Offerynnau Statudol Cymru

2021 Rhif 1069 (Cy. 252) (C. 61)

Addysg, Cymru

Gorchymyn Deddf Cwricwlwm ac Asesu (Cymru) 2021 (Cychwyn Rhif 1) 2021

Gwnaed

21 Medi 2021

Mae Gweinidogion Cymru, drwy arfer y pwerau a roddir gan adran 84(2), (3) a (4) o Ddeddf Cwricwlwm ac Asesu (Cymru) 2021(1), yn gwneud y Gorchymyn a ganlyn.

Enwi a dehongli

1.—(1) Enw’r Gorchymyn hwn yw Gorchymyn Deddf Cwricwlwm ac Asesu (Cymru) 2021 (Cychwyn Rhif 1) 2021.

(2) Yn y Gorchymyn hwn, ystyr “y Ddeddf” yw Deddf Cwricwlwm ac Asesu (Cymru) 2021.

Y darpariaethau sy’n dod i rym ar 29 Medi 2021

2.  Daw adrannau 1 i 5 o’r Ddeddf i rym ar 29 Medi 2021.

Y darpariaethau sy’n dod i rym ar 29 Medi 2021 at ddibenion dyroddi neu ddiwygio cod o dan adrannau 6 a 7 o’r Ddeddf

3.  Ni ddaw adrannau 6 a 7 o’r Ddeddf i rym ar 29 Medi 2021 ond at ddibenion dyroddi neu ddiwygio cod o dan yr adrannau hynny.

Y darpariaethau sy’n dod i rym ar 23 Tachwedd 2021 at ddibenion dyroddi neu ddiwygio cod o dan adran 8 o’r Ddeddf

4.  Ni ddaw adran 8 o’r Ddeddf i rym ar 23 Tachwedd 2021 ond at ddibenion dyroddi neu ddiwygio cod o dan yr adran honno.

Jeremy Miles

Gweinidog y Gymraeg ac Addysg, un o Weinidogion Cymru

21 Medi 2021

NODYN ESBONIADOL

(Nid yw’r nodyn hwn yn rhan o’r Gorchymyn)

Mae’r Gorchymyn hwn yn dwyn i rym ddarpariaethau yn Neddf Cwricwlwm ac Asesu (Cymru) 2021 (“y Ddeddf”).

Daw’r darpariaethau a restrir yn erthygl 2 i rym yn llawn ar 29 Medi 2021. Mae’r darpariaethau hyn yn nodi’r cysyniadau sylfaenol sy’n cael effaith mewn perthynas â’r cwricwlwm.

Daw’r darpariaethau a restrir yn erthygl 3 i rym ar 29 Medi 2021 ond dim ond at ddibenion dyroddi neu ddiwygio cod o dan adran 6 (Cod yr Hyn sy’n Bwysig) ac adran 7 (y Cod Cynnydd) o’r Ddeddf.

Daw’r ddarpariaeth a restrir yn erthygl 4 i rym ar 23 Tachwedd 2021 ond dim ond at ddibenion dyroddi neu ddiwygio cod o dan adran 8 o’r Ddeddf (y Cod ACRh).