Rheoliadau Adeiladu (Diwygio) (Cymru) 2017

Enwi, cymhwyso a chychwyn

1.—( 1) Enw’r Rheoliadau hyn yw Rheoliadau Adeiladu (Diwygio) (Cymru) 2017.

(2) Daw’r Rheoliadau hyn i rym ar y dyddiadau a ganlyn—

(a) y rheoliad hwn, rheoliad 2(1), 2(3)(a), 2(3)(b)(i) a 2(3)(b)(iii) ar 15 Ionawr 2018;

(b) rheoliad 2(3)(b)(ii) ar 28 Chwefror 2018;

(c) rheoliadau 2(2) a 3 ar 1 Ebrill 2018.

(3) Mae’r Rheoliadau hyn yn gymwys o ran Cymru ond nid ydynt yn gymwys mewn perthynas ag adeiladau ynni a eithrir yng Nghymru.

(4) Yn y rheoliad hwn mae i “adeilad ynni a eithrir” yr ystyr a roddir i “excepted energy building” gan yr Atodlen i Orchymyn Gweinidogion Cymru (Trosglwyddo Swyddogaethau) (Rhif 2) 2009(1).

(1)

O.S. 2009/3019. Trosglwyddodd y Gorchymyn swyddogaethau penodol a roddwyd i’r Ysgrifennydd Gwladol gan Ddeddf Adeiladu 1984, neu oddi tani, i Weinidogion Cymru, i’r graddau yr oeddent yn arferadwy o ran Cymru. Roedd erthygl 3(a) o’r Gorchymyn yn darparu nad oedd swyddogaethau wedi eu trosglwyddo i’r graddau yr oeddent yn arferadwy mewn perthynas ag adeilad ynni a eithrir fel y’i diffinnir gan yr Atodlen i’r Gorchymyn.