xmlns:atom="http://www.w3.org/2005/Atom" xmlns:atom="http://www.w3.org/2005/Atom"

Offerynnau Statudol Cymru

2020 Rhif 1521 (Cy. 325)

Iechyd Y Cyhoedd, Cymru

Rheoliadau Diogelu Iechyd (Coronafeirws, Teithio Rhyngwladol a Gwybodaeth Iechyd y Cyhoedd i Deithwyr) (Cymru) (Diwygio) (Rhif 2) 2020

Gwnaed

am 2.04 p.m. ar 11 Rhagfyr 2020

Gosodwyd gerbron Senedd Cymru

am 6.00 p.m. ar 11 Rhagfyr 2020

Yn dod i rym

am 4.00 a.m. ar 12 Rhagfyr 2020

Mae Gweinidogion Cymru, drwy arfer y pwerau a roddir iddynt gan adrannau 45B a 45P(2) o Ddeddf Iechyd y Cyhoedd (Rheoli Clefydau) 1984(1), yn gwneud y Rheoliadau a ganlyn.

RHAN 1LL+CCyffredinol

Enwi, dod i rym a dehongliLL+C

1.—(1) Enw’r Rheoliadau hyn yw Rheoliadau Diogelu Iechyd (Coronafeirws, Teithio Rhyngwladol a Gwybodaeth Iechyd y Cyhoedd i Deithwyr) (Cymru) (Diwygio) (Rhif 2) 2020.

(2) Daw’r Rheoliadau hyn i rym am 4.00 a.m. ar 12 Rhagfyr 2020.

(3) Yn y Rheoliadau hyn—

ystyr “y Rheoliadau Gwybodaeth Iechyd y Cyhoedd” (“the Public Health Information Regulations”) yw Rheoliadau Diogelu Iechyd (Coronafeirws, Gwybodaeth Iechyd y Cyhoedd ar gyfer Personau sy’n Teithio i Gymru etc.) 2020(2);

ystyr “y Rheoliadau Teithio Rhyngwladol” (“the International Travel Regulations”) yw Rheoliadau Diogelu Iechyd (Coronafeirws, Teithio Rhyngwladol) (Cymru) 2020(3).

Gwybodaeth Cychwyn

I1Rhl. 1 mewn grym ar 12.12.2020 am 4.00 a.m., gweler rhl. 1(2)

RHAN 2LL+CDiwygiadau i’r rhestr o wledydd a thiriogaethau esempt y tu allan i’r ardal deithio gyffredin yn Atodlen 3 i’r Rheoliadau Teithio Rhyngwladol

Hepgor gwledydd o’r rhestr o wledydd a thiriogaethau esempt y tu allan i’r ardal deithio gyffredinLL+C

2.  Yn Rhan 1 o Atodlen 3 i’r Rheoliadau Teithio Rhyngwladol (gwledydd a thiriogaethau esempt y tu allan i’r ardal deithio gyffredin), hepgorer y cofnod a ganlyn—

“Yr Ynysoedd Dedwydd”.

Gwybodaeth Cychwyn

I2Rhl. 2 mewn grym ar 12.12.2020 am 4.00 a.m., gweler rhl. 1(2)

Darpariaeth drosiannol mewn cysylltiad â rheoliad 2LL+C

3.—(1) Mae paragraff (2) yn gymwys pan fo person (“P”)—

(a)yn cyrraedd Cymru am 4:00 a.m. ar 12 Rhagfyr 2020 neu wedi hynny, a

(b)wedi bod yn yr Ynysoedd Dedwydd ddiwethaf—

(i)o fewn y cyfnod o 10 niwrnod sy’n dod i ben â’r diwrnod y mae P yn cyrraedd Cymru, a

(ii)cyn 4.00 a.m. ar 12 Rhagfyr 2020.

(2) Mae P, yn rhinwedd y ffaith iddo fod yn yr Ynysoedd Dedwydd, i’w drin at ddibenion rheoliadau 7(1) ac 8(1) o’r Rheoliadau Teithio Rhyngwladol fel pe bai wedi cyrraedd Cymru o wlad neu diriogaeth nad yw’n esempt, neu fel pe bai wedi cyrraedd ar ôl bod mewn gwlad neu diriogaeth o’r fath.

Gwybodaeth Cychwyn

I3Rhl. 3 mewn grym ar 12.12.2020 am 4.00 a.m., gweler rhl. 1(2)

Ychwanegiadau at y rhestr o wledydd a thiriogaethau esempt y tu allan i’r ardal deithio gyffredinLL+C

4.  Yn Rhan 1 o Atodlen 3 i’r Rheoliadau Teithio Rhyngwladol (gwledydd a thiriogaethau esempt y tu allan i’r ardal deithio gyffredin), yn y lle priodol mewnosoder—

“Gweriniaeth Botswana”

“Teyrnas Saudi Arabia”.

Gwybodaeth Cychwyn

I4Rhl. 4 mewn grym ar 12.12.2020 am 4.00 a.m., gweler rhl. 1(2)

Darpariaeth drosiannol mewn cysylltiad â rheoliad 4LL+C

5.—(1) Mae paragraff (2) yn gymwys pan, yn union cyn 4.00 a.m. ar 12 Rhagfyr 2020—

(a)oedd person (“P”) yn ddarostyngedig i ofyniad i ynysu yn rhinwedd y ffaith iddo gyrraedd Cymru o wlad a restrir yn rheoliad 4, neu ar ôl bod mewn gwlad o’r fath, a

(b)diwrnod olaf ynysiad P yw 12 Rhagfyr 2020 neu ddiwrnod ar ôl y diwrnod hwnnw.

(2) Nid yw ychwanegu’r gwledydd a restrir yn rheoliad 4 at Ran 1 o Atodlen 3 i’r Rheoliadau Teithio Rhyngwladol yn effeithio ar y gofyniad i ynysu fel y mae’n gymwys i P, nac ar y modd y pennir diwrnod olaf ynysiad P o dan y Rheoliadau Teithio Rhyngwladol.

(3) Mae paragraff (4) yn gymwys pan fo person (“P”)—

(a)yn cyrraedd Cymru am 4.00 a.m. ar 12 Rhagfyr 2020 neu wedi hynny, a

(b)wedi bod mewn gwlad a restrir yn rheoliad 4 o fewn y cyfnod o 10 niwrnod sy’n dod i ben â’r diwrnod y mae P yn cyrraedd Cymru.

(4) At ddibenion rheoliadau 7(1) ac 8(1) o’r Rheoliadau Teithio Rhyngwladol, mae’r cwestiwn o ran a yw P wedi cyrraedd Cymru o wlad nad yw’n esempt neu ar ôl bod mewn gwlad o’r fath i’w bennu, mewn perthynas â gwlad a restrir yn rheoliad 4, drwy gyfeirio at ba un a oedd y wlad yn wlad nad oedd yn esempt pan oedd P yno ddiwethaf (ac nid drwy gyfeirio at statws y wlad pan fo P yn cyrraedd Cymru).

(5) Yn y rheoliad hwn, mae i “gofyniad i ynysu” yr ystyr a roddir gan reoliad 10(2) o’r Rheoliadau Teithio Rhyngwladol; ac mae cyfeiriadau at ddiwrnod olaf ynysiad P i’w dehongli yn unol â rheoliad 12 o’r Rheoliadau hynny.

Gwybodaeth Cychwyn

I5Rhl. 5 mewn grym ar 12.12.2020 am 4.00 a.m., gweler rhl. 1(2)

RHAN 3LL+CDiwygiadau i Ran 4 o’r Rheoliadau Teithio Rhyngwladol

Diwygiadau i Ran 4 (gorfodi a throseddau) o’r Rheoliadau Teithio RhyngwladolLL+C

6.—(1) Mae rheoliad 16 (hysbysiadau cosb benodedig) o’r Rheoliadau Teithio Rhyngwladol wedi ei diwygio fel a ganlyn.

(2) Ym mharagraff (6), yn lle “rhaid i’r swm a bennir o dan baragraff (5)(c) fod yn £1000” rhodder “mae’r swm a bennir o dan baragraff (5)(c) i fod fel a nodir ym mharagraff (6A)”.

(3) Ar ôl paragraff (6), mewnosoder—

“(6A) Mae’r swm a bennir yn gosb benodedig ym mharagraff (6) i fod—

(a)yn achos yr hysbysiad cosb benodedig cyntaf a geir, yn £500;

(b)yn achos yr ail hysbysiad cosb benodedig a geir, yn £1000;

(c)yn achos y trydydd hysbysiad cosb benodedig a geir, yn £2000;

(d)yn achos y pedwerydd hysbysiad cosb benodedig a geir, ac unrhyw hysbysiad cosb benodedig a geir wedi hynny, yn £4000.”

Gwybodaeth Cychwyn

I6Rhl. 6 mewn grym ar 12.12.2020 am 4.00 a.m., gweler rhl. 1(2)

RHAN 4LL+CDiwygio’r Rheoliadau Gwybodaeth Iechyd y Cyhoedd

Diwygio rheoliad 6 (troseddau) o’r Rheoliadau Gwybodaeth Iechyd y CyhoeddLL+C

7.  Yn rheoliad 6(2) ar ôl “yn” mewnosoder “rheoliad 3(1) neu (3) neu”.

Gwybodaeth Cychwyn

I7Rhl. 7 mewn grym ar 12.12.2020 am 4.00 a.m., gweler rhl. 1(2)

Diwygio rheoliad 7 (hysbysiadau cosb benodedig) o’r Rheoliadau Gwybodaeth Iechyd y CyhoeddLL+C

8.  Yn lle rheoliad 7(5) rhodder—

“(5) Mae swm y gosb benodedig a bennir o dan baragraff 4(c) i fod—

(a)yn achos yr hysbysiad cosb benodedig cyntaf a geir, yn £1000;

(b)yn achos yr ail hysbysiad cosb benodedig a geir, yn £2000;

(c)yn achos y trydydd hysbysiad cosb benodedig a geir, yn £4000;

(d)yn achos y pedwerydd hysbysiad cosb benodedig a geir, ac unrhyw hysbysiad cosb benodedig a geir wedi hynny, yn £10,000.”

Gwybodaeth Cychwyn

I8Rhl. 8 mewn grym ar 12.12.2020 am 4.00 a.m., gweler rhl. 1(2)

Diwygio’r Atodlen i’r Rheoliadau Gwybodaeth Iechyd y CyhoeddLL+C

9.—(1) Yn Rhan 1 o’r Atodlen, yn lle “14 o ddiwrnodau” rhodder “10 niwrnod”.

(2) Yn Rhan 2 o’r Atodlen, yn lle “14 o ddiwrnodau” rhodder “10 niwrnod”.

Gwybodaeth Cychwyn

I9Rhl. 9 mewn grym ar 12.12.2020 am 4.00 a.m., gweler rhl. 1(2)

Vaughan Gething

Y Gweinidog Iechyd a Gwasanaethau Cymdeithasol, un o Weinidogion Cymru

Am 2.04 p.m. ar 11 Rhagfyr 2020

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn diwygio Rheoliadau Diogelu Iechyd (Coronafeirws, Teithio Rhyngwladol) (Cymru) 2020 (O.S. 2020/574 (Cy. 132)) (y “Rheoliadau Teithio Rhyngwladol”) a Rheoliadau Diogelu Iechyd (Coronafeirws, Gwybodaeth Iechyd y Cyhoedd ar gyfer Personau sy’n Teithio i Gymru etc.) 2020 (O.S. 2020/595 (Cy. 136)) (“y Rheoliadau Gwybodaeth Iechyd y Cyhoedd”). Diwygiwyd y Rheoliadau Teithio Rhyngwladol yn flaenorol gan:

Diwygiwyd y Rheoliadau Gwybodaeth Iechyd y Cyhoedd yn flaenorol gan:

Mae’r Rheoliadau Teithio Rhyngwladol yn gosod gofynion ar bersonau sy’n dod i Gymru ar ôl bod dramor. Maent yn cynnwys gofyniad i bersonau sy’n cyrraedd Cymru ynysu am gyfnod i’w bennu yn unol â’r Rheoliadau hynny.

Mae gofynion y Rheoliadau Teithio Rhyngwladol yn ddarostyngedig i eithriadau, ac mae categorïau penodol o bersonau wedi eu hesemptio rhag gorfod cydymffurfio. Mae’r Rheoliadau Teithio Rhyngwladol hefyd yn rhoi pwerau i bersonau penodedig mewn amgylchiadau penodedig i ddyroddi hysbysiadau cosb benodedig mewn perthynas â throseddau a gyflawnir o dan y rheoliadau, gan gynnwys mewn perthynas â throseddau o fethu â chydymffurfio â’r gofynion i ynysu.

Nid yw’n ofynnol i bersonau sy’n dod i Gymru ynysu ar ôl bod mewn un neu ragor o’r gwledydd a’r tiriogaethau (neu rannau o wledydd a thiriogaethau) a restrir yn Atodlen 3 i’r Rheoliadau Teithio Rhyngwladol. Cyfeirir at y gwledydd a’r tiriogaethau a’r rhannau o wledydd a thiriogaethau a restrir yn Atodlen 3 fel “gwledydd a thiriogaethau esempt”.

Mae Rhan 2 o’r Rheoliadau hyn yn diwygio’r rhestr o wledydd a thiriogaethau esempt. Mae rheoliad 2 yn diwygio’r Rheoliadau Teithio Rhyngwladol er mwyn hepgor y cofnod ar gyfer yr Ynysoedd Dedwydd o’r rhestr o wledydd a thiriogaethau esempt. Mae rheoliad 4 yn diwygio’r Rheoliadau Teithio Rhyngwladol er mwyn ychwanegu Botswana a Saudi Arabia at y rhestr o wledydd a thiriogaethau esempt.

Mae rheoliadau 3 a 5 o’r Rheoliadau hyn yn gwneud darpariaeth drosiannol mewn cysylltiad â’r newid yn statws y gwledydd a’r tiriogaethau hyn. Mae’r ddarpariaeth drosiannol yn ymdrin â maes a all fod yn destun amheuaeth o ran effaith y diwygiadau a wneir gan reoliadau 2 a 4 o’r Rheoliadau hyn ar weithredu’r Rheoliadau Teithio Rhyngwladol.

Mae Rhan 3 o’r Rheoliadau hyn yn diwygio swm yr hysbysiad cosb benodedig y caniateir ei ddyroddi o dan reoliad 16(6) o’r Rheoliadau Teithio Rhyngwladol. Mae rheoliad 6 o’r Rheoliadau hyn yn rhoi graddfa symudol sy’n dechrau ar £500 ar gyfer trosedd gyntaf yn lle’r swm penodedig o £1000.

Mae’r Rheoliadau Gwybodaeth y Cyhoedd yn ei gwneud yn ofynnol i weithredwyr gwasanaethau masnachol i deithwyr sy’n cyrraedd Cymru ar lestr neu awyren ddarparu gwybodaeth benodol i deithwyr sy’n defnyddio’r gwasanaethau hynny. Mae’r wybodaeth yn ymwneud â mesurau sy’n cael eu cymryd yn y Deyrnas Unedig mewn ymateb i’r coronafeirws, gan gynnwys mesurau sy’n ofynnol gan y Rheoliadau Teithio Rhyngwladol.

Mae Rhan 4 o’r Rheoliadau hyn yn diwygio’r Rheoliadau Gwybodaeth Iechyd y Cyhoedd. Mae rheoliadau 7 a 9 o’r Rheoliadau hyn yn gwneud diwygiadau canlyniadol o ganlyniad i’r diwygiadau a wnaed gan Reoliadau Diogelu Iechyd (Coronafeirws, Teithio Rhyngwladol a Chyfyngiadau) (Diwygio) (Rhif 3) (Cymru) 2020 (O.S. 2020/1477) (Cy. 316)) i’r Rheoliadau Teithio Rhyngwladol er mwyn lleihau’r cyfnod y mae’n rhaid i berson ynysu o 14 o ddiwrnodau i 10 niwrnod.

Mae rheoliad 8 o’r Rheoliadau hyn yn diwygio swm yr hysbysiad cosb benodedig y caniateir ei ddyroddi o dan reoliad 7(1) o’r Rheoliadau Gwybodaeth Iechyd y Cyhoedd. Mae rheoliad 7 o’r Rheoliadau hyn yn rhoi graddfa symudol sy’n dechrau ar £1000 am drosedd gyntaf yn lle’r swm penodedig o £4000.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ni luniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.

(1)

1984 p. 22. Mewnosodwyd Rhan 2A gan adran 129 o Ddeddf Iechyd a Gofal Cymdeithasol 2008 (p. 14). Mae’r swyddogaeth o wneud rheoliadau o dan Ran 2A wedi ei rhoi i “the appropriate Minister”. O dan adran 45T(6) o Ddeddf 1984 y Gweinidog priodol, o ran Cymru, yw Gweinidogion Cymru.