Offerynnau Statudol Cymru
2017 Rhif 26 (Cy. 10)
Rhenti A Rhent-daliadau, Cymru
Rheoliadau Rhent-daliadau (Pris Adbrynu) (Cymru) 2017
Gwnaed
16 Ionawr 2017
Gosodwyd gerbron Cynulliad Cenedlaethol Cymru
19 Ionawr 2017
Yn dod i rym
10 Chwefror 2017
Enwi a chychwyn
1. Enw’r Rheoliadau hyn yw Rheoliadau Rhent-daliadau (Pris Adbrynu) (Cymru) 2017, a deuant i rym ar 10 Chwefror 2017.
2. Pris Adbrynu
3.—(1) At ddibenion—
(a)adran 9 o Ddeddf Rhent-daliadau 1977(3), a
(b)adran 9 o Ddeddf Rhent-daliadau 1977 fel y’i cymhwysir gan adran 20(1) o Ddeddf Landlord a Thenant 1927(4),
cyfrifir y pris adbrynu mewn perthynas â thir yng Nghymru drwy gymhwyso’r fformiwla a ganlyn—
(2) At ddibenion y fformiwla ym mharagraff (1)—
P = y pris adbrynu;
R = swm blynyddol y Rhent-dal (neu, yn ôl y digwydd, y rhent y mae adran 20(1) o Ddeddf Landlord a Thenant 1927 yn berthnasol iddo) i’w adbrynu (mewn punnoedd sterling);
Y = cyfradd aeddfedu, wedi ei mynegi fel ffracsiwn degol, cyfradd log “dros 30 ond nid dros 30.5 mlynedd” y Gronfa Benthyciadau Cenedlaethol; ac
n = y cyfnod, wedi ei fynegi mewn blynyddoedd (gan dalgrynnu unrhyw ran o flwyddyn i flwyddyn gyfan), y byddai’r rhent-dal (neu, yn ôl y digwydd, y rhent y mae adran 20(1) o Ddeddf Landlord a Thenant 1927 yn berthnasol iddo) yn parhau’n daladwy pe na fyddai’n cael ei adbrynu.
(3) Ym mharagraff (2), y gyfradd aeddfedu yw’r gyfradd log sydd wedi ei chyhoeddi ar ddiwedd y diwrnod busnes ar ddiwrnod masnachu olaf yr wythnos cyn yr wythnos y cyflwynir y cyfarwyddiadau i adbrynu o dan adran 9(4) o Ddeddf Rhent-daliadau 1977.
Carl Sargeant
Ysgrifennydd y Cabinet dros Gymunedau a Phlant, un o Weinidogion Cymru
16 Ionawr 2017
NODYN ESBONIADOL
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn rhagnodi’r fformiwla i’w defnyddio wrth gyfrifo pris adbrynu rhent-daliadau a rhenti eraill yng Nghymru.
Mae’r fformiwla yn defnyddio cyfradd log “dros 30 ond nid dros 30.5 mlynedd” gyhoeddedig y Gronfa Benthyciadau Cenedlaethol (mae hyn yn darparu gwerth yr “Y” yn y fformiwla ragnodedig). Cyhoeddir cyfraddau llog y Gronfa Benthyciadau Cenedlaethol ar wefan Swyddfa Rheoli Dyledion y DU ar www.dmo.gov.uk. Cyhoeddir y cyfraddau llog fel cyfraddau canrannol ac mae angen eu trosi i ffracsiynau degol (eu rhannu â 100) cyn bod modd eu defnyddio yn y fformiwla ragnodedig.
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.
1977 p. 30; amnewidiwyd adran 10(1) gan adran 137(1) a (3) o Ddeddf Tai a Chynllunio 2016 (p. 22).
Trosglwyddwyd swyddogaethau’r Ysgrifennydd Gwladol, i’r graddau y maent yn arferadwy o ran Cymru, i Gynulliad Cenedlaethol Cymru gan erthygl 2(a) o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672), ac Atodlen 1 iddi. Trosglwyddwyd y swyddogaethau wedi hynny i Weinidogion Cymru yn rhinwedd adran 162 o Ddeddf Llywodraeth Cymru 2006 (p. 32), a pharagraff 30 o Atodlen 11 iddi.
Diwygiwyd adran 9(4)(a) gan adran 137(1) a (2) o Ddeddf Tai a Chynllunio 2016.
1927 p. 36; diwygiwyd adran 20 gan adran 17(1) o Ddeddf Rhent-daliadau 1977, a pharagraff 3 o Atodlen 1 iddi; adran 143 o Ddeddf Tai 1980 (p. 51); ac O.S. 1955/554, 1965/143, 1967/156 a 1970/1681. Yn rhinwedd erthygl 2(a) o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac Atodlen 1 iddo, trosglwyddwyd swyddogaethau’r Ysgrifennydd Gwladol o dan adran 20 o Ddeddf Landlord a Thenant 1927, i’r graddau y maent yn arferadwy o ran Cymru, i Gynulliad Cenedlaethol Cymru. Trosglwyddwyd y swyddogaethau hynny wedi hynny i Weinidogion Cymru yn rhinwedd adran 162 o Ddeddf Llywodraeth Cymru 2006, a pharagraff 30 o Atodlen 11 iddi.