Offerynnau Statudol Cymru
Llywodraeth Leol, Cymru
Cynrychiolaeth Y Bobl, Cymru
Gwnaed
27 Ionawr 2021
Gosodwyd gerbron Senedd Cymru
28 Ionawr 2021
Yn dod i rym
29 Ionawr 2021
Mae Gweinidogion Cymru yn gwneud y Rheoliadau hyn drwy arfer y pwerau a roddir gan adrannau 67 ac 68 o Ddeddf y Coronafeirws 2020(1).
1.—(1) Enw’r Rheoliadau hyn yw Rheoliadau Llywodraeth Leol (Coronafeirws) (Gohirio Etholiadau) (Diwygiadau Amrywiol) (Cymru) 2021.
(2) Daw’r Rheoliadau hyn i rym ar 29 Ionawr 2021.
2.—(1) Mae Rheoliadau Llywodraeth Leol (Coronafeirws) (Gohirio Etholiadau) (Cymru) 2020(2) wedi eu diwygio fel a ganlyn.
(2) Yn rheoliad 2, yn y diffiniad o “y cyfnod perthnasol”, yn lle “31 Ionawr 2021” rhodder “28 Chwefror 2021”.
(3) Yn rheoliad 3(1), yn lle “1 Chwefror 2021 ac sy’n dod i ben ar 16 Ebrill 2021” rhodder “1 Mawrth 2021 ac sy’n dod i ben ar 6 Mai 2021”.
(4) Yn rheoliad 4(1), yn lle “1 Chwefror 2021 ac sy’n dod i ben ar 16 Ebrill 2021” rhodder “1 Mawrth 2021 ac sy’n dod i ben ar 6 Mai 2021”.
(5) Yn rheoliad 5(1)(a), yn lle “31 Ionawr 2021” rhodder “28 Chwefror 2021”.
3.—(1) Mae Rheoliadau Llywodraeth Leol (Coronafeirws) (Gohirio Etholiadau) (Cymru) (Rhif 2) 2020(3) wedi eu diwygio fel a ganlyn.
(2) Yn rheoliad 3—
(a)yn y diffiniad o “pleidlais ohiriedig”, yn lle “1 Chwefror 2021 ac yn dod i ben ar 16 Ebrill 2021” rhodder “1 Mawrth 2021 ac yn dod i ben ar 6 Mai 2021”, a
(b)yn y diffiniad o “y cyfnod perthnasol”, yn lle “31 Ionawr 2021” rhodder “28 Chwefror 2021”.
(3) Yn rheoliad 9(1), yn lle “31 Ionawr 2021” rhodder “28 Chwefror 2021”.
Julie James
Y Gweinidog Tai a Llywodraeth Leol, un o Weinidogion Cymru
27 Ionawr 2021
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn gohirio ymhellach is-etholiadau llywodraeth leol penodol o ganlyniad i’r pandemig COVID-19.
Roedd yr is-etholiadau gohiriedig hyn i fod i gael eu cynnal yn ystod y cyfnod rhwng 1 Chwefror 2021 a 16 Ebrill 2021, ond byddant yn digwydd yn awr yn ystod y cyfnod rhwng 1 Mawrth 2021 a 6 Mai 2021.
Mae rheoliad 2 yn diwygio’r dyddiadau perthnasol yn Rheoliadau Llywodraeth Leol (Coronafeirws) (Gohirio Etholiadau) (Cymru) 2020.
Mae rheoliad 3 yn diwygio’r dyddiadau perthnasol yn Rheoliadau Llywodraeth Leol (Coronafeirws) (Gohirio Etholiadau) (Cymru) (Rhif 2) 2020.
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.