Offerynnau Statudol Cymru
Amaethyddiaeth, Cymru
Bwyd, Cymru
Gwnaed
14 Rhagfyr 2022
Gosodwyd gerbron Senedd Cymru
16 Rhagfyr 2022
Yn dod i rym
17 Ionawr 2023
Mae Gweinidogion Cymru yn gwneud y Rheoliadau hyn drwy arfer y pwerau a roddir gan—
Erthyglau 47(2)(b) a 54(4)(a) a (b) o Reoliad (EU) 2017/625 ar reolaethau swyddogol a gweithgareddau swyddogol eraill a gyflawnir i sicrhau y cymhwysir y gyfraith o ran bwyd a bwyd anifeiliaid, rheolau ynghylch iechyd a lles anifeiliaid, iechyd planhigion a chynhyrchion diogelu planhigion(1);
Erthygl 53(1)(b) o Reoliad (EC) Rhif 178/2002 sy’n gosod egwyddorion a gofynion cyffredinol cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd(2).
Fel sy’n ofynnol gan Erthygl 144(7) o Reoliad (EU) 2017/625, cyn gwneud y Rheoliadau hyn mae Gweinidogion Cymru wedi ymgynghori â’r cyrff a’r personau hynny yr ymddengys i Weinidogion Cymru eu bod yn cynrychioli buddiannau y mae’n debygol y bydd y Rheoliadau hyn yn effeithio arnynt yn sylweddol ac unrhyw gyrff neu bersonau eraill y mae Gweinidogion Cymru yn ystyried eu bod yn briodol.
Fel sy’n ofynnol gan Erthygl 9 o Reoliad (EC) Rhif 178/2002, ymgynghorwyd yn agored ac yn dryloyw â’r cyhoedd wrth lunio a gwerthuso’r Rheoliadau hyn.
1.—(1) Enw’r Rheoliadau hyn yw Rheoliadau Rheolaethau Swyddogol (Mewnforio Bwyd a Bwyd Anifeiliaid Risg Uchel Nad Ydynt yn Dod o Anifeiliaid) (Diwygio Rheoliad Gweithredu’r Comisiwn (EU) 2019/1793) (Cymru) 2022.
(2) Mae’r Rheoliadau hyn—
(a)yn rhychwantu Cymru a Lloegr;
(b)yn gymwys o ran Cymru;
(c)yn dod i rym ar 17 Ionawr 2023.
Gwybodaeth Cychwyn
I1Rhl. 1 mewn grym ar 17.1.2023, gweler rhl. 1(2)(c)
2.—(1) Mae Rheoliad Gweithredu’r Comisiwn (EU) 2019/1793 ar gynyddu dros dro reolaethau swyddogol a mesurau brys sy’n rheoli mynediad i’r Undeb i nwyddau penodol o drydydd gwledydd penodol(3) wedi ei ddiwygio fel a ganlyn.
F1(2) . . . . . . . . . . . . . . . . . . . . . . . . . . . . . . . .
F2(3) . . . . . . . . . . . . . . . . . . . . . . . . . . . . . . . .
(4) Yn lle Atodiad 2a, rhodder yr Atodiad 2a a geir yn Atodlen 3 i’r Rheoliadau hyn.
Diwygiadau Testunol
F1Rhl. 2(2) wedi ei hepgor (7.3.2024) yn rhinwedd Rheoliadau Rheolaethau Swyddogol (Mewnforio Bwyd a Bwyd Anifeiliaid Risg Uchel Nad Ydynt yn Dod o Anifeiliaid) (Diwygio Rheoliad Gweithredu’r Comisiwn (EU) 2019/1793) (Cymru) 2024 (O.S. 2024/119), rhlau. 1(2)(c), 3(a)
F2Rhl. 2(3) wedi ei hepgor (7.3.2024) yn rhinwedd Rheoliadau Rheolaethau Swyddogol (Mewnforio Bwyd a Bwyd Anifeiliaid Risg Uchel Nad Ydynt yn Dod o Anifeiliaid) (Diwygio Rheoliad Gweithredu’r Comisiwn (EU) 2019/1793) (Cymru) 2024 (O.S. 2024/119), rhlau. 1(2)(c), 3(a)
Gwybodaeth Cychwyn
I2Rhl. 2 mewn grym ar 17.1.2023, gweler rhl. 1(2)(c)
Lynne Neagle
Y Dirprwy Weinidog Iechyd Meddwl a Llesiant, o dan awdurdod y Gweinidog Iechyd a Gwasanaethau Cymdeithasol, un o Weinidogion Cymru
14 Rhagfyr 2022
Diwygiadau Testunol
. . . . . . . . . . . . . . . . . . . . . . . . . . . . . . . .
Diwygiadau Testunol
. . . . . . . . . . . . . . . . . . . . . . . . . . . . . . . .
Rheoliad 2(4)
Gwybodaeth Cychwyn
I3Atod. 3 mewn grym ar 17.1.2023, gweler rhl. 1(2)(c)
| Country of origin | Food and feed (intended use) | CN code (1) | TARIC sub-division | Hazard |
|---|---|---|---|---|
(1) Where only certain products under any CN code are required to be examined, the CN code is marked ‘ex’.” | ||||
| Nigeria (NG) | Food consisting of dried beans (Food) | 0713 35 00 | Pesticide residues | |
| 0713 39 00 | ||||
| 0713 90 00 | ||||
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn diwygio, o ran Cymru, Reoliad Gweithredu’r Comisiwn (EU) 2019/1793 ar gynyddu dros dro reolaethau swyddogol a mesurau brys sy’n rheoli mynediad i’r Undeb i nwyddau penodol o drydydd gwledydd penodol (“Rheoliad 2019/1793”).
Mae rheoliad 2 yn amnewid, gyda diwygiadau, Atodiadau 1, 2 a 2a i Reoliad 2019/1793. Amnewidir Atodiad 1 drwy ddefnyddio pwerau yn Erthyglau 47(2)(b) a 54(4)(a) o Reoliad (EU) 2017/625 ar reolaethau swyddogol a gweithgareddau swyddogol eraill a gyflawnir i sicrhau y cymhwysir y gyfraith o ran bwyd a bwyd anifeiliaid, rheolau ynghylch iechyd a lles anifeiliaid, iechyd planhigion a chynhyrchion diogelu planhigion. Amnewidir Atodiadau 2 a 2a drwy ddefnyddio pwerau yn Erthygl 53 o Reoliad (EC) Rhif 178/2002 sy’n gosod egwyddorion a gofynion cyffredinol cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd ac Erthygl 54(4)(b) o Reoliad (EU) 2017/625.
Mae Atodiad 1 yn cynnwys y rhestr o fwyd a bwyd anifeiliaid nad ydynt yn dod o anifeiliaid sy’n ddarostyngedig i gynnydd dros dro mewn rheolaethau swyddogol mewn safleoedd rheoli ar y ffin neu mewn safleoedd rheoli ym Mhrydain Fawr. Mae’r newidiadau a wneir i Atodiad 1 fel a ganlyn.
Mae amlder y gwiriadau ar bupur du o Frasil (ar gyfer Salmonela) wedi ei gynyddu o 20% i 50%.
Mae’r cofnod ar gyfer cnau daear (pysgnau) a chynhyrchion cysylltiedig o Frasil (ar gyfer afflatocsinau) wedi ei drosglwyddo i Atodiad 1 (o Atodiad 2, Tabl 1). Nid oes unrhyw newid i amlder rhagnodedig y gwiriadau, sy’n parhau ar 10%.
Cofnod newydd ar gyfer cnau daear (pysgnau) a chynhyrchion cysylltiedig o Frasil (ar gyfer gweddillion plaleiddiaid). Mae amlder y gwiriadau wedi ei ragnodi ar 20%.
Mae’r cofnod ar gyfer aeron goji o Tsieina (ar gyfer gweddillion plaleiddiaid) wedi ei ddileu.
Mae’r cofnod ar gyfer cnau daear (pysgnau) a chynhyrchion cysylltiedig o Tsieina (ar gyfer afflatocsinau) wedi ei drosglwyddo i Atodiad 1 (o Atodiad 2, Tabl 1). Mae amlder y gwiriadau wedi ei leihau o 20% i 10%.
Mae’r cofnod ar gyfer hadau sesamwm o Ethiopia (ar gyfer Salmonela) wedi ei ddileu (mae’r cofnod wedi ei drosglwyddo i Atodiad 2, Tabl 1).
Mae amlder y gwiriadau ar gnau cyll a chynhyrchion cysylltiedig o Georgia (ar gyfer afflatocsinau) wedi ei leihau o 50% i 20%.
Mae amlder y gwiriadau ar ocra o India (ar gyfer gweddillion plaleiddiaid) wedi ei gynyddu o 10% i 20%.
Mae’r cofnod ar gyfer pupurau o rywogaethau’r Capsicum (pupurau melys neu bupurau heblaw pupurau melys) o Sri Lanka (ar gyfer afflatocsinau) wedi ei ddileu (mae’r cofnod wedi ei drosglwyddo i Atodiad 2, Tabl 1).
Mae amlder y gwiriadau ar jacffrwyth o Falaysia (ar gyfer gweddillion plaleiddiaid) wedi ei gynyddu o 20% i 50%.
Cofnod newydd ar gyfer bwyd sy’n cynnwys, neu fwyd sydd ar ffurf, dail betel ( Piper betle) o Wlad Thai (ar gyfer Salmonela). Mae amlder y gwiriadau wedi ei ragnodi ar 10%.
Mae amlder y gwiriadau ar bupurau o rywogaethau’r Capsicum (ac eithrio pupurau melys) o Wlad Thai (ar gyfer gweddillion plaleiddiaid) wedi ei gynyddu o 10% i 20%.
Mae’r cofnod ar gyfer grawnwin sych (gan gynnwys grawnwin sych sydd wedi eu torri neu eu crawennu i ffurfio past heb driniaeth bellach) o Dwrci (ar gyfer Ocratocsin A) wedi ei ddileu.
Mae’r cofnod ar gyfer cnau cyll a chynhyrchion cysylltiedig o Dwrci (ar gyfer afflatocsinau) wedi ei drosglwyddo i Atodiad 1 (o Atodiad 2, Tabl 1). Nid oes unrhyw newid i amlder rhagnodedig y gwiriadau, sy’n parhau ar 5%.
Cofnod newydd ar gyfer lemonau o Dwrci (ar gyfer gweddillion plaleiddiaid). Mae amlder y gwiriadau wedi ei ragnodi ar 20%.
Mae amlder y gwiriadau ar gyfer mandarins (gan gynnwys tanjerîns a satswmas), clementinau, wilkings a hybridiau sitrws tebyg o Dwrci (ar gyfer gweddillion plaleiddiaid) wedi ei gynyddu o 5% i 20%.
Mae amlder y gwiriadau ar orenau o Dwrci (ar gyfer gweddillion plaleiddiaid) wedi ei gynyddu o 10% i 20%.
Mae amlder y gwiriadau ar bupurau melys ( Capsicum annum) o Dwrci (ar gyfer gweddillion plaleiddiaid) wedi ei gynyddu o 10% i 20%.
Cofnod newydd ar gyfer pupurau o rywogaethau’r Capsicum (ac eithrio pupurau melys) o Dwrci (ar gyfer gweddillion plaleiddiaid). Mae amlder y gwiriadau wedi ei ragnodi ar 20%.
Mae amlder y gwiriadau ar bupurau o rywogaethau’r Capsicum (ac eithrio pupurau melys) o Uganda (ar gyfer gweddillion plaleiddiaid) wedi ei gynyddu o 20% i 50%.
Mae’r cofnod ar gyfer cnau pistasio a chynhyrchion cysylltiedig o’r Unol Daleithiau (ar gyfer afflatocsinau) wedi ei ddileu.
Mae Atodiad 2, Tabl 1, yn cynnwys y rhestr o fwyd a bwyd anifeiliaid nad ydynt yn dod o anifeiliaid y mae amodau arbennig wedi eu rhagnodi ar eu cyfer sy’n rheoli eu mynediad i Brydain Fawr. Mae’r newidiadau a wneir i Atodiad 2, Tabl 1, fel a ganlyn.
Cofnod newydd ar gyfer bwyd sy’n cynnwys, neu fwyd sydd ar ffurf, dail betel ( Piper betle) o Fangladesh (ar gyfer Salmonela). Mae amlder y gwiriadau wedi ei ragnodi ar 50%.
Mae’r cofnod ar gyfer cnau daear (pysgnau) a chynhyrchion cysylltiedig o Frasil (ar gyfer afflatocsinau) wedi ei ddileu (mae’r cofnod wedi ei drosglwyddo i Atodiad 1).
Mae’r cofnod ar gyfer cnau daear (pysgnau) a chynhyrchion cysylltiedig o Tsieina (ar gyfer afflatocsinau) wedi ei ddileu (mae’r cofnod wedi ei drosglwyddo i Atodiad 1).
Mae’r cofnod ar gyfer hadau sesamwm o Ethiopia (ar gyfer Salmonela) wedi ei drosglwyddo i Atodiad 2, Tabl 1 (o Atodiad 1). Nid oes unrhyw newid i amlder rhagnodedig y gwiriadau, sy’n parhau ar 50%.
Mae’r cofnod ar gyfer dail betel ( Piper betle) o India wedi ei ddiwygio fel a ganlyn.
Mae cwmpas y cofnod wedi ei estyn i gynnwys bwyd sy’n cynnwys dail betel.
Mae’r is-raniad TARIC wedi ei ddileu.
Mae amlder y gwiriadau ar gnau daear (pysgnau) a chynhyrchion cysylltiedig o India (ar gyfer afflatocsinau) wedi ei gynyddu o 10% i 50%.
Mae’r is-raniad TARIC ar gyfer gwm guar o India wedi ei ddileu.
Mae’r cofnod ar gyfer pupurau o rywogaethau’r Capsicum (pupurau melys neu bupurau heblaw pupurau melys) o Sri Lanka (ar gyfer afflatocsinau) wedi ei drosglwyddo i Atodiad 2, Tabl 1 (o Atodiad 1). Nid oes unrhyw newid i amlder rhagnodedig y gwiriadau, sy’n parhau ar 50%.
Mae amlder y gwiriadau ar gyfer hadau sesamwm o Sudan (ar gyfer Salmonela) wedi ei gynyddu o 20% i 50%.
Mae’r cofnod ar gyfer cnau cyll a chynhyrchion cysylltiedig o Dwrci (ar gyfer afflatocsinau) wedi ei ddileu (mae’r cofnod wedi ei drosglwyddo i Atodiad 1).
Mae amlder y gwiriadau ar ddail gwinwydd o Dwrci (ar gyfer gweddillion plaleiddiaid) wedi ei gynyddu o 20% i 50%.
Mae Atodiad 2, Tabl 2, yn cynnwys rhestr o fwyd cyfansawdd sy’n cynnwys unrhyw fwyd a restrir yn Nhabl 1 yn Atodiad 2 oherwydd y risg o halogi gan afflatocsinau mewn swm sy’n fwy nag 20% o naill ai cynnyrch unigol neu swm y cynhyrchion hynny. Y newid a wneir i Dabl 2 yn Atodiad 2 yw ychwanegu cofnod newydd ar gyfer cymysgeddau o sbeisys.
Mae Atodiad 2a yn cynnwys y rhestr o fwyd a bwyd anifeiliaid nad ydynt yn dod o anifeiliaid sydd wedi eu gwahardd rhag dod i Brydain Fawr. Mae’r cofnod yn Atodiad 2a ar gyfer bwyd sy’n cynnwys, neu fwyd sydd ar ffurf, dail betel ( Piper betle) o Fangladesh (ar gyfer Salmonela) wedi ei ddileu (ond gweler y cofnod newydd ar gyfer hyn yn Atodiad 2, Tabl 1).
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.
EUR 2017/625, a ddiwygiwyd gan O.S. 2020/1481; ceir offerynnau diwygio eraill ond nid yw’r un ohonynt yn berthnasol. Mae’r term “the appropriate authority” wedi ei ddiffinio yn Erthygl 3(2A) o EUR 2017/625.
EUR 2002/178, a ddiwygiwyd gan O.S. 2019/641 a 2022/377. Diwygiwyd O.S. 2019/641 gan O.S. 2020/1504. Mae’r term “appropriate authority” wedi ei ddiffinio yn Erthygl 3(19) o EUR 2002/178.
EUR 2019/1793, a ddiwygiwyd gan O.S. 2020/1631.