Gorchymyn Pysgodfa Cregyn Gleision a Wystrys Afon Menai (Dwyrain) 2022

Dehongli

2.   Yn y Gorchymyn hwn—

mae i “amgylchedd morol” yr ystyr a roddir i “marine environment” yn adran 5A(2) o’r Ddeddf;

ystyr “ardal y bysgodfa a reoleiddir” (“the regulated fishery area”) yw unrhyw ran o ardal y Gorchymyn nad yw am y tro wedi ei dynodi yn ardal y bysgodfa unigol;

ystyr “ardal y bysgodfa unigol” (“the several fishery area”) yw unrhyw ran o ardal y Gorchymyn a ddynodir yn ardal y bysgodfa unigol yn unol ag erthygl 4(1);

ystyr “ardal y Gorchymyn” (“the Order area”) yw’r ardal a ddisgrifir yn yr Atodlen i’r Gorchymyn hwn;

ystyr “cyfesuryn” (“co-ordinate”) yw cyfesuryn lledred a hydred yn System Geodetig Fyd-eang 1984;

ystyr “y Ddeddf” (“the Act”) yw Deddf Pysgodfeydd Môr (Pysgod Cregyn) 1967;

ystyr “y Grantî” (“the Grantee”) yw Menai Strait Fishery Order Management Association (Rhif Cwmni: 07163689) sydd â’i swyddfa gofrestredig yn d/o Myti Mussels Limited, Porth Penrhyn, Bangor, Gwynedd, LL57 4HN;

ystyr “hysbysiad gwarchod safle” (“site protection notice”) yw hysbysiad a gyflwynir i’r Grantî o dan adran 5B o’r Ddeddf(1);

ystyr “les” (“lease”) yw les o’r hawl i bysgodfa unigol;

ystyr “llestr drwyddedig” (“licensed vessel”) yw llestr a awdurdodir i bysgota drwy drwydded a ddyroddir o dan adran 14 neu adran 16 o Ddeddf Pysgodfeydd 2020(2);

ystyr “magwrfa” (“laying”) yw rhan o ardal y bysgodfa unigol y caniateir rhoi, neu y rhoddwyd, les mewn cysylltiad â hi;

ystyr “rhif adnabod bad dŵr” (“watercraft identification number”) yw rhif adnabod y darperir ar ei gyfer—

(a)

ym mharagraff 2.1 o Ran A o Atodiad 1 i’r Gyfarwyddeb fel y’i nodir yn Atodlen 1 i Reoliadau Badau Hamdden 2017(3);

(b)

ym mharagraff 2.1 o Ran A o Atodiad 1 i’r Gyfarwyddeb fel y’i nodir yn Atodlen 1 i Reoliadau Badau Hamdden 2004(4);

(c)

ym mharagraff 2.1 o Atodiad 1 i’r Gyfarwyddeb fel y’i nodir yn Atodlen 1 i Reoliadau Badau Hamdden 1996(5).

ystyr “y rhywogaethau rhagnodedig” (“the prescribed species”) yw pysgod cregyn o’r rhywogaethau mytilus edulis ac ostreidae;

ystyr “y safleoedd morol Ewropeaidd” (“the European marine sites”) yw—

(a)

ardal gwarchodaeth arbennig ddynodedig Môr-wenoliaid Ynys Môn/Anglesey Terns (cod yr UE UK 9013061);

(b)

ardal gwarchodaeth arbennig ddynodedig Bae Lerpwl/Liverpool Bay (cod yr UE UK 9020294);

(c)

ardal gwarchodaeth arbennig ddynodedig Traeth Lafan/Lavan Sands Bae Conwy (cod yr UE UK 9013031);

(d)

ardal cadwraeth arbennig ddynodedig y Fenai a Bae Conwy/Menai Strait and Conwy Bay (cod yr UE UK 0030202);

(e)

ardal gwarchodaeth arbennig ddynodedig Ynys Seiriol/Puffin Island (cod yr UE UK 9020285);

i’r graddau y maent yn cynnwys ardaloedd morol;

ystyr “tenant” (“tenant”) yw person y rhoddir les iddo o dan erthygl 8(2);

ystyr “trwydded” (“licence”) yw trwydded a roddir o dan adran 4 o’r Ddeddf;

ystyr “ymgymerydd statudol” (“statutory undertaker”) yw unrhyw berson sydd, neu yr ystyrir ei fod, yn ymgymerydd statudol at ddibenion unrhyw ddarpariaeth o Ran 11 o Ddeddf Cynllunio Gwlad a Thref 1990(6).

(1)

Mewnosodwyd adran 5B gan adran 73 o Ddeddf yr Amgylchedd (Cymru) 2016.

(2)

2020 p. 22.

(3)

O.S. 2017/737 a ddiwygiwyd gan O.S. 2019/696.

(4)

O.S. 2004/1464. Dirymwyd y Rheoliadau hyn gan reoliad 90(2) o Reoliadau Badau Hamdden 2017 ac eithrio o ran eu cymhwysiad i unrhyw fad dŵr a roddwyd ar y farchnad neu a ddefnyddiwyd am y tro cyntaf cyn 3 Awst 2017.

(5)

O.S. 1996/1353. Dirymwyd y Rheoliadau hyn gan reoliad 90(1) o Reoliadau Badau Hamdden 2017 ac eithrio o ran eu cymhwysiad i unrhyw fad dŵr a roddwyd ar y farchnad neu a ddefnyddiwyd am y tro cyntaf cyn 1 Ionawr 2005.

(6)

1990 p. 8.