Holiaduron i’w defnyddio wrth gynnal y cyfrifiad5

1

At ddibenion y cyfrifiad rhaid i’r Awdurdod sicrhau—

a

bod holiaduron ar-lein ar gael yn electronig ac yn ddwyieithog drwy godau mynediad unigryw ac yn cynnwys y cwestiynau a’r opsiynau ymateb a nodir (fel y bo’n briodol) yn Rhannau 1, 2 a 3 o Atodlen 2 a’r swyddogaethau a’r nodweddion a ddisgrifir yn Rhan 8 o Atodlen 2;

b

bod holiaduron papur dwyieithog yn cael eu llunio ar y ffurf a nodir (fel y bo’n briodol) yn Rhannau 4, 5, 6 a 7 o Atodlen 2.

2

Rhaid i bob holiadur i’w ddefnyddio yn y cyfrifiad gynnwys rhif adnabod holiadur.