RHAN 5GORFODI A THROSEDDAU
Troseddau: trwyddedau (carcasau buchol)29
1
Os ymgymerir â dosbarthu carcas buchol mewn lladd-dy cymeradwy—
a
heb drwydded a ganiatawyd o dan reoliad 8, neu
b
gan dorri unrhyw un neu ragor o amodau neu delerau trwydded o’r fath,
mae’r person sy’n ymgymryd â’r dosbarthu a gweithredwr y lladd-dy hwnnw ill dau’n euog o drosedd.
2
Os ymgymerir â dosbarthu carcas buchol mewn lladd-dy cymeradwy drwy ddefnyddio offer graddio awtomataidd—
a
heb drwydded a ganiatawyd o dan reoliad 9 i ddefnyddio’r offer hwnnw yn y lladd-dy hwnnw, neu
b
gan dorri unrhyw un neu ragor o amodau neu delerau trwydded o’r fath,
mae’r person sy’n ymgymryd â’r dosbarthu hwnnw a gweithredwr y lladd-dy hwnnw ill dau’n euog o drosedd.
3
Mae unrhyw berson sy’n gwneud newid mewn trwydded a ganiatawyd o dan reoliad 8 neu 9 yn euog o drosedd.