dechrau holiadur ar-lein,

y personau y mae rhaid iddynt lenwi ffurflen y cyfrifiad,

aelodau o’r aelwyd yn ateb y rhannau o holiadur sy’n berthnasol iddynt hwy,

pryd y dylid llenwi ffurflen y cyfrifiad,

sut y bydd yr Awdurdod yn defnyddio ac yn diogelu gwybodaeth sy’n ymwneud â pherson rhagnodedig,

ble a sut y gellir dod o hyd i gymorth er mwyn llenwi holiadur ar-lein, ac

natur fandadol y cyfrifiad yn ei gyfanrwydd, ond natur wirfoddol cwestiynau penodol o fewn y cyfrifiad.

person rhagnodedig i gael mynediad i’r holiadur ar-lein perthnasol drwy fewnbynnu cod mynediad unigryw ar-lein,

i god mynediad unigryw gysylltu’n awtomatig â chyfeiriad aelwyd neu sefydliad cymunedol,

i gyfeiriad person rhagnodedig gael ei arddangos yn awtomatig pan fo’n berthnasol mewn rhannau gwahanol o holiadur ar-lein,

pan fo holiadur ar-lein yn cael ei lenwi gan berson ar ran person arall yn unol â’r Rholiadau hyn, i unrhyw eiriau, llythrennau neu atalnodi gael eu haddasu’n awtomatig i sicrhau bod y cyfarwyddiadau neu’r cwestiynau yn gwneud synnwyr yn ramadegol, gan gynnwys rhoi enw’r person y mae’r holiadur ar-lein yn cael ei lenwi ar ei ran yn lle’r geiriau ‘chi’ ac ‘eich’ yn awtomatig mewn unrhyw gwestiwn,

i ymatebion ynghylch y berthynas rhwng un person a’r personau eraill mewn aelwyd o bump neu ragor o bersonau gael eu defnyddio er mwyn casglu perthynas y personau eraill hynny â’i gilydd, gan gynnwys, at y diben hwn, y swyddogaeth i ofyn cwestiwn yn y canol, sef “A yw unrhyw un neu ragor o’r bobl hyn yn perthyn i chi?” neu amrywiadau trydydd person ar y cwestiwn hwnnw,

i destun gael ei arddangos sy’n cynnwys cyfarwyddiadau neu wybodaeth sy’n ymwneud â llenwi cwestiynau penodol, neu’n ymwneud yn gyffredinol â llenwi’r holiadur ar-lein,

i wybodaeth gael ei arddangos o ran pam y mae cwestiwn penodol yn bwysig,

i gwestiynau gael eu hateb mewn trefn wahanol,

i ystod o opsiynau ymateb rhagbenodedig gael eu cynnig mewn perthynas â chwestiwn,

i ymatebion sy’n cael eu teipio gael cymorth drwy destun rhagfynegol (pan fo’n briodol),

i lwybr gael ei bennu drwy’r holiadur ar-lein drwy ddefnyddio cwestiynau i bennu’r llwybr hwnnw,

i arwydd gael ei roi nad yw cwestiwn sy’n pennu’r llwybr wedi cael ei ateb,

y gofyniad bod cwestiwn sy’n pennu’r llwybr yn cael ei ateb cyn y caniateir i gwestiynau pellach gael eu hateb,

atal atebion sy’n anghyson â’i gilydd rhag cael eu dewis mewn ymateb i gwestiwn,

i awgrym gael ei arddangos pan fo’n briodol i annog adolygu’r ymateb,

i ymateb gael ei ddiwygio cyn iddo gael ei gyflwyno, a

i holiadur ar-lein sydd wedi ei lenwi’n rhannol gael ei arbed a’i barhau yn nes ymlaen.