2022 Rhif 939 (Cy. 203)

Amaethyddiaeth, Cymru

Bwyd, Cymru

Rheoliadau Gwybodaeth am Fwyd (Diwygio Darpariaethau Trosiannol) (Cymru) 2022

Gwnaed5 Medi 2022

Gosodwyd gerbron Senedd Cymru7 Medi 2022

Yn dod i rym30 Medi 2022

Mae Gweinidogion Cymru, drwy arfer y pwerau a roddir gan adrannau 16(1)(e) ac 48(1)(c) o Ddeddf Diogelwch Bwyd 19901, yn gwneud y Rheoliadau a ganlyn.

Yn unol ag adran 48(4A) o Ddeddf Diogelwch Bwyd 19902, mae Gweinidogion Cymru wedi rhoi sylw i gyngor perthnasol a roddwyd gan yr Asiantaeth Safonau Bwyd.

Cynhaliwyd ymgynghoriad fel sy’n ofynnol gan Erthygl 9 o Reoliad (EC) Rhif 178/2002 Senedd Ewrop a’r Cyngor sy’n gosod egwyddorion cyffredinol a gofynion cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd3.

Enwi, cychwyn, cymhwyso a rhychwant1.

(1)

Enw’r Rheoliadau hyn yw Rheoliadau Gwybodaeth am Fwyd (Diwygio Darpariaethau Trosiannol) (Cymru) 2022.

(2)

Daw’r Rheoliadau hyn i rym ar 30 Medi 2022.

(3)

Mae’r Rheoliadau hyn yn gymwys o ran Cymru ac yn rhychwantu Cymru a Lloegr.

Diwygio Rheoliadau Hylendid Bwyd (Cymru) 20062.

Yn rheoliad 17 (tramgwyddau a chosbau) o Reoliadau Hylendid Bwyd (Cymru) 20064, ym mharagraff (9)(b), yn lle “diwedd 30 Medi 2022” rhodder “1 Ionawr 2024”.

Diwygio Rheoliadau Deunyddiau Bwyd sydd wedi’u Rhewi’n Gyflym (Cymru) 20073.

Yn rheoliad 12 (darpariaeth drosiannol: ymadael â’r UE) o Reoliadau Deunyddiau Bwyd sydd wedi’u Rhewi’n Gyflym (Cymru) 20075, ym mharagraff (a) yn lle “chyn diwedd 30 Medi 2022” rhodder “chyn 1 Ionawr 2024”.

Diwygio Rheoliadau Marchnata Cynnyrch Garddwriaethol Ffres (Cymru) 20094.

(1)

Mae Rheoliadau Marchnata Cynnyrch Garddwriaethol Ffres (Cymru) 20096 wedi eu diwygio fel a ganlyn.

(2)

Yn rheoliad 23 (darpariaethau trosiannol: ymadael â’r UE)—

(a)

ym mharagraff (1)(a), yn lle “diwedd y cyfnod o 21 o fisoedd sy’n dechrau ar y diwrnod y mae diwrnod cwblhau’r cyfnod gweithredu yn digwydd” rhodder “1 Ionawr 2024”; a

(b)

ym mharagraff (2)(a), yn lle “diwedd y cyfnod o 21 o fisoedd sy’n dechrau ar y diwrnod y mae diwrnod cwblhau’r cyfnod gweithredu yn digwydd” rhodder “1 Ionawr 2024”.

Diwygio Rheoliadau Labelu Cig Eidion a Chig Llo (Cymru) 20115.

(1)

Mae Rheoliadau Labelu Cig Eidion a Chig Llo (Cymru) 20117 wedi eu diwygio fel a ganlyn.

(2)

Yn rheoliad 4 (tramgwyddau o dan ddeddfwriaeth uniongyrchol yr UE a ddargedwir), yn lle paragraff (4) rhodder—

“(4)
Nid yw paragraffau (1)(a)(vi) nac (1)(b)(ii) yn gymwys—
(a)
os yw’r mater sy’n ffurfio’r toriad honedig yn ymwneud â chynnyrch a osodwyd ar y farchnad cyn 1 Ionawr 2024; a
(b)
pe na bai’r mater sy’n ffurfio’r toriad honedig wedi ffurfio toriad—
(i)
yn achos paragraff (1)(a)(vi), o Erthygl 15 o Reoliad (EC) Rhif 1760/2000 Senedd Ewrop a’r Cyngor fel yr oedd y Rheoliad hwnnw yn cael effaith yng nghyfraith yr UE yn union cyn diwrnod cwblhau’r cyfnod gweithredu; neu
(ii)
yn achos paragraff (1)(b)(ii), o Erthygl 2(2)(b) o Reoliad (EC) Rhif 1825/2000 Senedd Ewrop a’r Cyngor fel yr oedd y Rheoliad hwnnw yn cael effaith yng nghyfraith yr UE yn union cyn diwrnod cwblhau’r cyfnod gweithredu.”.

Diwygio Rheoliadau Ychwanegion, Cyflasynnau, Ensymau a Thoddyddion Echdynnu Bwyd (Cymru) 20136.

Yn rheoliad 22 (darpariaeth drosiannol: ymadael â’r UE) o Reoliadau Ychwanegion, Cyflasynnau, Ensymau a Thoddyddion Echdynnu Bwyd (Cymru) 20138, ym mharagraff (1)(a) yn lle “ar neu cyn 30 Medi 2022” rhodder “cyn 1 Ionawr 2024”.

Diwygio Rheoliadau Gwybodaeth am Fwyd (Cymru) 20147.

Yn rheoliad 15 (darpariaethau trosiannol: ymadael â’r UE) o Reoliadau Gwybodaeth am Fwyd (Cymru) 20149, ym mharagraff (1)(a), yn lle “ar 30 Medi 2022 neu cyn hynny” rhodder “cyn 1 Ionawr 2024”.

Diwygio Rheoliadau Mêl (Cymru) 20158.

Yn rheoliad 23 (darpariaethau trosiannol: ymadael â’r UE) o Reoliadau Mêl (Cymru) 201510, ym mharagraff (2)(a) yn lle “ar neu cyn 30 Medi 2022” rhodder “cyn 1 Ionawr 2024”.

Diwygio Rheoliadau Gwlad Tarddiad Cigoedd Penodol (Cymru) 20159.

Yn rheoliad 7 (darpariaeth drosiannol: ymadael â’r UE) o Reoliadau Gwlad Tarddiad Cigoedd Penodol (Cymru) 201511, ym mharagraff (2)(a) yn lle “ar 30 Medi 2022 neu cyn hynny” rhodder “cyn 1 Ionawr 2024”.

Diwygio Rheoliadau Caseinau a Chaseinadau (Cymru) 201610.

Yn rheoliad 10 (darpariaeth drosiannol: ymadael â’r UE) o Reoliadau Caseinau a Chaseinadau (Cymru) 201612, ym mharagraff (1)(a), yn lle “ar neu cyn 30 Medi 2022” rhodder “cyn 1 Ionawr 2024”.

Diwygio Rheoliad y Comisiwn (EC) Rhif 1825/200011.

Yn Erthygl 2 (labelu pan na fo gwybodaeth ar gael) o Reoliad y Comisiwn (EC) Rhif 1825/2000 sy’n gosod rheolau manwl ar gyfer cymhwyso Rheoliad (EC) Rhif 1760/2000 Senedd Ewrop a’r Cyngor o ran labelu cig eidion a chynhyrchion cig eidion13, ym mharagraffau 3 a 4, yn lle’r geiriau o “of 21” hyd at “falls” rhodder “beginning with 30 September 2022 and ending with 31 December 2023”.

Diwygio Rheoliad y Comisiwn (EC) Rhif 589/200812.

Yn Erthygl 30 (wyau a fewnforir) o Reoliad y Comisiwn (EC) Rhif 589/2008 sy’n gosod rheolau manwl ar gyfer gweithredu Rheoliad y Cyngor (EC) Rhif 1234/2007 o ran safonau marchnata ar gyfer wyau14, ym mharagraff 3, yn lle’r geiriau o “for a period” hyd at “falls” rhodder “for the period beginning with 30 September 2022 and ending with 31 December 2023”.

Diwygio Rheoliad Gweithredu’r Comisiwn (EU) Rhif 543/201113.

(1)

Mae Rheoliad Gweithredu’r Comisiwn (EU) Rhif 543/2011 sy’n gosod rheolau manwl ar gyfer cymhwyso Rheoliad y Cyngor (EC) Rhif 1234/2007 mewn cysylltiad â’r sectorau ffrwythau a llysiau a ffrwythau a llysiau wedi eu prosesu15 wedi ei ddiwygio fel a ganlyn.

(2)

Yn Erthygl 7 (cymysgeddau), ym mharagraff 4(b), yn lle’r geiriau o “of 21” hyd at “falls” rhodder “beginning with 30 September 2022 and ending with 31 December 2023”.

(3)

Yn Atodiad 1 (marchnata)—

(a)

yn Rhan A (safon marchnata cyffredinol), ym mhwynt 4(A) (adnabod), yn yr ail fewnoliad yn yr ail baragraff, yn lle’r geiriau o “of 21” hyd at “falls” rhodder “beginning with 30 September 2022 and ending with 31 December 2023”; a

(b)

yn Rhan B (safonau marchnata penodol), ym mhob un o Rannau 1 i 10, ym mhwynt 6(A) (adnabod), yn yr ail fewnoliad yn yr ail baragraff, yn lle’r geiriau o “of 21” hyd at “falls” rhodder “beginning with 30 September 2022 and ending with 31 December 2023”.

Diwygio Rheoliad Gweithredu’r Comisiwn (EU) Rhif 29/201214.

Yn Erthygl 2 o Reoliad Gweithredu’r Comisiwn (EU) Rhif 29/2012 ar safonau marchnata ar gyfer olew olewydd (codeiddio)16, ym mhwynt (b) o’r trydydd paragraff, yn lle’r geiriau o “of 21” hyd at “falls” rhodder “beginning with 30 September 2022 and ending with 31 December 2023”.

Diwygio Rheoliad Dirprwyedig y Comisiwn (EU) 2019/3315.

Yn Erthygl 46 (dynodiad y potelwr, y cynhyrchydd, y mewnforiwr a’r gwerthwr) o Reoliad Dirprwyedig y Comisiwn (EU) 2019/33 sy’n ategu Rheoliad (EU) Rhif 1308/2013 Senedd Ewrop a’r Cyngor o ran ceisiadau am warchod dynodiadau tarddiad, dynodiadau daearyddol a thermau traddodiadol yn y sector gwin, y weithdrefn ar gyfer gwrthwynebu, cyfyngiadau ar ddefnydd, diwygiadau i fanylebau cynnyrch, canslo gwarchodaeth, a labelu a chyflwyniad17, ym mharagraff 1, ym mhwyntiau (a) a (d), yn lle “30 September 2022” rhodder “31 December 2023”.

Lynne Neagle

Y Dirprwy Weinidog Iechyd Meddwl a Llesiant, un o Weinidogion Cymru

5 Medi 2022

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn diwygio offerynnau statudol a chyfraith yr UE a ddargedwir mewn perthynas â labelu bwyd yng Nghymru. Mae’r diwygiadau yn estyn trefniadau trosiannol blaenorol, a oedd i fod i ddod i ben ar ddiwedd mis Medi 2022, fel eu bod yn parhau i fod yn gymwys hyd at ddiwedd 2023.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.