Rheoliadau Ychwanegion Bwyd Anifeiliaid (Awdurdodiadau) (Cymru) 2022

Rheoliad 3(1)

ATODLEN 6 Adnewyddu awdurdodiad (ag addasiad) paratoad o Bacillus velezensis ATCC PTA-6737 (Bacillus Subtilis ATCC PTA-6737 yn flaenorol) (rhif adnabod 4b1823) fel ychwanegyn bwyd anifeiliaid ar gyfer ieir i’w pesgi, ieir a fegir ar gyfer dodwy, hwyaid i’w pesgi, soflieir, ffesantod, petris, ieir gini, colomennod, gwyddau i’w pesgi ac estrysiaid, a’i awdurdodi fel ychwanegyn bwyd anifeiliaid gan estyn y defnydd presennol i gwmpasu pob mân rywogaeth dofednod (ac eithrio ar gyfer dodwy), adar addurnol, adar helwriaeth ac adar hela

Mae’r paratoad a bennir yn y tabl, sy’n perthyn i’r categori ychwanegion “ychwanegion sootechnegol” ac i’r grŵp gweithredol “sefydlogyddion fflora’r perfedd”, wedi ei awdurdodi fel ychwanegyn mewn maeth anifeiliaid yn ddarostyngedig i’r amodau a nodir yn y tabl(1).

(1) Mae manylion y dulliau dadansoddi wedi eu nodi yn y ddogfen sydd â’r cyfeirnod “D08/FSQ/CVH/SY/Ares(2009)61627” ac a ddiweddarwyd ddiwethaf ar 6 Mehefin 2016. Mae’r ddogfen hon ar gael ar y cyfeiriad a ganlyn: https://ec.europa.eu/jrc/en/eurl/feed-additives/evaluation-reports/fad-2008-0039.
(2) Nid yw’r dull hwn yn addas ar gyfer canfod Bacillus velezensis ATCC PTA-6737 mewn deunyddiau bwyd anifeiliaid na bwyd anifeiliaid cyfansawdd ar grynodiadau islaw lefel yr isafswm cynnwys.
(3) Cynnwys Bacillus velezensis ATCC PTA-6737 mewn CFU/kg o fwyd anifeiliaid cyflawn sydd â chynnwys lleithder o 12%.
Yr ychwanegyn	Bacillus velezensis ATCC PTA-6737
Rhif adnabod yr ychwanegyn	4b1823
Deiliad yr awdurdodiad	Kemin Europa N.V.
Categori ychwanegion	Ychwanegion sootechnegol
Grŵp gweithredol	Sefydlogyddion fflora’r perfedd
Cyfansoddiad yr ychwanegyn	Paratoad o Bacillus velezensis ATCC PTA-6737 sy’n cynnwys isafswm o 8 x 1010 CFU/g o’r ychwanegyn
Nodweddiad y sylwedd(au) actif	Sborau hyfyw Bacillus velezensis ATCC PTA-6737
Dulliau dadansoddi(1)	Ar gyfer cyfrifo (cyfrif cytrefi) yn yr ychwanegyn bwyd anifeiliaid, y rhag-gymysgeddau, y deunyddiau bwyd anifeiliaid a’r bwyd anifeiliaid cyfansawdd: Y dull plât taenu gan ddefnyddio agar soia trypton gan rag-drin y samplau bwyd anifeiliaid â gwres(2).
	I adnabod straen bacterol: Electrofforesis jel maes pylsedig (PFGE).
Rhywogaeth neu gategori o anifail	Ieir i’w pesgi Ieir a fegir ar gyfer dodwy Mân rywogaethau dofednod (ac eithrio ar gyfer dodwy) Adar addurnol Adar helwriaeth Adar hela
Oedran hynaf	Dim
Isafswm cynnwys(3)	1 x 107 CFU/kg
Uchafswm cynnwys(3)	Dim
Darpariaethau eraill	1. Yn y cyfarwyddiadau ar gyfer defnyddio’r ychwanegyn bwyd anifeiliaid a’r rhag-gymysgeddau, rhaid nodi’r amodau storio a’r sefydlogrwydd o ran trin â gwres.
	2. Os yw Bacillus velezensis ATCC PTA-6737 i’w ddefnyddio mewn bwyd anifeiliaid sy’n cynnwys cocsidiostatau, awdurdodir defnyddio’r ychwanegyn bwyd anifeiliaid hwn gyda’r cocsidiostatau a ganlyn yn unig, ac yn unol â’u meini prawf awdurdodi unigol: Decocwinad Deuclaswril Lasalosid A sodiwm Madwramisin amoniwm Monensin sodiwm Narasin Narasin/Nicarbasin (i’w defnyddio ar y cyd yn unig) Robenidin hydroclorid Salinomisin sodiwm

(1)

Mae’r awdurdodiad hwn yn adnewyddu’r awdurdodiadau a roddwyd o dan Reoliad y Comisiwn (EU) Rhif 107/2010 a Rheoliad Gweithredu’r Comisiwn (EU) Rhif 885/2011. Mae’r Rheoliadau hynny wedi eu dirymu gan reoliad 8 o’r Rheoliadau hyn, ond gweler y ddarpariaeth drosiannol yn rheoliad 10.