Gorchymyn Deddf Anghenion Dysgu Ychwanegol a’r Tribiwnlys Addysg (Cymru) 2018 (Cychwyn Rhif 3 a Rhif 4 a Darpariaethau Trosiannol a Darpariaethau Arbed) (Diwygio) 2021

“16A.

(1)

Mae’r erthygl hon yn gymwys i blentyn a oedd ag anghenion addysgol arbennig a nodwyd ar 1 Medi 2021—

(a)

sy’n peidio â bod yn ddisgybl cofrestredig yn yr ysgol gyntaf,

(b)

nad oes cais wedi ei wneud am hysbysiad CDU nac hysbysiad dim anghenion ar ei gyfer, ac

(c)

y mae’r hen gyfraith yn gymwys mewn perthynas ag ef.

(2)

Ar y dyddiad y mae’r plentyn yn peidio â bod yn ddisgybl cofrestredig yn yr ysgol gyntaf—

(a)

mae’r gyfraith newydd yn gymwys mewn perthynas â’r plentyn, a

(b)

mae’r hen gyfraith yn peidio â bod yn gymwys mewn perthynas â’r plentyn.

(3)

Yn yr erthygl hon—

(a)

ystyr “peidio â bod yn ddisgybl cofrestredig” yw bod enw’r disgybl wedi ei ddileu o gofrestr dderbyn yr ysgol yn unol â Rheoliadau Addysg (Cofrestru Disgyblion) (Cymru) 20103;

(b)

ystyr “ysgol gyntaf” yw’r ysgol a gynhelir yr oedd y plentyn yn ddisgybl cofrestredig ynddi ar 1 Medi 2021.

16B.

(1)

Mae’r erthygl hon yn gymwys i blentyn a oedd ag anghenion addysgol arbennig a nodwyd ar 1 Medi 2021—

(a)

sy’n dod yn ddisgybl cofrestredig neu’n fyfyriwr sydd wedi ymrestru mewn sefydliad arall (a bod y sefydliad hwnnw yn ysgol neu’n sefydliad yn y sector addysg bellach),

(b)

y mae awdurdod lleol yng Nghymru yn gyfrifol amdano,

(c)

nad oes cais wedi ei wneud am hysbysiad CDU nac hysbysiad dim anghenion ar ei gyfer, a

(d)

y mae’r hen gyfraith yn gymwys mewn perthynas ag ef.

(2)

Ar y dyddiad y daw’r plentyn yn ddisgybl cofrestredig neu’n fyfyriwr sydd wedi ymrestru mewn sefydliad arall—

(a)

mae’r gyfraith newydd yn gymwys mewn perthynas â’r plentyn, a

(b)

mae’r hen gyfraith yn peidio â bod yn gymwys mewn perthynas â’r plentyn.

16C.

(1)

Mae’r erthygl hon yn gymwys i blentyn a oedd ag anghenion addysgol arbennig a nodwyd ar 1 Medi 2021—

(a)

sy’n dod yn blentyn sy’n derbyn gofal gan awdurdod lleol o fewn ystyr adran 15 o’r Ddeddf,

(b)

nad oes cais wedi ei wneud am hysbysiad CDU nac hysbysiad dim anghenion ar ei gyfer, ac

(c)

y mae’r hen gyfraith yn gymwys mewn perthynas ag ef.

(2)

Ar y dyddiad y daw’r plentyn yn blentyn sy’n derbyn gofal gan awdurdod lleol o fewn ystyr adran 15 o’r Ddeddf—

(a)

mae’r gyfraith newydd yn gymwys mewn perthynas â’r plentyn, a

(b)

mae’r hen gyfraith yn peidio â bod yn gymwys mewn perthynas â’r plentyn.”.

“Hawl i ofyn am gael trosglwyddo i’r gyfraith newydd8.

(1)

Caiff plentyn sydd ag anghenion addysgol arbennig a nodwyd ar 1 Medi 2021, neu riant y plentyn hwnnw, wneud cais i’r person priodol i’r gyfraith newydd fod yn gymwys i’r plentyn hwnnw.

(2)

Mae’r gyfraith newydd yn gymwys mewn perthynas â’r plentyn ar y dyddiad y daw’r cais i law.

(3)

Mae’r hen gyfraith yn peidio â bod yn gymwys mewn perthynas â’r plentyn ar y dyddiad hwnnw.

(4)

Yn yr erthygl hon, ystyr “person priodol” yw—

(a)

yr awdurdod lleol yng Nghymru sy’n gyfrifol am y plentyn,

(b)

pan na fo awdurdod lleol yng Nghymru yn gyfrifol am y plentyn, awdurdod lleol yng Nghymru y mae’r ysgol a gynhelir neu’r uned cyfeirio disgyblion y mae’r plentyn yn ddisgybl cofrestredig ynddi yn ei ardal.”.