http://www.legislation.gov.uk/wsi/2021/1431/made/welshRheoliadau Ffedereiddio Ysgolion a Gynhelir (Cymru) (Diwygio) 2021cyKing's Printer of Acts of Parliament2021-12-15ADDYSG, CYMRU Mae’r Rheoliadau hyn yn diwygio Rheoliadau Ffedereiddio Ysgolion a Gynhelir (Cymru) 2014 (O.S. 2014/1132 (Cy. 111)). 2021 Rhif 1431 (Cy. 370) Addysg, Cymru Rheoliadau Ffedereiddio Ysgolion a Gynhelir (Cymru) (Diwygio) 2021 Gwnaed 12 Rhagfyr 2021 Gosodwyd gerbron Senedd Cymru 15 Rhagfyr 2021 Yn dod i rym 4 Chwefror 2022 Mae Gweinidogion Cymru, drwy arfer y pwerau a roddir iddynt gan adrannau 19(3) a (9) a 210(7) o Ddeddf Addysg 2002, ac a freiniwyd bellach ynddynt hwy, yn gwneud y Rheoliadau a ganlyn: Enwi a chychwyn 1 1 Enw’r Rheoliadau hyn yw Rheoliadau Ffedereiddio Ysgolion a Gynhelir (Cymru) (Diwygio) 2021. 2 Daw’r Rheoliadau hyn i rym ar 4 Chwefror 2022. Diwygiadau i Reoliadau Ffedereiddio Ysgolion a Gynhelir (Cymru) 2014 2 1 Mae Rheoliadau Ffedereiddio Ysgolion a Gynhelir (Cymru) 2014 wedi eu diwygio fel a ganlyn. 2 Yn rheoliad 15 (athro-lywodraethwyr), ym mharagraff (4)— a daw’r geiriau o “unrhyw berson” hyd at y diwedd yn is-baragraff (a), a b ar ôl yr is-baragraff hwnnw mewnosoder— ; neu b ffederasiwn sy’n cynnwys dwy ysgol yn unig. 3 Yn rheoliad 16 (staff-lywodraethwyr), ym mharagraff (4)— a daw’r geiriau o “unrhyw berson” hyd at y diwedd yn is-baragraff (a), a b ar ôl yr is-baragraff hwnnw mewnosoder— ; neu b ffederasiwn sy’n cynnwys dwy ysgol yn unig. Jeremy Miles Gweinidog y Gymraeg ac Addysg, un o Weinidogion Cymru 12 Rhagfyr 2021 NODYN ESBONIADOL (Nid yw’r nodyn hwn yn rhan o’r Rheoliadau)

Mae’r Rheoliadau hyn yn diwygio Rheoliadau Ffedereiddio Ysgolion a Gynhelir (Cymru) 2014 (O.S. 2014/1132 (Cy. 111)).

Mae’r Rheoliadau hyn yn darparu, ar gyfer ffederasiynau sy’n cynnwys dwy ysgol yn unig, y caniateir i berson gael ei ethol yn athro-lywodraethwr neu’n staff-lywodraethwr er ei fod yn gweithio yn yr un ysgol ffederal ag athro-lywodraethwr neu staff-lywodraethwr blaenorol a wasanaethodd yn ystod y ddwy flynedd ddiwethaf.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.

 2002 p. 32. Mewnosodwyd adran 19(9) gan adran 19(1) a (2)(b) o Fesur Addysg (Cymru) 2011 (mccc 7). Diwygiwyd adran 210(7) gan adran 21(1) a (3)(c) o Fesur Teithio gan Ddysgwyr (Cymru) 2008 (mccc 2). Gweler adran 212(1) am y diffiniad o “regulations”. Trosglwyddwyd swyddogaethau Cynulliad Cenedlaethol Cymru i Weinidogion Cymru gan baragraff 30 o Atodlen 11 i Ddeddf Llywodraeth Cymru 2006 (p. 32). O.S. 2014/1132 (Cy. 111), y mae diwygiadau iddo nad ydynt yn berthnasol i’r Rheoliadau hyn.