Rheoliadau Gwarchod Plant a Gofal Dydd (Anghymhwyso) (Rhif 2) (Cymru) 2022

Penderfyniadau mewn perthynas ag addasrwydd P i ddarparu gofal

26.   Gwrthod ar unrhyw adeg gofrestriad mewn cysylltiad â darparu meithrinfeydd, gofal dydd, gwarchod plant neu ddarpariaeth gofal plant arall, anghymhwyso rhag cofrestru o’r fath neu ganslo unrhyw gofrestriad o’r fath o dan—

(a) adran 1 neu 5 o Ddeddf Rheoleiddio Meithrinfeydd a Gwarchodwyr Plant 1948(1),

(b) Rhan 10 neu 10A o Ddeddf 1989(2),

(c) Pennod 2, 3 neu 4 o Ran 3 o Ddeddf Gofal Plant 2006(3),

(d) Rhan 11 o Orchymyn Plant (Gogledd Iwerddon) 1995,

(e) adran 11(5) neu 15 o Ddeddf Plant a Phobl Ifanc (Gogledd Iwerddon) 1968(4),

(f) Rhan 1 o Ddeddf Rheoleiddio Gofal (Yr Alban) 2001(5),

(g) adran 1 o Ddeddf Rheoleiddio Meithrinfeydd a Gwarchodwyr Plant 1974(6) (Deddf Tynwald),

(h) adran 65 neu 66(7) o Ddeddf Plant a Phobl Ifanc 2001 (Deddf Tynwald) neu Atodlen 7(8) iddi,

(i) Rhan III o Gyfraith Amddiffyn Plant (Guernsey) 1972, neu

(j) Rhan 2 o’r Mesur.

(1)

1948 p. 53. Diddymwyd y Ddeddf hon, gydag arbedion, gan adran 108 o Ddeddf 1989 a pharagraffau 33 a 34 o Atodlen 14 ac Atodlen 15 iddi.

(2)

Diddymwyd Rhan 10 o ran Cymru a Lloegr gan adran 79 o Ddeddf Safonau Gofal 2000 ac o ran yr Alban gan adran 80 o Ddeddf Rheoleiddio Gofal (Yr Alban) 2001 (dsa 8) ac Atodlen 4 iddi. Diddymwyd Rhan 10A o ran Cymru gan adran 73 o’r Mesur ac Atodlen 2 iddo.

(3)

2006 p. 21.

(4)

Diddymwyd adrannau 11(5) a 15 gan erthygl 185(2) o O.S. 1995/755 (G.I. 2) ac Atodlen 10 iddo.

(5)

Diddymwyd Rhan 1 gan adran 106 o Ddeddf Diwygio Gwasanaethau Cyhoeddus (Yr Alban) 2010 ac Atodlen 14 iddi, gydag arbedion a bennir yn erthygl 2 o O.S.A. 2011/169.

(6)

1974 p. 12 (Deddf Tynwald). Diddymwyd y Ddeddf hon gan adran 105 o Ddeddf Plant a Phobl Ifanc 2001 (Deddf Tynwald) ac Atodlen 13 iddi.

(7)

2001 p. 20. Diddymwyd adrannau 65 a 66 gan adran 196 o Ddeddf Rheoleiddio Gofal 2013 (Deddf Tynwald) (p. 10).

(8)

Diddymwyd Atodlen 7 gan adran 199 o Ddeddf Rheoleiddio Gofal 2013 (Deddf Tynwald).