Rheoliadau Newid yn yr Hinsawdd (Targedau Allyriadau Interim) (Cymru) (Diwygio) 2021
Cyn i’r drafft gael ei osod, roedd Gweinidogion Cymru—
wedi eu bodloni bod pob targed allyriadau interim yn cael ei osod ar lefel sy’n gyson â chyrraedd targed allyriadau 2050, yn unol ag adran 32(1)(a) o’r Ddeddf,
wedi rhoi sylw i’r materion a restrir yn adran 32(3) o’r Ddeddf, ac
Mae’r Pwyllgor ar Newid Hinsawdd wedi argymell diwygio’r targedau allyriadau interim ar gyfer 2030 a 2040.
Yn unol â hynny, mae Gweinidogion Cymru, drwy arfer y pwerau a roddir gan adran 30(1) o’r Ddeddf, ac yn unol ag adran 32(2)(b) o’r Ddeddf, yn gwneud y Rheoliadau a ganlyn.
Enwi a chychwyn1.
(1)
Enw’r Rheoliadau hyn yw Rheoliadau Newid yn yr Hinsawdd (Targedau Allyriadau Interim) (Cymru) (Diwygio) 2021.
(2)
Daw’r Rheoliadau hyn i rym ar 19 Mawrth 2021.
Diwygio’r targedau allyriadau interim2.
(1)
(2)
Ym mharagraff (2), yn lle “45%” rhodder “63%”.
(3)
Ym mharagraff (3), yn lle “67%” rhodder “89%”.
Mae’r Rheoliadau hyn yn gwneud diwygiadau i Reoliadau Newid yn yr Hinsawdd (Targedau Allyriadau Interim) (Cymru) 2018, sy’n gosod y targedau allyriadau interim o dan Ran 2 o Ddeddf yr Amgylchedd (Cymru) 2016 (“y Ddeddf”).
Diben Rhan 2 o’r Ddeddf yw ei gwneud yn ofynnol i Weinidogion Cymru gyrraedd targedau ar gyfer lleihau allyriadau nwyon tŷ gwydr o Gymru. Mae adran 29 yn ei gwneud yn ofynnol i Weinidogion Cymru sicrhau bod cyfrif allyriadau net Cymru ar gyfer y flwyddyn 2050 o leiaf 100% yn is na’r waelodlin.
Mae adran 30 o’r Ddeddf yn ei gwneud yn ofynnol i Weinidogion Cymru wneud rheoliadau er mwyn gosod targedau allyriadau interim ar gyfer y blynyddoedd 2020, 2030 a 2040. Mae’r targedau hyn yn cael eu mynegi fel canran islaw’r waelodlin.
Mae rheoliad 2 yn diwygio Rheoliadau Newid yn yr Hinsawdd (Targedau Allyriadau Interim) (Cymru) 2018. Mae targedau 2030 a 2040 wedi eu cynyddu o “45%” i “63%” ac o “67%” i “89%”, yn y drefn honno, yn is na’r waelodlin.
Yn unol ag adran 32(1)(a) o’r Ddeddf, mae Gweinidogion Cymru wedi eu bodloni bod y targedau allyriadau interim yn gyson â chyrraedd targed allyriadau 2050.
Yn unol ag adran 32 o’r Ddeddf, mae Gweinidogion Cymru wrth ddrafftio’r Rheoliadau hyn wedi rhoi sylw i’r ffactorau a restrir yn adran 32(3).
Yn unol ag adran 49 o’r Ddeddf, mae Gweinidogion Cymru wedi cael cyngor gan y corff cynghori, ac wedi ystyried y cyngor a gafwyd, cyn gosod rheoliadau drafft.
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth: Llywodraeth Cymru, Parc Cathays, Caerdydd, CF10 3NQ.