http://www.legislation.gov.uk/wsi/2021/233/article/4/made/welshGorchymyn Iechyd a Gofal Digidol Cymru (Trosglwyddo Staff, Eiddo, Hawliau ac Atebolrwyddau) 2021cyKing's Printer of Acts of Parliament2023-07-25Y GWASANAETH IECHYD GWLADOL, CYMRU Mae Awdurdod Iechyd Arbennig, Iechyd a Gofal Digidol Cymru (“IGDC”), wedi cael ei sefydlu o dan adran 22 o Ddeddf y Gwasanaeth Iechyd Gwladol (Cymru) 2006. Bydd swyddogaethau IGDC yn ymwneud â darparu platfformau, systemau a gwasanaethau digidol a chefnogi gwella systemau o’r fath. Hyd yma, mae nifer o’r swyddogaethau hyn wedi eu harfer gan Wasanaeth Gwybodeg Gwasanaeth Iechyd Gwladol Cymru (“GGGC”). Mae GGGC yn rhan o’r cydwasanaethau a letyir gan Ymddiriedolaeth Gwasanaeth Iechyd Gwladol Prifysgol Felindre (“Ymddiriedolaeth GIG Prifysgol Felindre”). 4 1 Mae’r erthygl hon yn gymwys i eiddo a ddelir gan Ymddiriedolaeth GIG Prifysgol Felindre yn union cyn y dyddiad trosglwyddo— a a nodir yn yr Atodlen; b a ddefnyddir neu a ddelir gan Ymddiriedolaeth GIG Prifysgol Felindre— i ar gyfer cyflawni swyddogaethau GGGC, neu ii mewn cysylltiad â chyflawni swyddogaethau GGGC. 2 Mae unrhyw eiddo y mae paragraff (1) yn gymwys iddo i’w drosglwyddo, ar y dyddiad trosglwyddo, i IGDC. 3 Mae unrhyw hawliau neu atebolrwyddau sydd gan Ymddiriedolaeth GIG Prifysgol Felindre mewn perthynas ag unrhyw eiddo y mae paragraff (1) yn gymwys iddo i’w trosglwyddo, ar y dyddiad trosglwyddo, i IGDC. 4 Mae unrhyw eiddo y mae paragraff (1) yn gymwys iddo sy’n dir neu’n adeiladau yn cael ei drosglwyddo yn ddarostyngedig i, a chyda budd, y canlynol— a unrhyw lesoedd, tenantiaethau a thrwyddedau presennol ac unrhyw hawliau sydd gan feddianwyr a’u holynwyr; b unrhyw fuddiant arall yn yr eiddo, ac unrhyw fater sy’n effeithio arno. 5 Ym mharagraff (4), mae trosglwyddo “eiddo” yn cynnwys trosglwyddo cynnwys yr eiddo, gan gynnwys unrhyw eitem neu eiddo o ba ddisgrifiad bynnag— a sy’n eiddo Ymddiriedolaeth GIG Prifysgol Felindre yn union cyn y dyddiad trosglwyddo, a b sy’n bresennol yn neu ar yr eiddo ar y dyddiad trosglwyddo, gan gynnwys unrhyw gerbyd neu eiddo symudol sydd fel arfer yn cael ei gadw ar y tir hwnnw neu yn yr adeiladau hynny pan nad yw’n cael ei ddefnyddio.