Rheoliadau Cyfrifon ac Archwilio (Cymru) (Diwygio) 2021
Yn unol ag adran 39(2) o Ddeddf Archwilio Cyhoeddus (Cymru) 2004, mae Gweinidogion Cymru wedi ymgynghori ag Archwilydd Cyffredinol Cymru, y cymdeithasau hynny o awdurdodau lleol yng Nghymru y mae’n ymddangos iddynt eu bod yn ymwneud â hyn a’r cyrff o gyfrifwyr hynny y mae’n ymddangos iddynt ei bod yn briodol ymgynghori â hwy.
Enwi a dod i rym1.
(1)
Enw’r Rheoliadau hyn yw Rheoliadau Cyfrifon ac Archwilio (Cymru) (Diwygio) 2021.
(2)
Daw’r Rheoliadau hyn i rym ar 8 Ebrill 2021.
Diwygio Rheoliadau Cyfrifon ac Archwilio (Cymru) 20142.
(1)
(2)
Yn rheoliad 1(3)(e) (cymhwyso), yn lle “ac 20” rhodder “, 20 ac 20A”.
(3)
Yn rheoliad 2(1) (dehongli)—
(a)
“ystyr “Deddf 2021” (“the 2021 Act”) yw Deddf Llywodraeth Leol ac Etholiadau (Cymru) 20213;”
(b)
“ystyr “cyd-bwyllgor corfforedig” (“corporate joint committee”) yw cyd-bwyllgor corfforedig a sefydlir drwy reoliadau a wneir o dan Ran 5 o Ddeddf 2021;”
(c)
yn y diffiniad o “cyd-bwyllgor”, ar ôl “lleol” mewnosoder “ond nid yw’n cynnwys cyd-bwyllgor corfforedig”;
(d)
“(zi)
cyd-bwyllgor corfforedig;”.
(4)
“(9)
Wrth ei gymhwyso i gyd-bwyllgor corfforedig, mae paragraff (2) i’w ddarllen fel pe bai’r cyfeiriadau at “pwyllgor” yn gyfeiriadau at “is-bwyllgor”.”
(5)
“Cyd-bwyllgorau corfforedig20A.
(1)
Rhaid i gyd-bwyllgor corfforedig adneuo gyda phob awdurdod cyfansoddol—
(a)
pan fo’n gorff perthnasol llai, o fewn y cyfnod o 14 diwrnod a bennir gan reoliad 18, gopi o adroddiad yr archwilydd a’r datganiadau cyfrifyddu; a
(b)
fel arall, wrth roi hysbysiad o dan reoliad 13, gopi o adroddiad yr archwilydd a’r datganiad o gyfrifon.
(2)
Yn y rheoliad hwn—
(a)
ystyr “awdurdod cyfansoddol”, mewn perthynas â chyd-bwyllgor corfforedig, yw—
(i)
cyngor sir neu gyngor bwrdeistref sirol, y mae ei brif aelod gweithrediaeth yn aelod o’r cyd-bwyllgor corfforedig;
(ii)
Awdurdod Parc Cenedlaethol sy’n aelod o’r cyd-bwyllgor corfforedig;
(b)
mae i “prif aelod gweithrediaeth” yr ystyr a roddir gan adran 77(4) o Ddeddf 2021.”
Mae Deddf Archwilio Cyhoeddus (Cymru) 2004 (p. 23) yn rhoi swyddogaethau ychwanegol i Archwilydd Cyffredinol Cymru, (sefydlwyd swyddfa’r Archwilydd gan adran 90 o Ddeddf Llywodraeth Cymru 1998 (p. 38) – sydd erbyn hyn wedi ei ddisodli gan adran 145 o Ddeddf Llywodraeth Cymru 2006 (p. 32)), gan gynnwys gwneud darpariaeth ynghylch archwilio cyfrifon cyrff cyhoeddus yng Nghymru.
Mae adran 39 o Ddeddf 2004 yn galluogi Gweinidogion Cymru i wneud darpariaeth ynghylch cyfrifon corff llywodraeth leol yng Nghymru y mae Rhan 2 o’r Ddeddf honno yn gymwys iddo. Mae adran 12(1) o’r Ddeddf honno yn rhestru’r cyrff y mae Rhan 2 yn gymwys iddynt.
Mae’r Rheoliadau hyn yn diwygio Rheoliadau Cyfrifon ac Archwilio (Cymru) 2014 (a wnaed o dan adran 39) i ddarparu bod cyd-bwyllgorau corfforedig a sefydlir drwy Reoliadau a wneir o dan Ran 5 o Ddeddf Llywodraeth Leol ac Etholiadau (Cymru) 2021 yn ddarostyngedig i ddarpariaethau Rheoliadau 2014 pan fo’n berthnasol.
Mae cyd-bwyllgorau corfforedig yn gyrff corfforedig sy’n cynnwys yr awdurdodau lleol hynny yng Nghymru a bennir mewn Rheoliadau sy’n sefydlu cyd-bwyllgor corfforedig ac, o dan rai amgylchiadau, awdurdodau Parciau Cenedlaethol yn Nghymru os yw’r Rheoliadau hynny yn gwneud darpariaeth i’r perwyl hwnnw. Fe’u hychwanegwyd at y rhestr o gyrff llywodraeth leol yng Nghymru yn adran 12(1) o Ddeddf 2004 gan Orchymyn Deddf Archwilio Cyhoeddus (Cymru) 2004 (Diwygio) (Cyrff Llywodraeth Leol yng Nghymru) 2021.
Mae’r Rheoliadau hyn yn gysylltiedig â Rheoliadau sy’n sefydlu cyd-bwyllgorau corfforedig penodol o dan Ran 5 o Ddeddf Llywodraeth Leol ac Etholiadau (Cymru) 2021. Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau sy’n sefydlu cyd-bwyllgorau corfforedig a rheoliadau cysylltiedig. O ganlyniad, lluniwyd asesiad effaith rheoleiddiol. Gellir cael copi oddi wrth: yr Is-adran Cyllid Strategol Llywodraeth Leol, Llywodraeth Cymru, Parc Cathays, Caerdydd, CF10 3NQ.