Rheoliadau Adeiladu (Diwygio) (Cymru) 2017

Gwnaed12 Rhagfyr 2017

Gosodwyd gerbron Cynulliad Cenedlaethol Cymru15 Rhagfyr 2017

Coming into force in accordance with regulation 1(2)

Mae Gweinidogion Cymru, drwy arfer y pwerau a roddir i’r Ysgrifennydd Gwladol gan adrannau 1 a 34 o Ddeddf Adeiladu 19841, a pharagraffau 2, 4, 4A, 7, 8 a 10 o Atodlen 1 iddi, sydd bellach yn arferadwy ganddynt hwy2, ar ôl ymgynghori â Phwyllgor Cynghori Cymru ar Reoliadau Adeiladu a’r cyrff eraill hynny yr ymddengys iddynt eu bod yn cynrychioli’r buddiannau o dan sylw yn unol ag adran 14(7) o’r Ddeddf honno3, yn gwneud y Rheoliadau a ganlyn.

Enwi, cymhwyso a chychwyn1

1

Enw’r Rheoliadau hyn yw Rheoliadau Adeiladu (Diwygio) (Cymru) 2017.

2

Daw’r Rheoliadau hyn i rym ar y dyddiadau a ganlyn—

a

y rheoliad hwn, rheoliad 2(1), 2(3)(a), 2(3)(b)(i) a 2(3)(b)(iii) ar 15 Ionawr 2018;

b

rheoliad 2(3)(b)(ii) ar 28 Chwefror 2018;

c

rheoliadau 2(2) a 3 ar 1 Ebrill 2018.

3

Mae’r Rheoliadau hyn yn gymwys o ran Cymru ond nid ydynt yn gymwys mewn perthynas ag adeiladau ynni a eithrir yng Nghymru.

4

Yn y rheoliad hwn mae i “adeilad ynni a eithrir” yr ystyr a roddir i “excepted energy building” gan yr Atodlen i Orchymyn Gweinidogion Cymru (Trosglwyddo Swyddogaethau) (Rhif 2) 20094.

Diwygio Rheoliadau Adeiladu 20102

1

Mae Rheoliadau Adeiladu 20105 wedi eu diwygio fel a ganlyn.

2

Yn rheoliad 37A(1) (darparu systemau llethu tân awtomatig)6 yn lle is-baragraff (b)(i) rhodder—

i
a hostel providing temporary accommodation to those who are ordinarily resident elsewhere;

3

Yn Atodlen 3 (cynlluniau hunanardystio ac esemptiadau i’r gofyniad i roi hysbysiad adeiladu neu adneuo planiau llawn)7—

a

ym mharagraffau 4, 8, 9, 12, 13, 14 a 15 o golofn 2, hepgorer “Benchmark Certification Limited,”;

b

ym mharagraffau 10 ac 11 o golofn 2—

i

o flaen “BM Trada Certification Limited” mewnosoder “Assure Certification Limited8,”;

ii

hepgorer “BM Trada Certification Limited,”; a

iii

hepgorer “, Network VEKA Limited”.

Darpariaeth drosiannol3

Nid yw’r diwygiad a wneir gan reoliad 2(2) yn gymwys mewn unrhyw achos pan fo, cyn y dyddiad y daw’r rheoliad hwnnw i rym—

a

hysbysiad adeiladu, hysbysiad cychwynnol, hysbysiad diwygio neu hysbysiad corff cyhoeddus yn cael ei roi i awdurdod lleol, neu gynlluniau llawn yn cael eu hadneuo gydag awdurdod lleol; neu

b

gwaith adeiladu yn cael ei wneud neu wedi ei wneud yn unol ag unrhyw hysbysiad neu gynlluniau o’r fath, boed unrhyw wyro oddi wrth yr hysbysiad neu gynlluniau hynny ai peidio.

Lesley GriffithsYsgrifennydd y Cabinet dros Ynni, Cynllunio a Materion Gwledig, un o Weinidogion Cymru12 Rhagfyr 2017

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn diwygio Rheoliadau Adeiladu 2010 (“y Rheoliadau Adeiladu”) o ran Cymru.

Mae rheoliad 2(2) yn diwygio rheoliad 37A(1) o’r Rheoliadau Adeiladu. Mae rheoliad 37A o’r Rheoliadau Adeiladu yn gymwys pan fo gwaith adeiladu yn cynnwys adeiladu’r mathau o adeiladau a restrir ym mharagraff (1), neu newid eu defnydd yn sylweddol. Pan fo’r rheoliad hwnnw’n gymwys, rhaid darparu system llethu tân awtomatig yn yr adeiladau hynny. Mae’r mathau o adeiladau y mae’n ofynnol darparu system llethu tân awtomatig ynddynt yn cynnwys ystafelloedd at ddibenion preswyl ac eithrio’r rhai a restrir fel eithriadau. Roedd hostelau wedi eu heithrio o’r gofyniad yn flaenorol. Effaith y diwygiad yn rheoliad 2(2) yw ei bod yn ofynnol bellach i systemau llethu tân awtomatig gael eu darparu mewn ystafelloedd mewn hostelau, ac eithrio’r ystafelloedd hynny sy’n darparu llety dros dro i’r rheini sy’n preswylio fel arfer yn rhywle arall.

Mae rheoliad 2(3) yn diweddaru’r rhestr o gynlluniau personau cymwys yn Atodlen 3 i’r Rheoliadau Adeiladu (cynlluniau hunanardystio ac esemptiadau o’r gofyniad i roi hysbysiad adeiladu neu adneuo planiau llawn). Cynllun person cymwys yw cynllun y gall gosodwyr gofrestru arno i hunanardystio bod eu gwaith adeiladu yn cydymffurfio â’r Rheoliadau Adeiladu.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.