2022 Rhif 1201 (Cy. 246) (C. 92)
Gwasanaethau Iechyd, Cymru
Y Gwasanaeth Iechyd Gwladol, Cymru

Gorchymyn Deddf Cyflenwadau Meddygol Gwasanaethau Iechyd (Costau) 2017 (Cychwyn Rhif 1) (Cymru) 2022

Gwnaed
Mae Gweinidogion Cymru, drwy arfer y pwerau a roddir iddynt gan adran 12(2) o Ddeddf Cyflenwadau Meddygol Gwasanaethau Iechyd (Costau) 20171, yn gwneud y Gorchymyn a ganlyn.

Enwi1.

Enw’r Gorchymyn hwn yw Gorchymyn Deddf Cyflenwadau Meddygol Gwasanaethau Iechyd (Costau) 2017 (Cychwyn Rhif 1) (Cymru) 2022.

Y ddarpariaeth sy’n dod i rym ar 21 Tachwedd 20222.

Daw adran 2 o Ddeddf Cyflenwadau Meddygol Gwasanaethau Iechyd (Costau) 2017 i rym ar 21 Tachwedd 2022.

Eluned Morgan
Y Gweinidog Iechyd a Gwasanaethau Cymdeithasol, un o Weinidogion Cymru
NODYN ESBONIADOL
(Nid yw’r nodyn hwn yn rhan o’r Gorchymyn)

Mae’r Gorchymyn hwn a wneir gan Weinidogion Cymru yn dwyn i rym adran 2 o Ddeddf Cyflenwadau Meddygol Gwasanaethau Iechyd (Costau) 2017 (“y Ddeddf”) ar 21 Tachwedd 2022. Mae adran 2 yn diwygio adran 88 o Ddeddf y Gwasanaeth Iechyd Gwladol (Cymru) 2006. Mae adran 88 yn rhoi pŵer i Weinidogion Cymru i wneud rheoliadau mewn perthynas â phennu tâl ar gyfer personau sy’n darparu gwasanaethau fferyllol. Mae’r diwygiadau a wneir gan adran 2 o’r Ddeddf yn rhoi pŵer i Weinidogion Cymru i wneud rheoliadau ynghylch tâl am wasanaethau fferyllol yn benodol o ran cynhyrchion meddyginiaethol arbennig.