2022 Rhif 1202 (Cy. 247) (C. 93)

Gwasanaethau Iechyd, Cymru
Y Gwasanaeth Iechyd Gwladol, Cymru

Rheoliadau Deddf Iechyd a Gofal 2022 (Cychwyn Rhif 1) (Cymru) 2022

Gwnaed

Mae Gweinidogion Cymru yn gwneud y Rheoliadau a ganlyn drwy arfer y pwerau a roddir iddynt gan adran 186(2) o Ddeddf Iechyd a Gofal 20221.

Enwi1

Enw’r Rheoliadau hyn yw Rheoliadau Deddf Iechyd a Gofal 2022 (Cychwyn Rhif 1) (Cymru) 2022.

Y ddarpariaeth sy’n dod i rym ar 22 Tachwedd 20222

Daw adran 161(2) o Ddeddf Iechyd a Gofal 2022 i rym ar 22 Tachwedd 2022.

Eluned MorganY Gweinidog Iechyd a Gwasanaethau Cymdeithasol, un o Weinidogion Cymru
NODYN ESBONIADOL

(Nid yw’r nodyn hwn yn rhan o’r Rheoliadau)

Y Rheoliadau hyn yw’r rheoliadau cychwyn cyntaf a wneir gan Weinidogion Cymru o dan Ddeddf Iechyd a Gofal 2022 (“y Ddeddf”). Maent yn dwyn i rym adran 161(2) o’r Ddeddf o ran Cymru ar 22 Tachwedd 2022.

Mae adran 161(2) yn diwygio adran 88 o Ddeddf y Gwasanaeth Iechyd Gwladol (Cymru) 2006. Mae adran 88 yn rhoi pŵer i Weinidogion Cymru i wneud rheoliadau mewn perthynas â phennu tâl ar gyfer personau sy’n darparu gwasanaethau fferyllol. Mae adran 161(2) o’r Ddeddf yn diwygio’r pwerau sy’n galluogi i reoliadau gael eu gwneud i sefydlu trefniadau talu gwahanol ar gyfer cynhyrchion meddyginiaethol arbennig i gynnwys cynhyrchion ar gyfer brechu ac imiwneiddio, meddyginiaethau neu gyffuriau a ddefnyddir ar gyfer atal neu drin clefydau pandemig neu glefydau pandemig posibl, a chynhyrchion cysylltiedig.