(Nid yw’r nodyn hwn yn rhan o’r Gorchymyn)
Mae paragraff 2(3)(b) o Atodlen 6 i Ddeddf Cyllid Llywodraeth Leol 1988 yn darparu, wrth lunio rhestr ardrethu annomestig, fod gwerth ardrethol hereditament annomestig i’w benderfynu drwy gyfeirio at y diwrnod y mae rhaid llunio’r rhestr neu ar ddiwrnod cyn y diwrnod hwnnw a bennir drwy orchymyn. Mae’r Gorchymyn hwn yn pennu’r diwrnod y cyfeirir ato i benderfynu gwerth ardrethol hereditament annomestig at ddibenion y rhestrau ardrethu annomestig lleol a chanolog a lunnir ar ôl i’r Gorchymyn hwn ddod i rym.
Mae erthygl 2 o’r Gorchymyn hwn yn pennu 1 Ebrill 2024 fel y diwrnod hwnnw.
Mae erthygl 3 yn dirymu Gorchymyn y Rhestrau Ardrethu (Dyddiad Prisio) (Cymru) 2020 (O.S. 2020/1378 (Cy. 305)), a bennodd y diwrnod yr oedd hereditamentau i’w prisio at ddibenion y rhestrau a luniwyd ar 1 Ebrill 2023.
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Gorchymyn hwn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Gorchymyn hwn.