Rheoliadau Bwyd a Bwyd Anifeiliaid a Addaswyd yn Enetig (Awdurdodiadau ac Addasiadau i Awdurdodiadau) (Cymru) 2023

Rheoliad 3

ATODLEN 5 Awdurdodiad i roi ar y farchnad gynhyrchion sy’n cynnwys indrawn a addaswyd yn enetig 1507 × MIR162 × MON 810 × NK603 ac is-gyfuniadau, neu sydd wedi eu cyfansoddi neu eu cynhyrchu o’r indrawn hwnnw

Yr organedd a addaswyd yn enetig a’i farc adnabod unigryw

1.   At ddibenion Erthyglau 7(3) a 19(3) o Reoliad 1829/2003, mae’r marciau adnabod unigryw a ganlyn wedi eu pennu ar gyfer indrawn a addaswyd yn enetig 1507 × MIR 162 × MON 810 × NK 603 ac is-gyfuniadau fel a ganlyn—

(a) DAS-Ø15Ø7-1 × SYN-IR162-4 × MON-ØØ81Ø-6 × MON-ØØ6Ø3-6 ar gyfer indrawn a addaswyd yn enetig 1507 × MIR162 × MON 810 × NK603;

(b) DAS-Ø15Ø7-1 × SYN-IR162-4 × MON-ØØ81Ø-6 ar gyfer indrawn a addaswyd yn enetig 1507 × MIR162 × MON 810;

(c) DAS-Ø15Ø7-1 × SYN-IR162-4 × MON-ØØ6Ø3-6 ar gyfer indrawn a addaswyd yn enetig 1507 × MIR162 × NK603;

(d) SYN-IR162-4 × MON-ØØ81Ø-6 × MON-ØØ6Ø3-6 ar gyfer indrawn a addaswyd yn enetig MIR162 × MON 810 × NK603;

(e) SYN-IR162-4 × MON-ØØ81Ø-6 ar gyfer indrawn a addaswyd yn enetig MIR162 × MON 810.

Awdurdodi

2.   Mae’r cynhyrchion a ganlyn wedi eu hawdurdodi at ddibenion Erthyglau 4(2) ac 16(2) o Reoliad 1829/2003, yn unol â’r amodau a nodir yn yr Atodlen hon—

(a) bwyd a chynhwysion bwyd sy’n cynnwys indrawn a addaswyd yn enetig y cyfeirir ato ym mharagraff 1, neu sydd wedi eu cyfansoddi neu eu cynhyrchu o’r indrawn hwnnw;

(b) bwyd anifeiliaid sy’n cynnwys indrawn a addaswyd yn enetig y cyfeirir ato ym mharagraff 1, neu sydd wedi ei gyfansoddi neu ei gynhyrchu o’r indrawn hwnnw;

(c) cynhyrchion sy’n cynnwys indrawn a addaswyd yn enetig y cyfeirir ato ym mharagraff 1, neu sydd wedi eu cyfansoddi o’r indrawn hwnnw, at ddibenion heblaw’r rheini yn is-baragraffau (a) a (b), ac eithrio amaethu.

Labelu

3.—( 1) At ddibenion y gofynion labelu yn Erthyglau 13(1) a 25(2) o Reoliad 1829/2003, ac yn Erthygl 4(6) o Reoliad 1830/2003, “name of the organism” yw “maize”.

(2) Rhaid i’r geiriau “not for cultivation” ymddangos ar label cynhyrchion sy’n cynnwys indrawn a addaswyd yn enetig y cyfeirir ato ym mharagraff 1, neu sydd wedi eu cyfansoddi o’r indrawn hwnnw, ac eithrio bwyd a chynhwysion bwyd, ac yn y dogfennau sy’n mynd gyda’r cynhyrchion hynny.

Y dull canfod

4.—( 1) At ddibenion Erthyglau 7(3) a 19(3) o Reoliad 1829/2003, mae’r dulliau a bennir yn is-baragraff (2) i’w defnyddio i ganfod indrawn a addaswyd yn enetig y cyfeirir ato ym mharagraff 1.

(2) Mae’r dulliau wedi eu nodi yn—

(a) ar gyfer DAS-Ø15Ø7-1, y ddogfen o’r enw “Event-specific method for the quantitation of maize line TC1507 using real-time PCR”, “Version B”, cyfeirnod “JRC 113269”, dyddiedig 24 Medi 2018;

(b) ar gyfer SYN-IR162-4, y ddogfen o’r enw “Event-specific Method for the Quantification of Maize MIR162 Using Real-time PCR”, cyfeirnod “CRLVL08/08VP”, dyddiedig 31 Ionawr 2011;

(c) ar gyfer MON-ØØ81Ø-6, y ddogfen o’r enw “CRL assessment on the validation of an event specific method for the relative quantitation of maize line MON 810 DNA using real-time PCR as carried out by Federal Institute for Risk Assessment (BfR)”, cyfeirnod “CRL-VL-25/04VR”, dyddiedig 10 Mawrth 2006;

(d) ar gyfer MON-ØØ6Ø3-6, y ddogfen o’r enw “Event-specific method for the quantitation of maize line NK603 using real-time PCR”, cyfeirnod “CRLVL27/04VP”, dyddiedig 10 Ionawr 2005.

(3) Mae’r dull o echdynnu DNA sydd i’w ddefnyddio yn y dull canfod a bennir yn is-baragraff (2) wedi ei nodi yn y ddogfen o’r enw “Report on the In-house Validation of a DNA Extraction Method from Ground Maize Seeds and Validated DNA Extraction Method”, cyfeirnod “EURL-VL-02/14XP”, dyddiedig 10 Ebrill 2018.

(4) At ddibenion Erthyglau 7(3) a 19(3) o Reoliad 1829/2003—

(a) gellir cyrchu’r deunydd cyfeirio a ganlyn drwy Gyd-ganolfan Ymchwil y Comisiwn Ewropeaidd(1)—

(i) ERM®-BF418 (ar gyfer DAS-Ø15Ø7);

(ii) ERM®-BF413 (ar gyfer MON-ØØ81Ø-6);

(iii) ERM®-BF415 (ar gyfer MON-ØØ6Ø3-6);

(b) gellir cyrchu’r deunydd cyfeirio AOCS 1208-A3 (ar gyfer SYN-IR162-4) drwy Gymdeithas Cemegwyr Olew America(2).

Cynllun monitro’r effeithiau amgylcheddol

5.—( 1) Rhaid i ddeiliad yr awdurdodiad sicrhau y gweithredir cynllun monitro’r effeithiau amgylcheddol, sy’n mynd gyda’r cais i awdurdodi’r indrawn a addaswyd yn enetig y cyfeirir ato ym mharagraff 1, rhif cyfeirnod “RP1184” a gyflwynwyd i’r Awdurdod Diogelwch Bwyd(3) ar 5 Gorffennaf 2021.

(2) Rhaid i ddeiliad yr awdurdodiad gyflwyno i’r Awdurdod Diogelwch Bwyd adroddiadau blynyddol ar weithrediad y cynllun monitro, a chanlyniadau’r gweithgareddau a nodir yn y cynllun hwnnw, yn unol â’r fformat a nodir yn Atodiad 2 i Benderfyniad 2009/770.

Deiliad yr awdurdodiad

6.—( 1) Deiliad yr awdurdodiad yw Corteva Agriscience LLC, 9330 Zionsville Road, Indianapolis, Indiana 46268-1054, Unol Daleithiau America.

(2) Cynrychiolir deiliad yr awdurdodiad ym Mhrydain Fawr gan Corteva Agriscience UK Limited, Cpc2 Capital Park, Fulbourn, Caergrawnt, CB21 5XE, Y Deyrnas Unedig.

(1)

https://crm.jrc.ec.europa.eu/

(2)

https://www.aocs.org/crm/

(3)

Mae “Food Safety Authority” wedi ei ddiffinio yn Erthygl 2(17) o Reoliad 1829/2003.