Gorchymyn Ardaloedd Rheoli Mwg (Dosbarthau Esempt ar Leoedd Tân) (Cymru) 2019 No. 51 (Cy. 16)

Offerynnau Statudol Cymru

2019 Rhif 51 (Cy. 16)

Aer Glân, Cymru

Gorchymyn Ardaloedd Rheoli Mwg (Dosbarthau Esempt ar Leoedd Tân) (Cymru) 2019

Gwnaed

15 Ionawr2019

Gosodwyd gerbron Cynulliad Cenedlaethol Cymru

16 Ionawr 2019

Yn dod i rym

6 Chwefror 2019

Mae Gweinidogion Cymru yn gwneud y Gorchymyn a ganlyn drwy arfer y pwerau a roddir gan adran 21(5) o Ddeddf Aer Glân 1993(1).

Mae Gweinidogion Cymru wedi eu bodloni y gellir defnyddio’r lleoedd tân a esemptir gan y Gorchymyn hwn i losgi tanwydd nad yw’n danwydd awdurdodedig heb gynhyrchu unrhyw fwg neu faint sylweddol o fwg.

(1)

1993 p. 11. Trosglwyddwyd swyddogaeth yr Ysgrifennydd Gwladol o dan adran 21(5), i’r graddau y mae’n arferadwy o ran Cymru, i Gynulliad Cenedlaethol Cymru yn rhinwedd erthygl 2 o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac Atodlen 1 iddo. Mae’r swyddogaeth honno yn arferadwy bellach gan Weinidogion Cymru yn rhinwedd adran 162 o Ddeddf Llywodraeth Cymru 2006 (p. 32) a pharagraff 30 o Atodlen 11 iddi.