http://www.legislation.gov.uk/wsi/2017/491/made/welshRheoliadau Trefniadau Partneriaeth (Cymru) (Diwygio) 2017cyKing's Printer of Acts of Parliament2019-11-20GOFAL CYMDEITHASOL, CYMRUY GWASANAETH IECHYD GWLADOL, CYMRUMae adran 166 o Ddeddf Gwasanaethau Cymdeithasol a Llesiant (Cymru) 2014 (“Deddf 2014”) yn galluogi Gweinidogion Cymru i wneud rheoliadau sy’n ei gwneud yn ofynnol i drefniadau partneriaeth gael eu gwneud gan gyfuniadau o awdurdodau lleol a Byrddau Iechyd Lleol.Welsh Statutory Instruments2017 Rhif 491 (Cy. 103)Gofal Cymdeithasol, CymruY Gwasanaeth Iechyd Gwladol, CymruRheoliadau Trefniadau Partneriaeth (Cymru) (Diwygio) 2017Made28 Mawrth 2017Coming into force1 Ebrill 2017

Mae Gweinidogion Cymru yn gwneud y Rheoliadau a ganlyn drwy arfer y pwerau a roddir gan adrannau 166(2)(b) a 167(3) o Ddeddf Gwasanaethau Cymdeithasol a Llesiant (Cymru) 2014

2014 dccc 4.

.

Gosodwyd drafft o’r Rheoliadau hyn gerbron Cynulliad Cenedlaethol Cymru o dan adran 196(6) o’r Ddeddf honno ac fe’i cymeradwywyd ganddo drwy benderfyniad.

Enwi, cychwyn, cymhwyso a dehongli1.(1)

Enw’r Rheoliadau hyn yw Rheoliadau Trefniadau Partneriaeth (Cymru) (Diwygio) 2017.

(2)

Daw’r Rheoliadau hyn i rym ar 1 Ebrill 2017 ac maent yn gymwys o ran Cymru.

(3)

Yn y Rheoliadau hyn ystyr “y prif Reoliadau” (“the principal Regulations”) yw Rheoliadau Trefniadau Partneriaeth (Cymru) 2015

O.S. 2015/1989 (Cy. 299).

.

Diwygio’r prif Reoliadau2.(1)

Mae’r prif Reoliadau wedi eu diwygio fel a ganlyn.

(2)

Yn rheoliad 19—

(a)

hepgorer paragraff (1)(c);

(b)

ar ôl paragraff (1) mewnosoder—(1A)

Os yw unrhyw un neu ragor o’r cyrff partneriaeth yn penderfynu gwneud pethau ar y cyd mewn ymateb i’r asesiad a gynhelir o dan adran 14 o’r Ddeddf, rhaid iddynt ystyried a yw’n briodol sefydlu a chynnal cronfa gyfun.

(3)

Yn Atodlen 1, Tabl 2 (swyddogaethau Byrddau Iechyd Lleol) ar y diwedd mewnosoder—

Adran 14A o Ddeddf Gwasanaethau Cymdeithasol a Llesiant (Cymru) 2014

Mewnosodwyd adran 14A gan Ddeddf Llesiant Cenedlaethau’r Dyfodol (Cymru) 2015 (dccc 2), Atodlen 4, paragraff 34.

(cynlluniau yn dilyn asesiadau o anghenion o dan adran 14)

.

(4)

Yn Atodlen 2 (swyddogaethau cymorth i deuluoedd), yn Nhabl 1 (swyddogaethau awdurdodau lleol mewn perthynas â phlant), ar ôl yr eitem ar gyfer “Rhannau 3 a 4 o’r Ddeddf”—

(a)

yn y golofn gyntaf (y swyddogaeth) mewnosoder—

Rhan 6 o’r Ddeddf (plant sy’n derbyn gofal a phlant sy’n cael eu lletya)

; a

(b)

yn yr ail golofn (rhychwant) mewnosoder—

I’r graddau y maent yn ymwneud â diwallu anghenion am ofal a chymorth plant sy’n derbyn gofal gan awdurdod lleol a darparu cyngor a chymorth i bobl ifanc o dan y Rhan honno.

Rebecca EvansGweinidog Iechyd y Cyhoedd a Gwasanaethau Cymdeithasol o dan awdurdod Ysgrifennydd y Cabinet dros Iechyd, Llesiant a Chwaraeon, un o Weinidogion Cymru28 Mawrth 2017NODYN ESBONIADOL(Nid yw’r nodyn hwn yn rhan o’r Rheoliadau)

Mae adran 166 o Ddeddf Gwasanaethau Cymdeithasol a Llesiant (Cymru) 2014 (“Deddf 2014”) yn galluogi Gweinidogion Cymru i wneud rheoliadau sy’n ei gwneud yn ofynnol i drefniadau partneriaeth gael eu gwneud gan gyfuniadau o awdurdodau lleol a Byrddau Iechyd Lleol.

Gwnaed Rheoliadau Trefniadau Partneriaeth (Cymru) 2015 (“y prif Reoliadau”) o dan y pwerau yn adran 166 a daethant i rym ar 6 Ebrill 2016. Mae’r prif Reoliadau yn ei gwneud yn ofynnol i drefniadau partneriaeth gael eu gwneud gan awdurdodau lleol a Byrddau Iechyd Lleol penodedig o dan gyfarwyddyd Byrddau Partneriaeth Rhanbarthol. Mae’r prif Reoliadau hefyd yn pennu’r swyddogaethau awdurdodau lleol a Byrddau Iechyd Lleol sydd i gael eu cyflawni gan y trefniadau partneriaeth.

Mae’r Rheoliadau hyn yn diwygio’r prif Reoliadau er mwyn ychwanegu’r swyddogaethau o dan adran 14A o Ddeddf 2014 at y rhestr o swyddogaethau Byrddau Iechyd Lleol a bennir i gael eu cyflawni gan y trefniadau partneriaeth.

Mae’r Rheoliadau hefyd yn diwygio rheoliad 19 o’r prif Reoliadau (sefydlu a chynnal cronfeydd cyfun) drwy hepgor rheoliad 19(1)(c) ac ychwanegu rheoliad newydd 19(1A) sy’n ei gwneud yn ofynnol i gyrff partneriaeth ystyried a yw’n briodol sefydlu a chynnal cronfa gyfun os ydynt yn penderfynu gwneud pethau ar y cyd mewn ymateb i asesiad o dan adran 14 o Ddeddf 2014 (a adwaenir fel asesiad poblogaeth).

Maent hefyd yn diwygio Atodlen 2 i’r prif Reoliadau (sy’n pennu swyddogaethau cymorth i deuluoedd timau integredig cymorth i deuluoedd) er mwyn mewnosod cyfeiriad at swyddogaethau o dan Ran 6 o Ddeddf 2014, i’r graddau y maent yn ymwneud â diwallu anghenion am ofal a chymorth plant sy’n derbyn gofal gan awdurdod lleol a darparu cyngor a chymorth i bobl ifanc sy’n gadael gofal. Mae’r diwygiad hwn yn cywiro hepgoriad o Atodlen 2.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth: Yr Adran Iechyd a Gwasanaethau Cymdeithasol, Llywodraeth Cymru, Parc Cathays, Caerdydd, CF10 3NQ.