Rheoliadau Marchnata Hadau a Deunyddiau Lluosogi Planhigion (Diwygio) (Cymru) (Ymadael â’r UE) 2020

Rheoliadau Marchnata Hadau a Deunyddiau Lluosogi Planhigion (Diwygio) (Cymru) (Ymadael â’r UE) 2019

4.—( 1) Mae Rheoliadau Marchnata Hadau a Deunyddiau Lluosogi Planhigion (Diwygio) (Cymru) (Ymadael â’r UE) 2019(1) wedi eu diwygio fel a ganlyn.

(2) Yn y testun Cymraeg, ailrifer rheoliadau 2 i 6 yn rheoliadau 1 i 5, ac mae’r paragraffau a ganlyn yn cyfeirio at y rheoliadau hynny fel y’u hailrifwyd.

(3) Yn rheoliad 4—

(a) yn lle paragraff (2) rhodder—

“(2) Yn rheoliad 3, yn lle paragraff (1) rhodder—

“(1) At ddibenion y Rheoliadau hyn—

(a) “Rhestr Amrywogaethau Prydain Fawr” yw’r rhestr o amrywogaethau planhigion a baratowyd ac a gyhoeddwyd gan yr Ysgrifennydd Gwladol yn unol â darpariaethau Rheoliadau Hadau (Rhestrau Cenedlaethol o Amrywogaethau) 2001(2);

(b) ystyr “gwlad y caniatawyd cywerthedd iddi” yw—

(i) gwlad y caniatawyd cywerthedd iddi o dan Benderfyniad y Cyngor 2003/17/EC ar gywerthedd archwiliadau maes a gynhelir mewn trydydd gwledydd ar gnydau sy’n cynhyrchu hadau ac ar gywerthedd hadau a gynhyrchir mewn trydydd gwledydd; neu

(ii) gwlad y mae Gweinidogion Cymru wedi asesu bod yr hadau o’r wlad honno yn cael eu cynhyrchu o dan amodau sy’n cyfateb i ofynion y Rheoliadau hyn o ran yr hadau y mae’r Rheoliadau hyn yn gymwys iddynt;

(c) ystyr “Tiriogaeth Ddibynnol y Goron” yw unrhyw un o Ynysoedd y Sianel neu Ynys Manaw;

(ch) ystyr “Rhestr Amrywogaethau Gogledd Iwerddon” yw’r rhestr o amrywogaethau planhigion a baratowyd ac a gyhoeddwyd gan yr Adran Amaethyddiaeth, Amgylchedd a Materion Gwledig yng Ngogledd Iwerddon yn unol â’r ddeddfwriaeth sy’n cyfateb o ran ei heffaith i Reoliadau Hadau (Rhestrau Cenedlaethol o Amrywogaethau) 2001.”;”

(b) yn lle paragraff (3) rhodder—

“(3) Yn rheoliad 4(2), yn lle “i’r Undeb Ewropeaidd” rhodder “i Brydain Fawr”.”;

(c) yn lle paragraff (4) rhodder—

“(4) Yn rheoliad 7, yn lle’r geiriau o “Rhestr Genedlaethol” hyd at y diwedd rhodder “Rhestr Amrywogaethau Prydain Fawr, Rhestr Amrywogaethau Gogledd Iwerddon neu restr gyfatebol mewn gwlad y caniatawyd cywerthedd iddi”.”;

(d) hepgorer paragraff (5);

(e) yn lle paragraff (6) rhodder —

“(6) Yn rheoliad 10, ym mharagraff (a), yn lle “Rhestr Genedlaethol y Deyrnas Unedig neu’r Catalog Cyffredin” rhodder “Rhestr Amrywogaethau Prydain Fawr”.”;

(f) ym mharagraff (9)—

(i) yn lle is-baragraff (a) rhodder—

“(a) yn y pennawd, yn lle “o’r tu allan i’r Undeb Ewropeaidd” rhodder “o wlad y caniatawyd cywerthedd iddi”;”;

(ii) ar ôl is-baragraff (a) mewnosoder—

“(aa) yn lle paragraff (1) rhodder—

“(1) Rhaid i hadau sy’n cael eu mewnforio o wlad y caniatawyd cywerthedd iddi—

(a) bod yn amrywogaeth a restrwyd yn Rhestr Amrywogaethau Prydain Fawr; a

(b) bod wedi eu labelu—

(i) o ran hadau llysiau safonol, â label cyflenwr yn unol â pharagraff 25(4) neu (5) o Atodlen 3;

(ii) o ran yr holl hadau eraill, â label a gymeradwywyd gan y Sefydliad ar gyfer Cydweithrediad a Datblygiad Economaidd ar gyfer ardystio amrywogaethau i reoli hadau sy’n symud yn y fasnach ryngwladol.”;”;

(iii) yn is-baragraff (b), yn lle “i’r Deyrnas Unedig” rhodder “o wlad y caniatawyd cywerthedd iddi”;

(iv) hepgorer is-baragraff (c);

(g) ym mharagraff (10)—

(i) yn y rheoliad 32A newydd a’i bennawd sydd i’w mewnosod gan y paragraff hwnnw, ar ôl “Tiriogaeth Ddibynnol y Goron” mewnosoder “neu wlad y caniatawyd cywerthedd iddi”;

(ii) yn y rheoliad 32B newydd a’i bennawd sydd i’w mewnosod gan y paragraff hwnnw—

(aa) yn lle “ar y diwrnod ymadael” rhodder “ar ddiwrnod cwblhau’r cyfnod gweithredu”, yn lle “cyn y diwrnod ymadael” rhodder “cyn diwrnod cwblhau’r cyfnod gweithredu” ac yn lle “y mae’r diwrnod ymadael” rhodder “y mae diwrnod cwblhau’r cyfnod gweithredu”;

(bb) yn lle “ddwy flynedd” rhodder “un flwyddyn”;

(h) ym mharagraff (11)—

(i) yn is-baragraff (a)(iii), yn yr is-baragraff (6)(b)(i)(bb) newydd sydd i’w fewnosod gan yr is-baragraff hwnnw, yn lle “United Kingdom National” rhodder “GB Variety”;

(ii) yn lle is-baragraff (e) rhodder—

“(e) ym mharagraff 43(2), yn lle “Restr Genedlaethol y Deyrnas Unedig neu’r Catalog Cyffredin” rhodder “Restr Amrywogaethau Prydain Fawr”;”;

(i) ym mharagraff (12)—

(i) yn is-baragraff (c)(i), yn lle “UK” rhodder “GB”;

(ii) yn lle is-baragraff (e) rhodder—

“(e) ym mharagraffau 12(2)(a) a 14(1)(a), yn lle “Restr Genedlaethol y Deyrnas Unedig neu’r Catalog Cyffredin” rhodder “Restr Amrywogaethau Prydain Fawr”;”;

(iii) yn is-baragraffau (g) a (j), yn lle “UK” rhodder “GB”;

(j) ym mharagraff (13)—

(i) yn is-baragraff (d)—

(aa) o flaen paragraff (i), mewnosoder—

“(ai) yn is-baragraffau (2) a (3), yn lle “Rhestr Genedlaethol y Deyrnas Unedig” rhodder “Rhestr Amrywogaethau Prydain Fawr”;”;

(bb) ym mharagraff (i), yn yr is-baragraff (5A) newydd sydd i’w fewnosod gan y paragraff hwnnw, yn lle “the United Kingdom”, ym mhob lle y mae’n digwydd, rhodder “Great Britain”;

(ii) yn is-baragraff (e)(ii), yn lle “UK” rhodder “GB”;

(iii) ar ôl is-baragraff (e) mewnosoder—

“(ea) ym mharagraff 9—

(i) yn is-baragraffau (1), (5) a (6), yn lle “Genedlaethol y Deyrnas Unedig” rhodder “Amrywogaethau Prydain Fawr”;

(ii) yn is-baragraff (8), yn y geiriau o flaen paragraff (a), yn lle “yn y Deyrnas Unedig” rhodder “ym Mhrydain Fawr”;”;

(iv) yn lle is-baragraff (f) rhodder—

“(f) ym mharagraff 10—

(i) yn is-baragraff (1), yn lle’r geiriau o “Rhestr Genedlaethol y Deyrnas Unedig” hyd at y diwedd rhodder “Rhestr Amrywogaethau Prydain Fawr ar yr amod bod cais wedi ei wneud i’w cofnodi yn Rhestr Amrywogaethau Prydain Fawr neu Restr Amrywogaethau Gogledd Iwerddon”;

(ii) yn is-baragraff (4), yn lle “yn y Rhestr Genedlaethol berthnasol” rhodder “yn Rhestr Amrywogaethau Prydain Fawr, Rhestr Amrywogaethau Gogledd Iwerddon neu restr gyfatebol gwlad y caniatawyd cywerthedd iddi”;

(iii) hepgorer is-baragraffau (7) ac (8);”;

(v) yn lle is-baragraff (g) rhodder—

“(g) ym mharagraff 11(2), yn lle “Rhestr Genedlaethol y Deyrnas Unedig neu’r Catalog Cyffredin” rhodder “Rhestr Amrywogaethau Prydain Fawr”;”;

(vi) yn is-baragraff (h)(ii)(bb), yn lle “y mae’r diwrnod ymadael” rhodder “y mae diwrnod cwblhau’r cyfnod gweithredu”;

(vii) yn lle is-baragraff (l) rhodder—

“(l) hepgorer paragraff 16;”;

(viii) yn lle is-baragraff (n) rhodder—

“(n) ym mharagraff 18, yn lle “Restr Genedlaethol y Deyrnas Unedig neu’r Catalog Cyffredin” rhodder “Restr Amrywogaethau Prydain Fawr”;”.

(4) Yn rheoliad 5—

(a) ym mharagraff (2)—

(i) yn is-baragraffau (a), (b), (c), (f), ac (i)—

(aa) yn yr is-baragraff (ii) newydd sydd i’w fewnosod gan bob un o’r is-baragraffau hynny, ar ôl “Tiriogaeth Ddibynnol y Goron” mewnosoder “neu wlad y caniatawyd cywerthedd iddi”;

(bb) hepgorer yr is-baragraff (iii) newydd sydd i’w fewnosod gan bob un o’r is-baragraffau hynny;

(ii) ar ôl is-baragraff (c) mewnosoder—

“(ca) yn y lle priodol mewnosoder—

“ystyr “gwlad y caniatawyd cywerthedd iddi” (“country granted equivalence”) yw gwlad sydd wedi ei hasesu o dan reoliad 5(3) ac y mae Gweinidogion Cymru wedi eu bodloni bod y deunyddiau planhigion o’r wlad yn cael eu cynhyrchu o dan amodau sy’n cyfateb i ofynion y Rheoliadau hyn o ran deunyddiau planhigion;”;”;

(iii) yn is-baragraff (g), yn lle “, unrhyw Aelod-wladwriaeth neu unrhyw Diriogaeth Ddibynnol y Goron” rhodder “, unrhyw Diriogaeth Ddibynnol y Goron neu unrhyw wlad y caniatawyd cywerthedd iddi”;

(b) yn lle paragraff (3) rhodder—

“(3) Yn rheoliad 4(3), yn lle “i’r Undeb Ewropeaidd” rhodder “i Brydain Fawr”.”;

(c) yn lle paragraff (4) rhodder—

“(4) Yn rheoliad 5, ym mharagraff (3), yn lle “Undeb Ewropeaidd” rhodder “Deyrnas Unedig”.”;

(d) hepgorer paragraffau (6), (7) ac (8);

(e) ym mharagraff (9)—

(i) yn is-baragraffau (a) ac (c)(i), yn lle “UK” rhodder “GB”;

(ii) yn is-baragraff (c)(ii), yn lle “is-baragraffau (b)(i) ac (x)” rhodder “is-baragraff (b)(i)”;

(f) ym mharagraffau (13)(a), (15)(a) ac (16), yn yr is-baragraff (ii) newydd sydd i’w fewnosod gan y paragraffau hynny, yn lle “y mae’r diwrnod ymadael” rhodder “y mae diwrnod cwblhau’r cyfnod gweithredu”.

(1)

O.S. 2019/368 (Cy. 90); a ddiwygiwyd yn rhagolygol gan O.S. 2019/1382 (Cy. 245), rheoliad 3: mae’r rheoliad hwnnw’n cael ei hepgor gan y Rheoliadau hyn.

(2)

O.S. 2001/3510, a ddiwygiwyd gan O.S.A. 2004/317, O.S. 2004/2949, O.S.A. 2005/328, 329, O.S. 2007/1871, 2009/1273, 2010/1195, 2011/464, 2012/2897, 2013/2042, 2014/487, O.S.A. 2015/395, O.S. 2016/106 (Cy. 52), 2018/942, 2020/579. Fe’i diwygir yn rhagolygol gan O.S. 2019/162.