Enw’r Rheoliadau hyn yw Rheoliadau Swyddi Barnwrol (Eistedd mewn Ymddeoliad – Swyddi Rhagnodedig a’u Disgrifiadau) (Cymru) 2023 a deuant i rym ar 17 Chwefror 2023.

Yn y Rheoliadau hyn—

• ystyr “aelod wedi ymgymhwyso yn y gyfraith o Banel Dyfarnu Cymru” (“legally qualified member of the Adjudication Panel for Wales”) yw person (“P”) a oedd pan y’i penodwyd i swydd ragnodedig yn bodloni’r disgrifiad a ganlyn—

  1. a

     roedd P yn bodloni’r amod o ran cymhwysedd ar gyfer penodiad barnwrol ar sail pum mlynedd;

  2. b

     roedd P yn eiriolwr neu’n gyfreithiwr yn yr Alban a chanddo bum mlynedd o wasanaeth;

  3. c

     roedd P yn aelod o Far Gogledd Iwerddon; neu

  4. d

     roedd gan P brofiad cyfreithiol a oedd yn addas ym marn Gweinidogion Cymru.

Mae person sy’n dal neu sydd wedi dal swydd a restrir yng ngholofn 2 o’r Tabl yn yr Atodlen (“swyddi rhagnodedig”) yn gymwys i’w benodi i’r swydd eistedd mewn ymddeoliad a restrir yn rhes gyfatebol colofn 1.