RHAN 3Y gofynion o ran cnydau
Cynllunio’r modd y taenir gwrtaith nitrogen6.
(1)
Rhaid i feddiannydd daliad sy’n bwriadu taenu gwrtaith nitrogen—
(a)
cyfrifo faint o nitrogen yn y pridd sy’n debyg o fod ar gael i’r cnwd ei amsugno yn ystod y tymor tyfu (“y cyflenwad nitrogen yn y pridd”),
(b)
cyfrifo’r maint optimwm o nitrogen y dylid ei daenu ar y cnwd, gan gymryd i ystyriaeth y maint o nitrogen sydd ar gael o’r cyflenwad nitrogen yn y pridd, ac
(c)
llunio cynllun ar gyfer taenu gwrtaith nitrogen ar gyfer y tymor tyfu hwnnw.
(2)
Yn achos unrhyw gnwd nad yw’n laswelltir parhaol, rhaid i’r meddiannydd gydymffurfio â pharagraff (1) cyn taenu unrhyw wrtaith nitrogen am y tro cyntaf er mwyn gwrteithio cnwd sydd wedi ei blannu neu y bwriedir ei blannu.
(3)
Yn achos glaswelltir parhaol, rhaid i’r meddiannydd gydymffurfio â pharagraff (1) bob blwyddyn sy’n dechrau ar 1 Ionawr cyn taenu gwrtaith nitrogen am y tro cyntaf.
(4)
Rhaid i’r cynllun fod ar ffurf barhaol.
(5)
Rhaid i’r cynllun gofnodi—
(a)
cyfeirnod neu enw’r cae perthnasol,
(b)
y rhan o’r cae a blannwyd neu y bwriedir ei phlannu, ac
(c)
y math o gnwd.
(6)
Yn achos y rhan a blannwyd neu y bwriedir ei phlannu, rhaid i’r cynllun gofnodi—
(a)
y math o bridd,
(b)
y cnwd blaenorol (ac os porfa oedd y cnwd blaenorol, a reolid y borfa drwy ei thorri ynteu ei phori),
(c)
y cyflenwad nitrogen yn y pridd wedi ei gyfrifo’n unol â pharagraff (1) a’r dull a ddefnyddiwyd i gyrraedd y ffigur hwn,
(d)
y mis y rhagwelir y caiff y cnwd ei blannu,
(e)
maint y cynnyrch a ddisgwylir (os yw’n gnwd âr), ac
(f)
y maint optimwm o nitrogen y dylid ei daenu ar y cnwd gan gymryd i ystyriaeth y maint o nitrogen sydd ar gael o’r cyflenwad nitrogen yn y pridd.
Yr wybodaeth ychwanegol sydd i’w chofnodi yn ystod y flwyddyn7.
(1)
Cyn taenu tail organig, rhaid i’r meddiannydd, ar bob achlysur, gyfrifo maint y nitrogen o’r tail hwnnw sy’n debygol o fod ar gael i’r cnwd ei amsugno yn y tymor tyfu y’i taenir ynddo.
(2)
Rhaid i’r meddiannydd, cyn taenu, gofnodi—
(a)
y rhan y taenir y tail organig arni,
(b)
y maint o dail organig sydd i’w daenu,
(c)
y dyddiad arfaethedig ar gyfer taenu (y mis),
(d)
y math o dail organig,
(e)
cyfanswm y nitrogen sydd ynddo, ac
(f)
cyfanswm y nitrogen sy’n debygol o fod ar gael, o’r tail organig y bwriedir ei daenu, i’r cnwd ei amsugno yn y tymor tyfu y’i taenir ynddo.
(3)
Cyn taenu gwrtaith nitrogen, rhaid i’r meddiannydd gofnodi—
(a)
y maint sydd ei angen, a
(b)
y dyddiad arfaethedig ar gyfer taenu (y mis).
Cyfanswm y nitrogen sydd i’w daenu ar ddaliad8.
Ni waeth beth fo’r ffigur yn y cynllun, rhaid i feddiannydd sicrhau na fydd cyfanswm—
(a)
y nitrogen o wrtaith nitrogen a weithgynhyrchwyd, a
(b)
y nitrogen sydd ar gael i’r cnwd ei amsugno o dail organig yn y tymor tyfu y’i taenir ynddo, a gyfrifir yn unol â rheoliad 9,
yn fwy yn ystod unrhyw gyfnod o 12 mis na’r terfynau a bennir yn rheoliad 10.
Cyfrifo maint y nitrogen sydd ar gael i’r cnwd ei amsugno o dail organig9.
(1)
Rhaid i’r meddiannydd gadarnhau cyfanswm y nitrogen mewn tail da byw, at ddibenion rheoliad 8, drwy—
(a)
defnyddio’r tabl yn Rhan 1 o Atodlen 3, neu
(b)
samplu a dadansoddi yn unol â Rhan 2 o Atodlen 3.
(2)
Unwaith y bydd cyfanswm y nitrogen mewn tail da byw wedi ei ganfod, rhagdybir y canrannau canlynol er mwyn cadarnhau maint y nitrogen yn y tail da byw sydd ar gael i’r cnwd ei amsugno yn y tymor tyfu y’i taenir ynddo.
Math o dail da byw | Maint y nitrogen sydd ar gael i’r cnwd ei amsugno yn y tymor tyfu y’i taenir ynddo |
|---|---|
Slyri gwartheg | 40 % |
Slyri moch | 50 % |
Tail dofednod | 30 % |
Tail da byw eraill | 10 % |
(3)
Mewn perthynas â phob tail organig arall, rhaid i’r meddiannydd gadarnhau cyfanswm y nitrogen sydd ar gael i’r cnwd ei amsugno yn y tymor tyfu y’i taenir ynddo, at ddibenion rheoliad 8—
(a)
drwy gyfeirio at ddadansoddiadau technegol a ddarperir gan y cyflenwr,
(b)
(c)
drwy samplu a dadansoddi yn unol â Rhan 2 o Atodlen 3.
Terfynau nitrogen uchaf fesul cnwd10.
Cyfanswm y nitrogen y caniateir ei daenu ar unrhyw gnwd a restrir yn y golofn gyntaf isod yw’r ffigur a roddir yn yr ail golofn isod, wedi ei addasu yn unol â’r nodiadau i’r tabl, ac wedi ei luosi â chyfanswm yr arwynebedd, mewn hectarau, o’r cnwd hwnnw a heuwyd ar y daliad.
Cnwd | Maint y nitrogen a ganiateir (kg)(a) | Cynnyrch safonol (tunnell/ha) |
|---|---|---|
Merllys | 150 | dd/g |
Gwenith a heuir yn yr hydref neu’r gaeaf cynnar | 8.0 | |
Betys (coch) | 350 | dd/g |
Ysgewyll Brwsel | 350 | dd/g |
Bresych | 350 | dd/g |
Calabrese | 350 | dd/g |
Blodfresych | 350 | dd/g |
Moron | 150 | dd/g |
Seleri | 250 | dd/g |
Courgettes | 250 | dd/g |
Corffa | 250 | dd/g |
Ffa maes | 0 | dd/g |
Indrawn porthi | 150 | dd/g |
Porfa | 300(f) | dd/g |
Cennin | 350 | dd/g |
Letys | 250 | dd/g |
Winwns | 250 | dd/g |
Pannas | 250 | dd/g |
Pys | 0 | dd/g |
Tatws | 270 | dd/g |
Radis | 150 | dd/g |
Ffa dringo | 250 | dd/g |
Gwenith a heuir yn y gwanwyn | 7.0 | |
Haidd y gwanwyn | 150(c) | 5.5 |
Betys siwgrSwêds | 120 | dd/g |
India-corn | 250 | dd/g |
Maip | 250 | dd/g |
Haidd y gaeaf | 6.5 | |
Rêp had olew y gaeaf | 250(e) | 3.5 |