http://www.legislation.gov.uk/wsi/2021/838/made/welshRheoliadau Iechyd Planhigion (Ffioedd) (Coedwigaeth) (Cymru) (Diwygio) (Rhif 2) 2021cyKing's Printer of Acts of Parliament2021-07-14YMADAEL Â’R UNDEB EWROPEAIDD, CYMRUIECHYD PLANHIGION, CYMRUMae’r Rheoliadau hyn wedi eu gwneud drwy arfer y pwerau a roddir gan baragraff 7 o Atodlen 4 i Ddeddf yr Undeb Ewropeaidd (Ymadael) 2018 (p. 16) ac maent yn diwygio Rheoliadau Iechyd Planhigion (Ffioedd) (Coedwigaeth) (Cymru) 2019 (O.S. 2019/497 (Cy. 114)).Welsh Statutory Instruments2021 Rhif 838 (Cy. 195)Ymadael Â’r Undeb Ewropeaidd, CymruIechyd Planhigion, CymruRheoliadau Iechyd Planhigion (Ffioedd) (Coedwigaeth) (Cymru) (Diwygio) (Rhif 2) 2021Gwnaed13 Gorffennaf 2021Gosodwyd gerbron Senedd Cymru15 GorffennafYn dod i rym5 Awst 2021

Mae Gweinidogion Cymru yn gwneud y Rheoliadau hyn drwy arfer y pwerau a roddir gan baragraff 7 o Atodlen 4 i Ddeddf yr Undeb Ewropeaidd (Ymadael) 2018

2018 p. 16 (“Deddf 2018”). Mae Gweinidogion Cymru yn “appropriate authority” yn rhinwedd paragraff 8 o Atodlen 4 i Ddeddf 2018. Diwygiwyd ystyr “appropriate authority” ym mharagraff 8 o Atodlen 4 i Ddeddf 2018 gan adran 41(4) o Ddeddf yr Undeb Ewropeaidd (Y Cytundeb Ymadael) 2020 (p. 1) a pharagraff 47(5) o Atodlen 5 iddi.

.

Enwi a chychwyn1.(1)

Enw’r Rheoliadau hyn yw Rheoliadau Iechyd Planhigion (Ffioedd) (Coedwigaeth) (Cymru) (Diwygio) (Rhif 2) 2021.

(2)

Mae’r Rheoliadau hyn yn dod i rym ar 5 Awst 2021.

Diwygio Rheoliadau Iechyd Planhigion (Ffioedd) (Coedwigaeth) (Cymru) 20192.(1)

Mae Rheoliadau Iechyd Planhigion (Ffioedd) (Coedwigaeth) (Cymru) 2019

O.S. 2019/497 (Cy. 114), a ddiwygiwyd gan O.S. 2020/44 (Cy. 5); mae offerynnau diwygio eraill ond nid yw’r un ohonynt yn berthnasol.

wedi eu diwygio fel a ganlyn.

(2)

Yn lle Atodlen 1 rhodder—ATODLEN 1

Rheoliad 3(2)

Ffioedd am arolygiadau mewn cysylltiad ag awdurdodiad pasbort planhigion

Math o arolygiad

Ffi

Arolygiad ffisegol a gweithgareddau cysylltiedig (gan gynnwys amser teithio ac amser swyddfa) mewn cysylltiad â rhoi, amrywio neu atal dros dro awdurdodiad pasbort planhigion neu er mwyn monitro cydymffurfedd â’r awdurdodiad hwnnw—

(a) hyd at a chan gynnwys yr awr gyntaf;

£49.50

(b) wedi hynny, am bob 15 munud ychwanegol neu ran o’r cyfnod hwnnw

£12.38

.

(3)

Yn lle Atodlen 4A rhodder—ATODLEN 4A

Rheoliad 3(5A)

Ffioedd mewn cysylltiad â chais am dystysgrif ffytoiechydol ar gyfer allforio neu dystysgrif ffytoiechydol ar gyfer ailallforio: Cymru

Gwasanaeth

Ffi

Ystyried cais, gan gynnwys dyroddi, pan fo’n briodol, tystysgrif ffytoiechydol ar gyfer allforio neu dystysgrif ffytoiechydol ar gyfer ailallforio

£21.00

Archwilio neu brofi pren, cynhyrchion pren, rhisgl wedi ei wahanu neu beiriannau coedwigaeth a ddefnyddiwyd a gweithgareddau cysylltiedig (gan gynnwys amser teithio ac amser swyddfa)—

(a) hyd at a chan gynnwys yr awr gyntaf;

£37.80

(b) wedi hynny, am bob 15 munud ychwanegol neu ran o’r cyfnod hwnnw

£10.50

.

Julie JamesY Gweinidog Newid Hinsawdd, un o Weinidogion Cymru13 Gorffennaf 2021NODYN ESBONIADOL(Nid yw’r nodyn hwn yn rhan o’r Rheoliadau)

Mae’r Rheoliadau hyn wedi eu gwneud drwy arfer y pwerau a roddir gan baragraff 7 o Atodlen 4 i Ddeddf yr Undeb Ewropeaidd (Ymadael) 2018 (p. 16) ac maent yn diwygio Rheoliadau Iechyd Planhigion (Ffioedd) (Coedwigaeth) (Cymru) 2019 (O.S. 2019/497 (Cy. 114)).

Mae’r Rheoliadau hyn yn darparu ar gyfer cynyddu’r ffioedd am wasanaethau mewn perthynas ag awdurdodiadau pasbortau planhigion a cheisiadau am dystysgrifau ffytoiechydol (gan gynnwys tystysgrifau ffytoiechydol ar gyfer ailallforio) i adlewyrchu cynnydd chwyddiannol o ran y gost o ddarparu’r gwasanaethau hynny ers cyflwyno’r ffioedd hynny. Mae’r ffioedd sy’n ymwneud ag awdurdodiadau pasbortau planhigion wedi cynyddu 34% ar gyfer y cyfnod rhwng 2006 a 2020, tra bod y ffioedd ar gyfer tystysgrifau allforio wedi cynyddu 40% ar gyfer y cyfnod rhwng 2004 a 2020 (yn seiliedig ar y Mynegai Prisiau Defnyddwyr gan gynnwys costau tai perchen-feddianwyr (CPIH)).

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.