Rheoliadau Ychwanegion Bwyd Anifeiliaid (Awdurdodiadau) (Cymru) 2022

Rheoliad 3(1)

ATODLEN 10 Awdurdodi decocwinad (Deccox^®) (rhif adnabod 51756i) fel ychwanegyn bwyd anifeiliaid ar gyfer ieir i’w pesgi

Mae’r sylwedd decocwinad a bennir yn y tabl, sy’n perthyn i’r categori ychwanegion “cocsidiostatau a histomonostatau”, wedi ei awdurdodi fel ychwanegyn mewn maeth anifeiliaid yn ddarostyngedig i’r amodau a nodir yn y tabl(1).

(1) CAS Registry Number® a neilltuwyd i’r paratoad hwn gan y Gwasanaeth Crynodebu Cemegol https://www.cas.org/cas-data/cas-registry.
(2) Mae manylion y dulliau dadansoddi wedi eu nodi yn y ddogfen sydd â’r cyfeirnod “Ares(2013)3639174 - 04/12/2013 ” ac a ddiweddarwyd ddiwethaf ar 6 Mehefin 2016. Mae’r ddogfen ar gael ar y cyfeiriad a ganlyn: https://ec.europa.eu/jrc/en/eurl/feed-additives/evaluation-reports/fad-2013-0034.
(3) O dan y cyfeirnod BS EN 16162:2012 “Animal feeding stuffs. Determination of decoquinate by HPLC with fluorescence detection”. Cyhoeddwyd gan y Sefydliad Safonau Prydeinig ar 31 Mawrth 2012 (ISBN 978 0 580 67002 2). Ar gael gan y Sefydliad Safonau Prydeinig https://knowledge.bsigroup.com.
(4) “Safety and efficacy of Deccox® (decoquinate) for chickens for fattening”. Cyhoeddwyd gan Awdurdod Diogelwch Bwyd Ewrop (EFSA) yng Nghyfnodolyn yr EFSA, Cyfrol 17, Rhifyn 1 ar 14 Ionawr 2019. Mae’r ddogfen hon ar gael ar y cyfeiriad a ganlyn: https://www.efsa.europa.eu/en/efsajournal/pub/5541.
(5) Cynnwys decocwinad (Deccox®) mewn mg/kg o fwyd anifeiliaid cyflawn sydd â chynnwys lleithder o 12%.
Yr ychwanegyn	Decocwinad (Deccox®)
Rhif adnabod yr ychwanegyn	51756i
Deiliad yr awdurdodiad	Zoetis Belgium SA
Categori ychwanegion	Cocsidiostatau a Histomonostatau
Grŵp gweithredol	Dim
Cyfansoddiad yr ychwanegyn	Decocwinad, 60.0 g/kg Olew soia diarogleuedig puredig, 28.5 g/kg Silica coloidaidd, 0.6 g/kg Eilion gwenith, q.s. 1kg
Nodweddiad y sylwedd(au) actif	Decocwinad: (Ethyl 6-desyclocsi-7-ethocsi-4-hydrocsicwinolin-3-carbocsylad) Fformiwla gemegol: C24H35NO5 Rhif CAS(1): 18507-89-6
	Amhureddau cysylltiedig: Methyl-6-desyclocsi-7-ethocsi-4-hydrocsicwinolin-3-carbocsilad: < 1.0% Asid 6-desyclocsi-7-ethocsi-4-hydrocsicwinolin-3-carbocsylig: < 0.5% Deuethyl-4-desyclocsi-3-ethocsianilinomethylenemalonad: < 0.5%
Dulliau dadansoddi(2)	I feintioli decocwinad yn yr ychwanegyn bwyd anifeiliaid, y rhag-gymysgeddau, y deunyddiau bwyd anifeiliaid a’r bwyd anifeiliaid cyfansawdd: Cromatograffaeth Hylif Perfformiad Uchel gwedd wrthdro wedi ei gyplysu â synhwyrydd fflworoleuedd (RP-HPLC-FL) (BS EN 16162:2012(3)).
	I feintioli decocwinad mewn meinweoedd: Cromatograffaeth Hylif Perfformiad Uchel gwedd wrthdro wedi ei gyplysu â sbectrometr màs pedrypol triphlyg (RP-HPLC-MS/MS(4)).
Rhywogaeth neu gategori o anifail	Ieir i’w pesgi
Oedran hynaf	Dim
Isafswm cynnwys(5)	30 mg/kg
Uchafswm cynnwys(5)	40 mg/kg
Darpariaethau eraill	1. Yn y cyfarwyddiadau ar gyfer defnyddio’r ychwanegyn bwyd anifeiliaid a’r rhag-gymysgeddau, rhaid nodi’r amodau storio a’r sefydlogrwydd o ran trin â gwres.
	2. Rhaid ymgorffori’r ychwanegyn bwyd anifeiliaid mewn bwyd anifeiliaid cyfansawdd ar ffurf rhag-gymysgedd.
	3. Ni chaniateir cymysgu decocwinad gyda chocsidiostatau eraill.
	4. Ni chaniateir defnyddio decocwinad mewn bwyd anifeiliaid sy’n cynnwys bentonit.
	5. Rhaid i ddeiliad yr awdurdodiad gynnal rhaglen fonitro ar ôl rhyddhau ar y farchnad ar gyfer ymwrthedd i facteria ac Eimeria spp. Rhaid cyflwyno adroddiad yn cynnwys canlyniad y rhaglen honno i Weinidogion Cymru erbyn diwedd 23 Tachwedd 2031.

(1)

Mae’r awdurdodiad hwn yn disodli awdurdodiad decocwinad (Deccox^®) o dan Reoliad y Comisiwn (EC) Rhif 1289/2004. Mae’r Rheoliad hwn wedi ei ddirymu gan reoliad 8 o’r Rheoliadau hyn, ond gweler y ddarpariaeth drosiannol yn rheoliad 11. Gweler hefyd Atodlen 11 i’r Rheoliadau hyn sy’n cynnwys ailawdurdodiad ar wahân ar gyfer decocwinad (Deccox^®), ond ar ffurf addasedig - decocwinad (Avi-Deccox^® 60G).