Rheoliadau Anifeiliaid a Chynhyrchion Anifeiliaid (Archwilio am Weddillion a Therfynau Gweddillion Uchaf) (Cymru) 2019
RHAN 1Rhagarweiniol
1Enwi, cymhwyso a chychwyn
2Dehongli
RHAN 2Gwaharddiadau ac Eithriadau
3Gwahardd gwerthu sylweddau rhestr A a rhestr B
4Gwahardd meddu ar feta-agonistiaid
5Gwahardd rhoi beta-agonistiaid neu sylweddau hormonaidd
6Gwahardd rhoi sylweddau neu gynhyrchion didrwydded i anifeiliaid
7Gwahardd rhoi sylweddau Tabl 2
8Gwahardd meddu ar anifeiliaid neu eu cigydda a gwahardd prosesu
9Gwahardd gwerthu anifeiliaid
10Gwahardd gwerthu cynhyrchion anifeiliaid
11Gwahardd gwaredu anifail neu lwyth o anifeiliaid a gigyddwyd
12Eithriad i’r gwaharddiad ar gigydda
RHAN 3Samplu a Dadansoddi
13Caffael samplau
14Dadansoddiad sylfaenol samplau swyddogol
15Canlyniadau dadansoddiad sylfaenol
16Dadansoddiad cyfeirio
17Hysbysu dadansoddydd
18Dulliau dadansoddi
19Tystysgrifau dadansoddiadau
20Arolygu anifeiliaid
21Archwilio anifail neu lwyth o anifeiliaid
22Hysbysiad pan gwblheir archwiliad
RHAN 4Troseddau a Chosbi
23Troseddau, cosbi a gorfodi
24Troseddau corfforaethol
25Amddiffyniadau ac eithriadau
26Cynhyrchion sy’n cydymffurfio â’r gofynion
27Eithriad i’r gwaharddiad ar roi testosteron a phrogesteron
28Eithriad i’r gwaharddiad ar roi alyl trenbolon a beta-agonistiaid
29Eithriad i’r gwaharddiad ar roi cynhyrchion sydd ag effaith estrogenaidd, androgenaidd neu gestagenaidd
RHAN 5Amrywiol
30Cyfrifoldebau proseswyr
31Diffyg amddiffyniad
32Cadw cofnodion a’u dal
33Cymhwyso ac addasu darpariaethau Deddf Diogelwch Bwyd 1990
34Dirymiadau
YR ATODLENDirymiadau

2019 Rhif 569 (Cy. 125)

Bwyd, Cymru

Rheoliadau Anifeiliaid a Chynhyrchion Anifeiliaid (Archwilio am Weddillion a Therfynau Gweddillion Uchaf) (Cymru) 2019

Gwnaed

Gosodwyd gerbron Cynulliad Cenedlaethol Cymru

Coming into force

Mae Gweinidogion Cymru wedi eu dynodi at ddibenion adran 2(2) o Ddeddf y Cymunedau Ewropeaidd 19721 (“Deddf 1972”) mewn perthynas â mesurau yn y meysydd milfeddygol a ffytoiechydol ar gyfer diogelu iechyd y cyhoedd2 ac mewn perthynas â pholisi amaethyddol cyffredin yr Undeb Ewropeaidd3.

Mae Gweinidogion Cymru yn gwneud y Rheoliadau a ganlyn drwy arfer y pwerau a roddir gan adran 2(2) o Ddeddf 1972, a pharagraff 1A o Atodlen 24 iddi, a chan adrannau 16(1)(a), (b) ac (f) a (3), 17(1) a (2), 26(1) a 48(1) o Ddeddf Diogelwch Bwyd 19905, a pharagraff 7 o Atodlen 1 iddi.

Mae Gweinidogion Cymru wedi cynnal yr ymgynghoriad sy’n ofynnol gan Erthygl 9 o Reoliad (EC) Rhif 178/2002 Senedd Ewrop a’r Cyngor sy’n gosod egwyddorion cyffredinol a gofynion cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd6.

Mae’r Rheoliadau hyn yn gwneud darpariaeth at ddiben a grybwyllir yn adran 2(2) o Ddeddf 1972 ac mae’n ymddangos i Weinidogion Cymru ei bod yn hwylus i unrhyw gyfeiriad yn y Rheoliadau hyn at ddarpariaethau yn offerynnau’r UE gael ei ddehongli fel cyfeiriad at y darpariaethau hynny fel y’u diwygir o bryd i’w gilydd.