2018 Rhif 650 (Cy. 122)

Anifeiliaid, Cymru

Iechyd Anifeiliaid

Rheoliadau Iechyd Anifeiliaid (Ffioedd Amrywiol) (Cymru) 2018

Gwnaed22 Mai 2018

Gosodwyd gerbron Cynulliad Cenedlaethol Cymru30 Mai 2018

Yn dod i rym30 Mehefin 2018

Mae Gweinidogion Cymru wedi eu dynodi1 at y dibenion o wneud Rheoliadau o dan adran 2(2) o Ddeddf y Cymunedau Ewropeaidd 19722 (“Deddf 1972”) mewn perthynas â pholisi amaethyddol cyffredin yr Undeb Ewropeaidd.

Mae’r Rheoliadau hyn yn gwneud darpariaeth at ddiben a grybwyllir yn adran 2(2) o Ddeddf 1972, ac mae’n ymddangos i Weinidogion Cymru ei bod yn hwylus i ddehongli cyfeiriadau at offerynnau’r UE yn y Rheoliadau hyn fel cyfeiriadau at yr offerynnau hynny fel y’u diwygir o bryd i’w gilydd.

Mae Gweinidogion Cymru yn gwneud y Rheoliadau hyn drwy arfer y pwerau a roddir gan—

(a)

adran 2(2) o Ddeddf 1972, a pharagraff 1A o Atodlen 2 iddi3;

(b)

adran 56(1) a (2) o Ddeddf Cyllid 19734 ac a freiniwyd bellach ynddynt hwy5; ac

(c)

adran 10(1) a (3)(c) o Ddeddf Iechyd a Lles Anifeiliaid 19846.

Yn unol ag adran 56(1) o Ddeddf Cyllid 1973, mae’r Trysorlys yn cydsynio i’r Rheoliadau hyn gael eu gwneud.

Enwi, cymhwyso a chychwyn1.

Enw’r Rheoliadau hyn yw Rheoliadau Iechyd Anifeiliaid (Ffioedd Amrywiol) (Cymru) 2018. Maent yn gymwys o ran Cymru, a deuant i rym ar 30 Mehefin 2018.

Dehongli2.

Yn y Rheoliadau hyn—

F1ystyr “cynllun iechyd dofednod” (“poultry health scheme”) yw’r cynllun a sefydlwyd gan yr Ysgrifennydd Gwladol sy’n llywodraethu allforio neu symud adar neu wyau deor i’r UE, Gogledd Iwerddon neu wledydd penodedig nad ydynt yn yr UE, a gyhoeddwyd ar 22 Gorffennaf 2021;

ystyr “llwyth” (“consignment”) yw nifer o anifeiliaid o’r un rhywogaeth, sydd wedi eu cynnwys o dan yr un dystysgrif filfeddygol neu ddogfen filfeddygol;

ystyr “milfeddyg” (“veterinary surgeon”) yw person a gofrestrir yn y gofrestr o filfeddygon a gedwir o dan adran 2 o Ddeddf Milfeddygon 19668;

ystyr “Rheoliadau 1964” (“the 1964 Regulations”) yw Rheoliadau Ffrwythloni Moch yn Artiffisial (Cymru a Lloegr) 19649;

ystyr “Rheoliadau 1992” (“the 1992 Regulations”) yw Rheoliadau Ffrwythloni Moch yn Artiffisial (EEC) 199210;

ystyr “Rheoliadau 1995” (“the 1995 Regulations”) yw Rheoliadau Embryonau Buchol (Casglu, Cynhyrchu a Throsglwyddo) 199511;

ystyr “Rheoliadau 2008” (“the 2008 Regulations”) yw Rheoliadau Semen Buchol (Cymru) 200812;

ystyr “Rheoliadau 2011” (“the 2011 Regulations”) yw Rheoliadau’r Fasnach mewn Anifeiliaid a Chynhyrchion Perthynol (Cymru) 201113;

mae i F2“safle rheoli ar y ffin” (“border control post”) yr ystyr a roddir gan reoliad 11 o Reoliadau 2011;

ystyr “swyddog milfeddygol” (“veterinary officer”) yw milfeddyg a gyflogir fel y cyfryw gan Weinidogion Cymru; ac

F3ystyr “trydedd wlad” (“third country”) yw gwlad neu diriogaeth heblaw Ynysoedd Prydain;

F4Y ffi sy’n daladwy pan fo gweithgaredd yn cael ei gyflawni dros gyfnod pan fo ffioedd gwahanol yn gymwys2A.

Os cyflawnir unrhyw weithgaredd y mae ffi yn daladwy ar ei gyfer o dan y Rheoliadau hyn dros gyfnod pan fo ffioedd gwahanol yn gymwys, y ffi sy’n daladwy mewn perthynas â’r gweithgaredd hwnnw yw—

(a)

pan fo’r gweithgaredd yn cael ei gyflawni fel rhan o gais, y ffi sy’n gymwys ar y dyddiad y daw’r cais i law;

(b)

fel arall, y ffi sy’n gymwys ar y dyddiad y dechreuir y gweithgaredd.

Ad-dalu ffioedd3.

Os caiff unrhyw gais y mae ffi yn daladwy amdano o dan y Rheoliadau hyn ei dynnu’n ôl cyn penderfynu’r cais, rhaid i Weinidogion Cymru ad-dalu i’r ceisydd y gyfran honno o unrhyw ffi a dalwyd mewn cysylltiad â’r cais hwnnw sy’n rhesymol ym marn Gweinidogion Cymru, o ystyried unrhyw gostau rhesymol yr aed iddynt gan Weinidogion Cymru mewn cysylltiad â’r cais.

Y rhaglenni F5... rheoli salmonela (milheintiau): ffioedd4.

(1)

Mae Atodlen 1 yn nodi’r ffioedd sy’n daladwy am weithgareddau a gynhelir gan Weinidogion Cymru mewn perthynas â rheoli Salmonela yn unol â’r rhaglen reoli F6... berthnasol a sefydlwyd gan Reoliad (EC) Rhif 2160/2003 Senedd Ewrop a’r Cyngor, neu oddi tano, ar reoli salmonela a chyfryngau milheintiol penodedig eraill a gludir mewn bwyd14.

(2)

Yn Atodlen 1—

(a)

mae’r ffioedd sy’n daladwy gan y person sydd â gofal dros ddaliad dofednod am y gweithgareddau a bennir yng ngholofn 1 o Dabl 1 wedi eu pennu yn y cofnodion cyfatebol yng ngholofn 2 F7neu golofn 3 o’r Tabl hwnnw;

(b)

mae’r ffioedd sy’n daladwy gan weithredwr labordy am y gweithgareddau a bennir yng ngholofn 1 o Dabl 2 wedi eu pennu yn y cofnodion cyfatebol yng ngholofn 2 F8neu golofn 3 o’r Tabl hwnnw; ac

(c)

mae’r ffioedd sy’n daladwy gan y person sydd â gofal dros heidiau dofednod am y gweithgareddau a bennir yng ngholofn 1 o Dabl 3 wedi eu pennu yn y cofnodion cyfatebol yng ngholofn 2 F9neu golofn 3 o’r Tabl hwnnw.

(3)

Mae i’r geiriau a’r ymadroddion a ddefnyddir yn Atodlen 1 yr un ystyr ag yn Rheoliad (EC) Rhif 2160/2003.

Y cynllun iechyd dofednod:ffioedd5.

(1)

Mae Atodlen 2 yn nodi’r ffioedd sy’n daladwy am weithgareddau a gynhelir gan Weinidogion Cymru mewn perthynas â’r cynllun iechyd dofednod15.

(2)

Yn Atodlen 2—

(a)

mae’r ffioedd sy’n daladwy gan geiswyr am y gweithgareddau cymeradwyo a chofrestru a bennir yng ngholofn 1 o Dabl 1 wedi eu pennu yn y cofnodion cyfatebol yng ngholofn 2 F10neu golofn 3 o’r Tabl hwnnw; a

(b)

mae’r ffioedd sy’n daladwy gan weithredwr labordy am y gweithgareddau a bennir yng ngholofn 1 o Dabl 2 wedi eu pennu yn y cofnodion cyfatebol yng ngholofn 2 o’r Tabl hwnnw.

Semen buchol:ffioedd6.

(1)

Mae Rheoliadau 2008 wedi eu diwygio yn unol â pharagraff (2).

(2)

Yn lle rheoliad 41 rhodder—

“41.
Mae’r ffioedd sy’n daladwy i Weinidogion Cymru fel y darperir gan reoliad 6(3) o Reoliadau Iechyd Anifeiliaid (Ffioedd Amrywiol) (Cymru) 2018.”

(3)

Mae Atodlen 3 yn nodi’r ffioedd sy’n daladwy am weithgareddau a gynhelir gan Weinidogion Cymru o dan Reoliadau 2008; ac yn unol â hynny mae’r ffioedd sy’n daladwy gan geiswyr a gweithredwyr am y gweithgareddau a bennir yng ngholofn 1 o’r Tabl wedi eu pennu yn y cofnodion cyfatebol yng ngholofn 2 F11neu golofn 3 o’r Tabl hwnnw.

(4)

Mae i’r geiriau a’r ymadroddion a ddefnyddir yn Atodlen 3 yr un ystyr ag yn Rheoliadau 2008.

Semen moch:ffioedd7.

(1)

Mae Atodlen 4 yn nodi’r ffioedd sy’n daladwy i Weinidogion Cymru mewn cysylltiad â dyroddi trwyddedau neu gymeradwyaethau o dan Reoliadau 1964 neu Reoliadau 1992, a phrofion ac archwiliadau a gynhelir o dan y Rheoliadau hynny.

(2)

Yn Atodlen 4 mae’r ffioedd sy’n daladwy gan y ceisydd am drwydded neu gymeradwyaeth ar gyfer y gweithgareddau a bennir yng ngholofn 1 o’r Tabl, neu gan ddeiliad trwydded neu gymeradwyaeth o’r fath, wedi eu pennu yn y cofnodion cyfatebol yng ngholofn 2 F12neu golofn 3 o’r Tabl hwnnw.

(3)

Yn Atodlen 4 ystyr “canolfan ffrwythloni artiffisial” yw mangre—

(a)

y mae trwydded mewn grym mewn cysylltiad â hi o dan reoliad 4(1) o Reoliadau 1964, neu

(b)

sydd wedi ei chymeradwyo o dan reoliad 2(2) neu (3) o Reoliadau 1992.

Embryonau buchol (casglu, cynhyrchu a throsglwyddo):ffioedd8.

(1)

Mae Atodlen 5 yn nodi’r ffioedd sy’n daladwy i Weinidogion Cymru am weithgareddau mewn perthynas â chais am gymeradwyaeth neu ddeiliad cymeradwyaeth o dan Reoliadau 1995.

(2)

Yn Atodlen 5, mae’r ffioedd sy’n daladwy gan geiswyr am gymeradwyaeth o dan Reoliadau 1995 am y gweithgareddau a bennir yng ngholofn 1 o’r Tabl, neu gan ddeiliaid cymeradwyaeth o’r fath, wedi eu pennu yn y cofnodion cyfatebol yng ngholofn 2 F13neu golofn 3 o’r Tabl hwnnw.

(3)

Mae i’r geiriau a’r ymadroddion a ddefnyddir yn Atodlen 5 yr un ystyr ag yn Rheoliadau 1995.

Gwirio llwythi o anifeiliaid byw mewn F14safleoedd rheoli ar y ffin: ffioedd9.

(1)

Mae Atodlen 6 yn nodi’r ffioedd sy’n daladwy pan gynhelir arolygiadau mewn F15safleoedd rheoli ar y ffin o lwythi o anifeiliaid byw o drydedd wlad yn unol â rheoliad 15 o Reoliadau 2011.

(2)

Yn Atodlen 6—

(a)

mae’r ffioedd sy’n daladwy mewn cysylltiad ag arolygu llwyth o anifeiliaid byw a bennir yng ngholofn 1 o Dabl 1 wedi eu pennu yn y cofnod cyfatebol yng ngholofn 2 o’r Tabl hwnnw;

(b)

mae’r ffioedd sy’n daladwy mewn cysylltiad ag arolygiadau a gynhelir yn ystod cyfnod a bennir yng ngholofn 1 o Dabl 2 wedi eu pennu yn y cofnod cyfatebol yng ngholofn 2 o’r Tabl hwnnw, ac maent yn daladwy yn ychwanegol at unrhyw ffioedd sy’n daladwy yn rhinwedd is-baragraff (a);

(c)

mae’r ffioedd sy’n daladwy mewn cysylltiad â gwiriadau ychwanegol oherwydd peidio â chydymffurfio neu fesurau rheoli ychwanegol gan berson a bennir yng ngholofn 1 o Dabl 3 wedi eu pennu yn y cofnod cyfatebol yng ngholofn 2 o’r Tabl hwnnw, ac maent yn daladwy yn ychwanegol at unrhyw ffioedd sy’n daladwy yn rhinwedd is-baragraff (a).

Dirymu10.

Mae Rheoliadau Iechyd Anifeiliaid (Ffioedd Amrywiol) (Cymru) 201316 wedi eu dirymu, ac eithrio rheoliadau 1, 4 a 7(1) i (3).

Lesley Griffiths

Ysgrifennydd y Cabinet dros Ynni, Cynllunio a Materion Gwledig, un o Weinidogion Cymru

22 Mai 2018

ATODLEN 1Y rhaglenni F16... rheoli salmonela (milheintiau): Ffioedd

Rheoliad 4

Tabl 1Ffioedd sy’n daladwy gan y person sydd â gofal dros ddaliad ieir neu dyrcwn, y mae sampl swyddogol wedi ei chymryd ohono, ei phrosesu a’i harchwilio at ddibenion Rheoliad (EC) Rhif 2160/2003

Colofn 1 Gweithgaredd	F17Colofn 2 Ffi (£) ar 5 Gorffennaf 2023 neu ar ôl hynny ond cyn 1 Gorffennaf 2024	F18Colofn 3 Ffi (£) ar 1 Gorffennaf 2024 neu ar ôl hynny
Amser a dreuliwyd yn cael sampl reoli swyddogol i’w harchwilio mewn labordy (y “ffi amser” yn y Tabl hwn) (yn ogystal â’r ffioedd a bennir isod oni phennir fel arall yng ngholofn 2)	12 am bob chwarter awr neu ran o chwarter awr a dreuliwyd	12 am bob chwarter awr neu ran o chwarter awr a dreuliwyd
Amser a dreuliwyd yn teithio i fangre ac o fangre at ddibenion y gweithgareddau isod	12 am bob chwarter awr neu ran o chwarter awr a dreuliwyd, hyd at uchafswm o 72	12 am bob chwarter awr neu ran o chwarter awr a dreuliwyd, hyd at uchafswm o 72
Cymryd sampl reoli swyddogol o haid o ieir dodwy	41	49
Cymryd sampl rheoli swyddogol o haid o ieir neu dyrcwn bridio	68	83
Cymryd sampl reoli swyddogol o haid o ieir bwyta (brwyliaid) neu haid o dyrcwn pesgi	95	117
Archwilio sampl reoli swyddogol mewn labordy	18 am bob sampl a brofwyd (nid yw’r ffi amser yn gymwys)	21 am bob sampl a brofwyd (nid yw’r ffi amser yn gymwys)

F19Tabl 2Ffioedd sy’n daladwy gan weithredwr labordy mewn perthynas â chymeradwyaeth o dan Erthygl 12 o Reoliad (EC) Rhif 2160/2003

Colofn 1	Colofn 2	Colofn 3
Gweithgaredd	Ffi (£) ar 5 Gorffennaf 2023 neu ar ôl hynny ond cyn 1 Gorffennaf 2024	Ffi (£) ar 1 Gorffennaf 2024 neu ar ôl hynny
Prosesu cais am gymeradwyaeth gychwynnol i labordy, neu am adnewyddiad dwyflynyddol o gymeradwyaeth labordy	86	86
Cynnal arolygiadau ar gyfer gwaith sicrhau ansawdd	688 am bob ymweliad	1,025 am bob ymweliad
Cynnal profion cydweithredol ar gyfer Salmonela fel sy’n ofynnol i gael cymeradwyaeth fel labordy profi, a chadw’r gymeradwyaeth honno	44 am bob prawf	44 am bob prawf

Tabl 3Ffioedd sy’n daladwy gan y person sydd â gofal dros heidiau dofednod am brofion a gynhelir o dan y protocol samplu ym mhwynt 4(b) o Ran D o Atodiad II i Reoliad (EC) Rhif 2160/2003

Colofn 1 Gweithgaredd	F20Colofn 2 Ffi (£) ar 5 Gorffennaf 2023 neu ar ôl hynny ond cyn 1 Gorffennaf 2024	F21Colofn 3 Ffi (£) ar 1 Gorffennaf 2024 neu ar ôl hynny
Cynnal profion ar saith o samplau llwch a charthion a gymerir o bob haid	123	146
Samplu a chynnal profion bacteriolegol ar gaeca ac wyffosydd 300 o adar o bob haid	3,203	3,936
Samplu a chynnal profion bacteriolegol ar blisgyn a chynnwys 4,000 o wyau o bob haid	3,517	3,954

Colofn 1

Gweithgaredd

F20Colofn 2

Ffi (£) ar 5 Gorffennaf 2023 neu ar ôl hynny ond cyn 1 Gorffennaf 2024

F21Colofn 3

Ffi (£) ar 1 Gorffennaf 2024 neu ar ôl hynny

Cynnal profion ar saith o samplau llwch a charthion a gymerir o bob haid

123

146

Samplu a chynnal profion bacteriolegol ar gaeca ac wyffosydd 300 o adar o bob haid

3,203

3,936

Samplu a chynnal profion bacteriolegol ar blisgyn a chynnwys 4,000 o wyau o bob haid

3,517

3,954

ATODLEN 2Y cynllun iechyd dofednod: Ffioedd

Rheoliad 5

Tabl 1Ffioedd am gofrestru a chymeradwyo sefydliad at ddibenion y cynllun iechyd dofednod

Colofn 1 Gweithgaredd	F22Colofn 2 Ffi (£) ar 5 Gorffennaf 2023 neu ar ôl hynny ond cyn 1 Gorffennaf 2024	F23Colofn 3 Ffi (£) ar 1 Gorffennaf 2024 neu ar ôl hynny
Amser a dreuliwyd gan swyddog milfeddygol yn cyflawni’r gweithgareddau yn y Tabl hwn (y “ffi amser” yn y Tabl hwn) (yn ogystal â’r ffioedd a restrir isod, oni phennir fel arall yng ngholofn 2)	22 am bob chwarter awr neu ran o chwarter awr a dreuliwyd	22 am bob chwarter awr neu ran o chwarter awr a dreuliwyd
Amser a dreuliwyd gan swyddog milfeddygol yn teithio i fangre ac o fangre aelod o’r cynllun iechyd dofednod (“aelod o’r cynllun” yn y Tabl hwn) at ddibenion y gweithgareddau isod	22 am bob chwarter awr neu ran o chwarter awr a dreuliwyd, hyd at uchafswm o 132	22 am bob chwarter awr neu ran o chwarter awr a dreuliwyd, hyd at uchafswm o 132
Cofrestriad blynyddol fel aelod o gynllun	82 (nid yw’r ffi amser yn gymwys)	108 (nid yw’r ffi amser yn gymwys)
Cymeradwyaeth blwyddyn gyntaf ar gyfer haid neu ddeorfa aelod o’r cynllun, neu gyfuniad o haid a deorfa aelod o’r cynllun ar un safle, pan gynhelir yr arolygiad gan swyddog milfeddygol	49	71
Ailgymeradwyo blynyddol ar gyfer haid neu ddeorfa aelod o’r cynllun, neu gyfuniad o haid a deorfa aelod o’r cynllun ar un safle, pan gynhelir yr arolygiad gan swyddog milfeddygol	62	67
Ailgymeradwyo safleoedd ychwanegol pan fo aelod o’r cynllun yn gwneud cais ar yr un pryd ar gyfer safleoedd lluosog, ac y cynhelir yr arolygiad gan swyddog milfeddygol	35	39
Ailgymeradwyo blynyddol ar gyfer haid neu ddeorfa aelod o’r cynllun, neu gyfuniad o haid a deorfa aelod o’r cynllun ar un safle, pan gynhelir yr arolygiad gan filfeddyg nad yw’n swyddog milfeddygol	61 (nid yw’r ffi amser yn gymwys)	67 (nid yw’r ffi amser yn gymwys)
Ailgymeradwyo safleoedd ychwanegol pan fo aelod o’r cynllun yn gwneud cais ar yr un pryd ar gyfer safleoedd lluosog, ac y cynhelir yr arolygiad gan filfeddyg nad yw’n swyddog milfeddygol	34 (nid yw’r ffi amser yn gymwys)	39 (nid yw’r ffi amser yn gymwys)

Tabl 2Ffioedd sy’n daladwy gan weithredwr labordy mewn perthynas â chymeradwyo at ddiben y cynllun iechyd dofednod

Colofn 1 Gweithgaredd	F24Colofn 2 Ffi (£) ar 5 Gorffennaf 2023 neu ar ôl hynny
Prosesu cais am gymeradwyaeth gychwynnol ar gyfer labordy, neu am adnewyddiad dwyflynyddol o gymeradwyaeth labordy	86
Prawf hyfedredd mewn cysylltiad â bacterioleg Salmonela (pullorum, gallinarum ac arizonae)	158 am bob prawf
Prawf hyfedredd mewn cysylltiad â seroleg Salmonela (pullorum, gallinarum)	310 am bob prawf
Prawf hyfedredd mewn cysylltiad â seroleg Mycoplasma mewn ieir (gallisepticum)	310 am bob prawf
Prawf hyfedredd mewn cysylltiad â meithriniad Mycoplasma (gallisepticum a meleagridis)	280 am bob prawf
Prawf hyfedredd mewn cysylltiad â seroleg Mycoplasma mewn tyrcwn (gallisepticum a meleagridis)	310 am bob prawf

ATODLEN 3Semen buchol: Ffioedd

Rheoliad 6

Ffioedd sy’n daladwy gan geiswyr a gweithredwyr o dan Reoliadau 2008

Colofn 1 Gweithgaredd	F25Colofn 2 Ffi (£) ar 5 Gorffennaf 2023 neu ar ôl hynny ond cyn 1 Gorffennaf 2024	F26Ffi (£) ar 1 Gorffennaf 2024 neu ar ôl hynny Colofn 3
Amser a dreuliwyd gan swyddog milfeddygol yn cyflawni’r gweithgareddau yn y Tabl hwn (yn ogystal â phob un o’r ffioedd a restrir isod)	22 am bob chwarter awr neu ran o chwarter awr a dreuliwyd	22 am bob chwarter awr neu ran o chwarter awr a dreuliwyd
Amser a dreuliwyd gan swyddog milfeddygol yn teithio i fangre ac o fangre at ddibenion y gweithgareddau isod	22 am bob chwarter awr neu ran o chwarter awr a dreuliwyd, hyd at uchafswm o 132	22 am bob chwarter awr neu ran o chwarter awr a dreuliwyd, hyd at uchafswm o 132
Ystyried cais i gymeradwyo anifail buchol o dan reoliadau 7 neu 10 o Reoliadau 2008 i’w ddefnyddio mewn canolfan gasglu ddomestig neu mewn mangre sydd heb ei thrwyddedu	27	33
Ystyried cais o dan reoliad 7 o Reoliadau 2008 i gymeradwyo anifail buchol i’w ddefnyddio mewn F27canolfan gasglu drwyddedig	35	44
Ystyried cais am drwydded i weithredu F28canolfan gwarantin drwyddedig o dan reoliad 4 o Reoliadau 2008	39	48
Ystyried cais am drwydded i weithredu F29canolfan gasglu drwyddedig neu ddomestig, F30neu ganolfan storio drwyddedig neu ddomestig o dan reoliad 4 o Reoliadau 2008	37	46
Cynnal archwiliad o ganolfan semen buchol o dan reoliad 40 o Reoliadau 2008	23	28
Cynnal archwiliad rheolaidd o anifail buchol cymeradwy F31at ddefnydd domestig neu at ddefnydd masnachu ag Aelod-wladwriaeth o dan reoliad 33 o Reoliadau 2008	31	38

ATODLEN 4Semen moch: Ffioedd

Rheoliad 7

Ffioedd sy’n daladwy o dan Reoliadau 1964 a Rheoliadau 1992

Colofn 1 Gweithgaredd	F32Colofn 2 Ffi (£) ar 5 Gorffennaf 2023 neu ar ôl hynny ond cyn 1 Gorffennaf 2024	F33Colofn 3 Ffi (£) ar 1 Gorffennaf 2024 neu ar ôl hynny
Amser a dreuliwyd gan swyddog milfeddygol yn cyflawni’r gweithgareddau yn y Tabl hwn (yn ogystal â phob un o’r ffioedd a restrir isod)	22 am bob chwarter awr neu ran o chwarter awr a dreuliwyd	22 am bob chwarter awr neu ran o chwarter awr a dreuliwyd
Amser a dreuliwyd gan swyddog milfeddygol yn teithio i fangre ac o fangre at ddibenion y gweithgareddau isod	22 am bob chwarter awr neu ran o chwarter awr a dreuliwyd, hyd at uchafswm o 132	22 am bob chwarter awr neu ran o chwarter awr a dreuliwyd, hyd at uchafswm o 132
Cais i gymeradwyo baedd i ddarparu semen at ddibenion ffrwythloni artiffisial
Ystyried cais i gymeradwyo baedd o dan reoliad 2(1) o Reoliadau 1964 at y diben o gasglu semen	42 am bob baedd	53 am bob baedd
Profi baedd yn rheolaidd
Profi baedd yn rheolaidd mewn canolfan ffrwythloni artiffisial	31 am bob baedd	38 am bob baedd
Gweithredu canolfan ffrwythloni artiffisial
Ystyried cais oddi wrth weithredwr am drwydded neu gymeradwyaeth ar gyfer canolfan ffrwythloni artiffisial	37	46
Ystyried cais i gymeradwyo newid mewn mangre drwyddedig neu fangre gymeradwy (yn unol ag amodau sydd ynghlwm â’r drwydded neu gymeradwyaeth)	34	42
Archwiliad rheolaidd o ganolfan ffrwythloni artiffisial	23	28

ATODLEN 5Embryonau buchol (casglu, cynhyrchu a throsglwyddo): Ffioedd

Rheoliad 8

Ffioedd sy’n daladwy o dan Reoliadau 1995

Colofn 1 Gweithgaredd	F34Colofn 2 Ffi (£) ar 5 Gorffennaf 2023 neu ar ôl hynny ond cyn 1 Gorffennaf 2024	F35Colofn 3 Ffi (£) ar 1 Gorffennaf 2024 neu ar ôl hynny
Amser a dreuliwyd gan swyddog milfeddygol wrth gyflawni’r gweithgareddau a restrir yn y Tabl hwn (yn ogystal â phob un o’r ffioedd a restrir isod)	22 am bob chwarter awr neu ran o chwarter awr a dreuliwyd	22 am bob chwarter awr neu ran o chwarter awr a dreuliwyd
Amser a dreuliwyd gan swyddog milfeddygol yn teithio i fangre ac o fangre at ddibenion y gweithgareddau isod	22 am bob chwarter awr neu ran o chwarter awr a dreuliwyd, hyd at uchafswm o 132	22 am bob chwarter awr neu ran o chwarter awr a dreuliwyd, hyd at uchafswm o 132
Ystyried cais i gymeradwyo neu ailgymeradwyo: tîm trosglwyddo embryonau buchol F36o dan reoliad 4 o Reoliadau 1995; F37... storfa o dan reoliad 16 o Reoliadau 1995; storfa, a goruchwylydd y storfa honno, o dan reoliadau 16 a 19 o Reoliadau 1995; neu un tîm casglu neu gynhyrchu embryonau buchol (gan gynnwys arolygu labordy neu beidio) F38o dan reoliad 6 neu 7 o Reoliadau 1995	38	47
Ystyried cais gan yr un ceisydd i gymeradwyo pob labordy neu storfa ychwanegol pan gaiff yr arolygiad ei gwblhau ar yr un diwrnod	13	16
Ystyried cais i ailgymeradwyo labordy neu storfa yn dilyn unrhyw newidiadau	34	42
Cynnal arolygiad rheolaidd o gofnodion un tîm cynhyrchu, casglu neu drosglwyddo embryonau buchol ac ailarolygu un labordy neu storfa	23	28
Cynnal arolygiad rheolaidd o gofnodion pob tîm cynhyrchu, casglu neu drosglwyddo embryonau buchol ychwanegol, ac ailarolygu pob labordy neu storfa ychwanegol	6 am bob tîm ychwanegol a phob labordy neu storfa ychwanegol	7 am bob tîm ychwanegol a phob labordy neu storfa ychwanegol

ATODLEN 6Gwirio llwythi o anifeiliaid byw o drydydd gwledydd mewn F39safleoedd rheoli ar y ffin: Ffioedd

Rheoliad 9

Tabl 1Ffioedd am arolygu llwythi o anifeiliaid o drydydd gwledydd a gwirio dogfennau mewnforio mewn F40safleoedd rheoli ar y ffin yn unol â rheoliad 15 o Reoliadau 2011

Colofn 1 F41Arolygu math o anifail a gwirio dogfennau	Colofn 2 Ffioedd (£) am bob llwyth ar 5 Gorffennaf 2023 neu ar ôl hynny
Dofednod ac adar hela bach	53
Dofednod – mewnforion wyau rheolaidd	53
Ratidau	53
Adar caeth	61
Pysgod byw, anifeiliaid dyfrol ac amffibiaid	48
Gwenyn	40
Cwningod a chnofilod	44
Pryfed eraill ac infertebratau	40
Ymlusgiaid	48
Anifeiliaid anwes heb ddatganiad	63
Equidae	79
Da byw a ffermir, gan gynnwys gwartheg, defaid, geifr, camelidau, moch a baeddod gwyllt	190
Anifeiliaid nas cynhwysir mewn unrhyw gategori arall	50
Gwirio dogfennau ar gyfer trawslwytho	79

Tabl 2Ffioedd ychwanegol ar gyfer arolygiadau penodol

Colofn 1 Y cyfnod pryd y cynhaliwyd yr arolygiad	F42Colofn 2 Ffi (£) ar 5 Gorffennaf 2023 neu ar ôl hynny
Arolygiad y tu allan i oriau(1)	261 am bob llwyth (1)
Arolygiad yn ystod penwythnos neu ŵyl gyhoeddus(3)	346 am bob llwyth (1)
Amser a dreuliwyd gan swyddog milfeddygol yn teithio i fangre ac o fangre	16 am bob chwarter awr neu ran o chwarter awr a dreuliwyd, hyd at uchafswm o 96 am bob ymweliad

Colofn 1

Y cyfnod pryd y cynhaliwyd yr arolygiad

F42Colofn 2

Ffi (£) ar 5 Gorffennaf 2023 neu ar ôl hynny

Arolygiad y tu allan i oriau(1)

261 am bob llwyth (1)

Arolygiad yn ystod penwythnos neu ŵyl gyhoeddus(3)

346 am bob llwyth (1)

Amser a dreuliwyd gan swyddog milfeddygol yn teithio i fangre ac o fangre

16 am bob chwarter awr neu ran o chwarter awr a dreuliwyd, hyd at uchafswm o 96 am bob ymweliad

(1)

ystyr “y tu allan i oriau” yw cyn 8.30 a.m. neu ar ôl 5 p.m. ar ddiwrnod gwaith.

(3)

ystyr “gŵyl gyhoeddus” yw Dydd Nadolig, Dydd Gwener y Groglith neu ddiwrnod sy’n ŵyl banc yng Nghymru o dan Ddeddf Bancio a Thrafodion Ariannol 197117.

Tabl 3Ffioedd ar gyfer gwiriadau ychwanegol oherwydd achosion o beidio â chydymffurfio neu fesurau rheoli ychwanegol

Colofn 1 Y personau sy’n ymgymryd â’r gwiriad ychwanegol	F43Colofn 2 Ffi am bob chwarter awr neu ran o chwarter awr a dreuliwyd ar 5 Gorffennaf 2023 neu ar ôl hynny
Swyddog milfeddygol – gwiriadau y tu allan i oriau(1)	21
Swyddog milfeddygol – gwiriadau ar benwythnosau neu wyliau cyhoeddus(2)	28
Swyddog milfeddygol – gwiriadau ar bob adeg arall	14
Amser a dreuliwyd gan swyddog milfeddygol yn teithio i fangre ac o fangre	16, hyd at uchafswm o 96 am bob ymweliad

(1)

ystyr “y tu allan i oriau” yw cyn 8.30 a.m. neu ar ôl 5 p.m. ar ddiwrnod gwaith.

(2)

ystyr “gŵyl gyhoeddus” yw Dydd Nadolig, Dydd Gwener y Groglith neu ddiwrnod sy’n ŵyl banc yng Nghymru o dan Ddeddf Bancio a Thrafodion Ariannol1971.

NODYN ESBONIADOL

(Nid ywʼr nodyn hwn yn rhan oʼr Rheoliadau)

Mae’r Rheoliadau hyn yn nodi’r ffioedd sy’n daladwy i Weinidogion Cymru ym maes iechyd anifeiliaid, gan ddisodli’r ffioedd presennol yn Rheoliadau Iechyd Anifeiliaid (Ffioedd Amrywiol) (Cymru) 2013 (O.S. 2013/1241 (Cy. 133)). Cesglir y ffioedd gan yr Asiantaeth Iechyd Anifeiliaid a Phlanhigion (APHA) ar ran Gweinidogion Cymru. Mae’r Rheoliadau hyn yn gymwys o ran Cymru.

Mae’r ffioedd yn rheoliad 4 ac Atodlen 1 yn daladwy mewn perthynas â gweithgareddau sy’n ofynnol o dan Reoliad (EC) Rhif 2160/2003 Senedd Ewrop a’r Cyngor ar reoli salmonela a chyfryngau milheintiol penodedig eraill a gludir mewn bwyd (OJ Rhif L 325, 12.12.2003, t. 1) ac yn unol â Rhaglenni Cenedlaethol Rheoli Salmonela ar gyfer dofednod.

Mae’r ffioedd yn rheoliad 5 ac Atodlen 2 yn daladwy mewn perthynas â chymeradwyaethau at ddiben y cynllun iechyd dofednod a sefydlwyd o dan Gyfarwyddeb y Cyngor 2009/158/EC ar amodau iechyd anifeiliaid, sy’n llywodraethu’r fasnach mewn dofednod ac wyau deor o fewn y Gymuned, a mewnforion dofednod ac wyau deor o drydydd gwledydd (OJ Rhif L 343, 22.12.2009, t. 74) a Rheoliadau’r Fasnach mewn Anifeiliaid a Chynhyrchion Perthynol (Cymru) 2011 (O.S. 2011/2379 (Cy. 252)).

Mae’r ffioedd yn rheoliad 6 ac Atodlen 3 yn daladwy mewn perthynas â chymeradwyaethau at y diben o gael semen buchol yn unol â Rheoliadau Semen Buchol (Cymru) 2008 (O.S. 2008/1040 (Cy. 110)), a ddiwygir gan reoliad 6.

Mae’r ffioedd yn rheoliad 7 ac Atodlen 4 yn daladwy mewn perthynas â chymeradwyaethau at y diben o gael semen moch yn unol â Rheoliadau Ffrwythloni Moch yn Artiffisial (Cymru a Lloegr) 1964 (O.S. 1964/1172) a Rheoliadau Ffrwythloni Moch yn Artiffisial (EEC) 1992 (O.S. 1992/3161).

Mae’r ffioedd yn rheoliad 8 ac Atodlen 5 yn daladwy mewn perthynas â chymeradwyaethau at y diben o gasglu, cynhyrchu a throsglwyddo embryonau buchol, yn unol â Rheoliadau Embryonau Buchol (Casglu, Cynhyrchu a Throsglwyddo) 1995 (O.S. 1995/2478).

Mae’r ffioedd yn rheoliad 9 ac Atodlen 6 yn daladwy mewn perthynas ag arolygu llwythi o anifeiliaid byw mewn arolygfeydd ffin, yn unol â Rheoliadau’r Fasnach mewn Anifeiliaid a Chynhyrchion Perthynol (Cymru) 2011.

Mae rheoliad 10 yn dirymu’r darpariaethau ffioedd presennol yn Rheoliadau Iechyd Anifeiliaid (Ffioedd Amrywiol) (Cymru) 2013.

Mae lefelau’r ffioedd y darperir ar eu cyfer yn yr offeryn hwn yn cynrychioli costau llawn adennill ffioedd, ac mae rhai o’r ffioedd yn gynnydd ar y ffioedd presennol.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd Asesiad Effaith Rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth: Llywodraeth Cymru, Parc Cathays, Caerdydd, CF10 3NQ.