Rheoliadau Ychwanegion Bwyd Anifeiliaid (Awdurdodiadau) (Cymru) 2022

Rheoliad 3(1)

ATODLEN 9 Awdurdodi paratoad o 6-ffytas (EC 3.1.3.26) (rhif adnabod 4a32) fel ychwanegyn bwyd anifeiliaid ar gyfer pob rhywogaeth o ddofednod, adar addurnol, perchyll, moch i’w pesgi, hychod, mân rywogaethau teulu’r moch i’w pesgi neu ar gyfer atgenhedlu

Mae’r paratoad a bennir yn y tabl, sy’n perthyn i’r categori ychwanegion “ychwanegion sootechnegol” ac i’r grŵp gweithredol “sylweddau gwella treuliadwyedd”, wedi ei awdurdodi fel ychwanegyn mewn maeth anifeiliaid yn ddarostyngedig i’r amodau a nodir yn y tabl.

(1) FTU = unedau ensym ffytas. Un FTU yw’r swm o’r ensym sy’n rhyddhau 1 micromol (µm) o ffosffad anorganig o sodiwm ffytad y funud o dan amgylchiadau adweithio o pH 5.5 a 37°C.
(2) Mae manylion y dulliau dadansoddi wedi eu nodi yn y ddogfen sydd â’r cyfeirnod “Ares(2020)762221 - 06/02/2020” ac a ddiweddarwyd ddiwethaf ar 4 Mai 2020. Mae’r ddogfen ar gael ar y cyfeiriad a ganlyn: https://ec.europa.eu/jrc/en/eurl/feed-additives/evaluation-reports/fad-2019-0052.
(3) Llyfr Dull Cymdeithas Sefydliadau Dadansoddi ac Ymchwilio Amaethyddol yr Almaen (VDLUFA), Cyfrol III, Dulliau sengl newydd 2016, Dadansoddi Bwydydd Anifeiliaid yn Gemegol (ISBN 978 3 941273 14 6), https://vdlufa.de.
(4) Llyfr Dull Cymdeithas Sefydliadau Dadansoddi ac Ymchwilio Amaethyddol yr Almaen (VDLUFA), Cyfrol III, 8fed atodiad 2012, Dadansoddi Bwydydd Anifeiliaid yn Gemegol (ISBN 978 3 941273 14 6), https://vdlufa.de.
(5) O dan y cyfeirnod BS EN ISO 30024:2009 “Animal feeding stuffs. Determination of phytase activity”. Cyhoeddwyd gan y Sefydliad Safonau Prydeinig ar 30 Medi 2009 (ISBN 978 0 580 62651 7). Ar gael gan y Sefydliad Safonau Prydeinig https://knowledge.bsigroup.com.
(6) Cynnwys 6-ffytas mewn FTU/kg o fwyd anifeiliaid cyflawn sydd â chynnwys lleithder o 12%.
Yr ychwanegyn	6-ffytas (EC 3.1.3.26)
Rhif adnabod yr ychwanegyn	4a32
Deiliad yr awdurdodiad	Huvepharma EOOD
Categori ychwanegion	Ychwanegion sootechnegol
Grŵp gweithredol	Sylweddau gwella treuliadwyedd
Cyfansoddiad yr ychwanegyn	Paratoad o 6-ffytas (EC 3.1.3.26) a gynhyrchir gan Komagataella phaffii DSM 32854 sydd ag isafswm actifedd o 5000 FTU (1)/g ar ffurf ronynnol, araenedig neu hylifol
Nodweddiad y sylwedd(au) actif	6-ffytas (EC 3.1.3.26) a gynhyrchir drwy eplesu â Komagataella phaffii DSM 32854
Dulliau dadansoddi(2)	I feintioli actifedd ffytas yn yr ychwanegyn bwyd anifeiliaid: Y dull colorimetrig yn seiliedig ar adwaith ensymatig y ffytas ar y ffytad (VDLUFA 27.1.4(3)).
	I feintioli actifedd ffytas yn y rhag-gymysgeddau: Y dull colorimetrig yn seiliedig ar adwaith ensymatig y ffytas ar y ffytad (VDLUFA 27.1.3(4)).
	I feintioli actifedd ffytas yn y deunyddiau bwyd anifeiliaid a’r bwyd anifeiliaid cyfansawdd: Y dull colorimetrig yn seiliedig ar adwaith ensymatig y ffytas ar y ffytad (BS EN ISO 30024:2009(5)).
Rhywogaeth neu gategori o anifail	Pob rhywogaeth o ddofednod Adar addurnol Perchyll Moch i’w pesgi Hychod Mân rywogaethau teulu’r moch i’w pesgi neu ar gyfer atgenhedlu
Oedran hynaf	Dim
Isafswm cynnwys(6)	250 FTU/kg
Uchafswm cynnwys(6)	Dim
Darpariaethau eraill	Yn y cyfarwyddiadau ar gyfer defnyddio’r ychwanegyn bwyd anifeiliaid a’r rhag-gymysgeddau, rhaid nodi’r amodau storio a’r sefydlogrwydd o ran trin â gwres.