwnlysoedd 2008 (O.S. 2008/2833). Diwygiwyd adran 210(7) gan adran 21(3) o Fesur Teithio gan Ddysgwyr (Cymru) 2008 (mccc 2). Mae offerynnau diwygio eraill ond nid yw’r un ohonynt yn berthnasol i’r Rheoliadau hyn. Am ystyr “appropriate authority” (“awdurdod priodol”) gweler adran 167A(6)(b). Am ystyr “registration authority” (“awdurdod cofrestru”) gweler adran 171. Am ystyr “prescribed” (“rhagnodedig”) a “regulations” (“rheoliadau”) gweler adran 212(1). Trosglwyddwyd swyddogaethau Cynulliad Cenedlaethol Cymru i Weinidogion Cymru gan baragraff 30 o Atodlen 11 i Ddeddf Llywodraeth Cymru 2006 (p. 32).

(2)

2006 p. 40. Diwygiwyd adran 171 gan erthygl 13(1) a (2)(f) o Orchymyn Deddf Diogelu Rhyddidau 2012 (Trosglwyddo Swyddogaethau i’r Gwasanaeth Datgelu a Gwahardd) 2012 (O.S. 2012/3006) a pharagraffau 37 a 40(2) o Atodlen 1 i Ddeddf Addysg a Sgiliau 2008 (p. 25). Diwygiwyd adran 181(2) gan adran 23(3) o Fesur Teithio gan Ddysgwyr (Cymru) 2008 (mccc 2).